Lucas 4:41 - Bíblia

⁴¹ Kamtshine koxa hixolune yineyma hwakanatatshine hichpakamtatka, hsaplewamtatkana. Wla htshin-saplemtna: — Pixni Cristo-yi, Hoyakalu Whenyi! Seyni Jesus hi hitshi yanumsaletna kamtshine klu tshinanu rimathetluna Cristo rixyawaka.

Lucas 4:41 ပူးပေါင်းရင်းမြစ်များ

Mateus 26:63

Seyni Jesus potshkecha. Waneya tsru hixikatshriwa sacerdote wan-tshinru: — Ntowutyi Hoyakalu Hiwekatshri hetanuya. Punkakanwu, pixlahe Messias-yi, Hoyakalu Whenyi?

Mateus 4:3

Waneya tsru kamtshi Satanás Jesus-stsi hapoka wane htshinru: — Hoyakalu whene pixinipakni, ptowutanru xye sotlukaka pão rixinwa.

Mateus 8:16

Kayi rixinixka rimxijinixka tkatshi hixolune kkamtshiterune ranikanwakatluna. Waneya Jesus kamtshine maleka ruknoka htokanu tsonuyma hiyrunu ptowruneka yeyixatshine rutskalaka.

Mateus 8:29

Waneya wane htshin-saplewletna kkamtshiterune: — Klu pimalukwu, Hoyakalu Whene? Puna psaletkajyawakanapwuhe wapnokaxikolu hohnepa minjeko?

Mateus 8:4

Waneya Jesus hijretlu wla htshinru: — Petanu. Hike punkakanu seyni pyanutka. Sacerdote pekhimantapinwa putskalhinrixka. Waneya panikanru henekachalu henekawaka nwaka Moisés yonreru tshinyawaka pixka pimrine himaxyawakaplu putskalhiywakatka.

Marcos 1:25

Seyni Jesus hi hinanchitlu. Waneya wane htshina: — Potshkepyi. Puchpakanutka wale maneya.

Marcos 1:32

Waneya kayi rixinixka rimxijinixka tkatshi ranikyehitluna ptowruneko yeyixatshine hiyrun-koxa kkamtshiterune.

Marcos 1:34

Waneya Jesus hitskalakna hixo yeyixatshine ptowru hixatshri hahijewaktshi hwatshine. Maleka hyokanatna hixo kamtshine. Hi ritshi yanumsaletna kamtshine klu tshinanu rimathetluna.

Marcos 3:11

Waneya kamtshine hexiniklunru Jesus hyoptsojityehitluna. Hsaplewatna wla htshinna: — Pixni Hoyakalu Whenyi!

Lucas 4:39

Waneya walastsi hyopkaka. Waneya ruchpakjixlu patshwalu. Tutuk-patshwalemtatka. Waneya waneklukawa tyotunotatka waneya tyomhatna.

João 20:31

Seyni xyekaka yonatka hixa halixyawakaplu Jesus, Hoyakalu Whene Cristo (Messias) rixyawaka hiyrun-koxa halixinri waneyaphi hiwejinri wale hiwaka tshinanu.

Tiago 2:19

Palixluhe satupkalutu Hoyakalu? Hikamturu wane pixa halixlexyawaka. Kamtshine koxa halixlu satupka rixyawaka Hoyakalu, seyni hpikle tshinanna rutatakanna wannani.