Lucas 5:30 - Bíblia

³⁰ Seyni fariseu-ne hiyrun-koxa kasruklewaklerune hinanchitkaluru pirana hasruklewatatshine kahemhayehitna Jesus hasruklene. Wla htshinna: — Kluneru tshinanhe wannayma hnika, rura wanna jijhawenruklerune, hektuneyma?

Lucas 5:30 ပူးပေါင်းရင်းမြစ်များ

Mateus 5:46

Ha puchinikjene tsonu pamoxinipa, kluneru pkahwaka yoptolexnawa Hoyakalu yehiya? Hi he waneko pixka rixjetna jijhawenruklerune?

Mateus 9:11

Waneya fariseu-ne hetlu waneya repomhatkana rasruklene wla htshinna: — Kluneru tshinanhe wannayma hnika, rura wanna jijhawenruklerune, hektuneyma?

Marcos 2:16

Waneya kasruklewaklerune hinanchitkaluru pirana hasruklewatatshine, fariseu-ne hajene hexinri Jesus jijhawenrukleruneyma hiyrun-koxa wanna hektuneyma hnika, repomhana Jesus hasruklene, wla htshinna: — Kluneru tshinanhe wannayma hnika, rura wanna jijhawenruklerune, hektuneyma?

Marcos 7:3

Klu tshinanu fariseu-ne hiyrunu pimrine judeu-ne homkahitlu rutsrukatenna hasruklewle, wan-tshinatshri: hma meromyohkanuklunu hma merokakanotkanuklunu hi hnikanna.

Marcos 9:16

Waneya Jesus hepomhana kasruklewaklerune hinanchitkaluru pirana hasruklewatatshine: — Haklu himuhjekaka?

Lucas 18:11

Waneya fariseu-ne yotunotatka ranjihohnetatka walepka. Wla htshinnawa: “Ha, Tsru Hixikatshriwa Hoyakalu npoyahnutyi hita hi pimrine pixka hixatshrino, wanna katshowhurune, hektutu kamhajetatshine, suxohewatatshine, haté xye tiyiro kyoptokleru pixka hi nix-hita.

Lucas 19:7

Seyni pimrine hetakanatatshine kahemha. Wla htshinna: — Hektutu kamhatshripji rawanu.

Lucas 5:17

Waneya pa hohnetnaka Jesus hasrukakanatna. Wane koxa rawakanata satkaka fariseu-ne hiyrun-koxa satkaka yonawahlo yonha kyimakleru Jesus-stsi htuplakanatna. Ptowru poktshi pejnu runyatkana Galileia tshijneya hiyrun-koxa Judeia tshijne hajeneya. Jerusalém poktshi koxa runyatkana. Tsru Hixikatshriwa Hoyakalu himukatle Jesus-ymalu ptowru hahijewaktshi rutskalajyawaka.

Lucas 5:21

Waneya fariseu-ne hiyrun-koxa kasruklewaklerune hinanchitkaluru pirana hasruklewatatshine yinuwaka hijhahchinikanretna waneya wla htshinatkana: — Katnihe xye jeji hektuwaka htshinanwakatlu Hoyakalu? Katu tsonhe himukata hiknokhektunutlu yineru? Satupkalu Hoyakalu tsonu.

Lucas 7:34

Runa Jeji Whene tshinkaluru. Hnika, rura. Seyni hixa wan-tshina: “Haha hetanu, xye jeji tsru nikalu, vinho-ha jirakleru. Jijhawenruklerune hiyrun-koxa majnakowatatshine rimatleta.”

Lucas 7:39

Waneya xye rexini fariseu-ne, wla htshinahchinikanuta: “Xye jeji Hoyakalu tokanu hinkakletatshri rixkamka, rimathetanmaklo katni twu suxo hanu hixatshropotni hkamrukjero. Hektutu kamhakleroni.”

Atos 23:9

Waneya tsru sapletshi rixna wanna. Satkaka kasruklewaklerune hinanchitkaluru pirana hasruklewatatshine, fariseu-ne hajene yopkaka waneya hipokananu wane htshinna: — Hike hektutu wukchijyalu xye jeji. Pa katako satu hiwejikaluru Hoyakalu towreru tenhohne hajeru ho satu hiwejikaluru hiynumatlu.