Lucas 5:22 - Bíblia

²² Seyni Jesus himathetahchinikanutna hiyáhoni ruhitna, wane htshinatkana: — Klu tshinanhe wan-hixahchinikanuta xyekaka hektutu hichinikanrethajixyawaka?

Lucas 5:22 ပူးပေါင်းရင်းမြစ်များ

Mateus 12:15

Xye pirana rimaxinixka Jesus, wane ruchpajyatka. Hixolune yine homkahimtlu hiyrunu rutskalakna yeyixatshine.

Mateus 12:25

Seyni Jesus himathetahchinikanutna hiyáhoni wane htshinna: — Ptowru tshijne rawa nikawnatshripa, pa hchinikanurutu hmixlenu tshinanna wane tshijne hajene. Hiyrun-koxa ho poktshi hajene ho pantshi hajene wannakakluko pnu pejnu rixahchinikanutna hi rumukata hwachaletna.

Mateus 9:4

Jesus himathetahchinikanutna waneya wane htshinna: — Klu tshinanhe wan-hixahchinikanuta xyekaka hektutu hichinikanrethajixyawaka?

Marcos 8:17

Seyni Jesus yijnakotna ruhjekajyawakna waneya repomhana: — Klu tshinanhe hihjekaka pão hma manijyawakanu tshinanu? Hi he himatawalu, hi he himatjemawalu klu pirana ntshinatkahi? Chik-hajirunrahhe hixa?

Lucas 24:38

Seyni wale wan-tshinna: — Klu tshinanhe hkojwakahchinikanuta? Kluneru tshinan-koxhe wan-hixahchinikanhajita?

Lucas 5:21

Waneya fariseu-ne hiyrun-koxa kasruklewaklerune hinanchitkaluru pirana hasruklewatatshine yinuwaka hijhahchinikanretna waneya wla htshinatkana: — Katnihe xye jeji hektuwaka htshinanwakatlu Hoyakalu? Katu tsonhe himukata hiknokhektunutlu yineru? Satupkalu Hoyakalu tsonu.

Lucas 5:23

Hanupothe kihle tshinko? Wla htshinikowaka hiktehatshri: “Pektunu puknojikatka”, ho wla htshinikowaka: “Pyotunotanu, pyanutka”?

Atos 5:3

Waneya Pedro wan-tshinru: — Ananias, haklu tshinanhe pitshitlu Satanás htowuxyawakyi pihchinikanuya pweyawyehixyawaklu Hoyakalu Hiwejikaluru pumutujyawaklu psoji tshiji wenru?

Hebreus 4:12

Klu tshinanu Hoyakalu tokanu hiwekkaklewatatshrini, tsru himukatatshri potukni, hiyrunu hepnokaka hwasputatshri yohlolewapi pnute hakotatshripotni. Hyohlolewpotuta rutspathalewpotuta. Chinikantshi, hiweklu hiskiwahapu yokle hiyrunu rajitsh-hapu koxa wan-rixa. Yonatkaluru himathetlu hajtshi hchinikanu klu ruchinikanretjeta hiyrunu klu raluka kamhaleta.

Apocalipse 2:23

Wala whenene nuylatanu. Hiyáhoni ptowruka Cristo halixatshine hapatjexikowakkaka hajene himatanu hitakni yineru hchinikanu hiyrunu yineru haji hetjetatshrino. Hiyrunu hixa satkaka wenutko hkamrure wenru pso.