Lucas 5:17 - Bíblia

¹⁷ Waneya pa hohnetnaka Jesus hasrukakanatna. Wane koxa rawakanata satkaka fariseu-ne hiyrun-koxa satkaka yonawahlo yonha kyimakleru Jesus-stsi htuplakanatna. Ptowru poktshi pejnu runyatkana Galileia tshijneya hiyrun-koxa Judeia tshijne hajeneya. Jerusalém poktshi koxa runyatkana. Tsru Hixikatshriwa Hoyakalu himukatle Jesus-ymalu ptowru hahijewaktshi rutskalajyawaka.

Lucas 5:17 ပူးပေါင်းရင်းမြစ်များ

Mateus 11:5

Mayhalenekananu hetatka. Myankanekananu yanatka. Hijirhitukanatatshine hitskalhatka. Majnakonekananu jema. Hipnatshine hiwekkakka. Kihle piranalu potuko hiwekkaklewatatshri pirana runkakkatkana hike mwikane.

Mateus 15:1

Waneya satkaka fariseu-ne hiyrunu satkaka kasruklewaklerune hinanchitkaluru pirana hasruklewatatshine Jerusalém hiyakaxikatshine yanwakatlu Jesus. Waneya repomhaluna:

Marcos 1:45

Seyni jeji hichpakamtatka hyinuwaka kopalpiranretlu hixo pirana potuko. Hiyáhoni wale tshinanu Jesus hi himukata phujewaka tsru poktshikaka jihloklexyawaka seyni kahnete yine mwiywakanu yehi rawjekanatatka Jesus. Wanepnawaka ptowru sretako hichpajikatshine yanwakjekanatlu.

Marcos 16:18

Hiyrun-koxa ho himnu hkachixinna ho hisa rurinna hike rixanna. Hiyrunu yeyixatshine hoho rutakamyoxinna rutskalhanna.

Marcos 3:22

Waneya Jerusalém poktshi hyopijyana kasruklewaklerune hinanchitkaluru pirana hasruklewatatshine. Wanna wla tshinyehitlu Jesus: — Waneylu Belzebu tshinkaluru kamtshi pohire. Belzebu himukatleyma tshinanu hetko maleka ruknokna kamtshine.

Marcos 5:30

Waneklukawa Jesus himaxnawa ruchpakamtatka hpixkonu. Ruprotaka hixolune yin-yehi. Waneya repomha, wane htshina: — Kathe kamrukamkatno?

Marcos 7:1

Waneya fariseu-ne hiyrun-koxa kasruklewaklerune hinanchitkaluru pirana hasruklewatatshine Jerusalém hichpajikatshine hapatjeyehitlu Jesus.

Lucas 15:2

Waneya fariseu-ne hiyrun-koxa kasruklewaklerune hinanchitkaluru pirana hasruklewatatshine jiheklu Jesus. Wla htshinanwakatluna: — Xye jeji hiyanna hektutu kamhatshine. Hiyrun-koxa wannayma hnika.

Lucas 2:46

Waneya map-hohne hiknohinixka rukchikluna Jesus, Hoyakalupji rawakanata. Hoyakalu tokanu hasruklewatatshine hanikajite htuplakanata Jesus. Hyijnakokanatna mturu Jesus, repomhakanatna.

Lucas 5:21

Waneya fariseu-ne hiyrun-koxa kasruklewaklerune hinanchitkaluru pirana hasruklewatatshine yinuwaka hijhahchinikanretna waneya wla htshinatkana: — Katnihe xye jeji hektuwaka htshinanwakatlu Hoyakalu? Katu tsonhe himukata hiknokhektunutlu yineru? Satupkalu Hoyakalu tsonu.

Lucas 5:30

Seyni fariseu-ne hiyrun-koxa kasruklewaklerune hinanchitkaluru pirana hasruklewatatshine kahemhayehitna Jesus hasruklene. Wla htshinna: — Kluneru tshinanhe wannayma hnika, rura wanna jijhawenruklerune, hektuneyma?

Lucas 6:19

Ptowruneka haluka yotnekletmaklu Jesus klu tshinanu pixkontshi hichpaka wale yehiya. Ptowrunek-yine Jesus yotnekatshri hitskalhatka.

Lucas 7:30

Seyni fariseu-ne hiyrun-koxa Moisés yonreru pirana himatpotutatshine hi ralukluna João batiza-xyawakna. Hiyáhoni ruknokluna Hoyakalu halujyawaka ruchinikanreta heneklexikolmakna.

Lucas 8:46

Seyni Jesus wan-tshina: — Yineru kamrukamkatatkano. Nimata klu tshinanu ruchpakamxyatkano npixkonu.

João 3:10

Jesus hihitlu, wla htshina: — Hi he israel-nerune hasrukatshrimkayi seyni xyekaka pirana hi pimata?

João 3:21

Seyni yineru, hanuruktako homkahitlu halikakalutu pirana katawaka rutajnawa, rimathexikowaka hkamhaleru Hoyakalu hikchikhihlenrerni wale.

Atos 19:11

Waneya hix-potuko himyekaklewatatshri hkamha Hoyakalu Paulo tshinanu.

Atos 4:30

Seyni wanepnawaka Hoyakalu pomyokanu wan-hixkalurkakapa hitskalhalkaka, hetkalurkaka, himyekaklewatatshrikaka, pnurreru potukalu Jesus hiwaka tshinanu.

Atos 5:34

Seyni satu fariseu-ne, Gamaliel hiwakatletatshri, yopkaka wanna hanikajite. Wale, hinanchitkaluru pirana hasruklewatatshrini, ptowru yineru kahwakpirpotutlu. Wale maleka hkochpakjixna nuretkalune pchini tsonu.