Lucas 4:23 - Bíblia

²³ Waneya Jesus wan-tshinna: — Hix-hetko ptowrunekhi xye yapkaklu pirana htshinanno: “Kpinrewakleru, putskalajinwa.” Wla kox-hetko htshinanno: “Cafarnaum poktshi pkamhakanaxinri hewi koxa, ptshijne potuko, pkamhinixnaklu.”

Lucas 4:23 ပူးပေါင်းရင်းမြစ်များ

Mateus 13:54

Waneya Jesus htseruwniywaka poktshi Nazaré tshinikowaka rapokatka. Hyinuwaka hasruklewleta hanjihohnewakapjiya. Waneya ptowruneka himyekahchinikanuta. Waneya repomhakakna: — Hanhe ruchpajya rimatkalnu hiyrunu pixkontshi hetkalurkaka hkamhiywaka?

Mateus 4:13

Waneya Nazaré poktshi ruchpajinixka Jesus, Cafarnaum poktshi hya waneya wane rawatka. Cafarnaum poktshi hipowhastsi rawa, Zebulom hiyrunu Naftali tshijnestsi rawa.

Mateus 4:23

Waneya Jesus Galileia tshijne psoluka hyapamta, rasruklewjeta hanjihohnewakapjikakaya, kihle piranalu potuko Hoyakalu pohirewaxyawaka pirana runkaklewjeta. Yeyixatshine hiyrun-koxa hahijewnalkaka rutskalaka.

Marcos 6:1

Waneya Jesus wane hichpakamxya. Htshijne hyatka. Rimotsatluna rasrukjetanune.

Lucas 2:39

Waneya hnikata kamhalexinixkaluna ptowru yonatkaluru tshinyawaka potuko, Tsru Hixikatshriwa Hoyakalu yokanre piranaya, José hiyrunu Maria tshinkalune satokanwakatlu Galileia tshijne, hipoktshina nwak-potuko Nazaré tshinikowaka hyana.

Lucas 2:51

Waneya Jesus hya runro, ruru yaholeyma. Nazaré poktshi nwaka hyana. Jesus yijnakotna. Seyni Jesus hinro xye pirankaka ptowruka tuchinikanreta tohchinikanuya.

Lucas 4:16

Waneya Jesus htseruwniywaka poktshi Nazaré tshinikowaka hya. Rixjexyawaka sábado hohne hanjihohnewakapji hjihloka. Waneko hyopkaka rethaxyawakaplu Hoyakalu tokanu potukalu yonatkaluru.

Lucas 4:31

Waneya Jesus jihlokamtlu Cafarnaum poktshi Galileia tshijne poktshite. Waneya sábado hohne rasruklewjeta hanjihohnewakapjiya.

Lucas 4:35

Seyni Jesus hi hinanchitlu. Waneya wane htshina: — Potshkepyi. Puchpakanutka wale maneya! Waneya kamtshi wanna hanikajite yawnakaklu kkamtshiteru. Waneya ruchpakamxyalu. Hi rumtukamtlu jeji.

Lucas 6:42

Hanhe pumukata wan-tshinretlu pimole: “Nomole, hitatshi pitshitanu kapopejiru piyhale hwatshri nkochpajyawakapa”, pma mimathetkanuklunru piyhale hwakanatatshri? Hixachatatshrini wan-hixatshri! Mitshikananhapka puknokanrutshi kaknalu piyhale hajeru. Waneyapa petpotutanutkalu pkochpajyaplu pimole yhale hwatshri kapopejiru.

João 4:28

Waneya suxo hiknokahachhajremta. Tyatka poktshi nwaka. Yine tunkaka.

2 Coríntios 5:16

Hiyáhoni xawakni hike yineru hchinikanu wetanu yine hchinikanu hixjexyawaka. Mitshikananu wane wixjejtaplu Cristo seyni xawakni hi wane wixa himatletanutkalu.