Lucas 4:18 - Bíblia

¹⁸ “Hita rawa Hoyakalu Hiwejikaluru. Hnuretno nunkaklexyawakaplu Kihle piranalu potuko hiwekkaklewatatshri pirana hike mwikane yehiya Runkaklewjixno ruchoxikowakapna yine pirana kachitkalune tshinanu hiyrun-koxa himrekhale pirana nunkajyawakna mayhalene, ruchotkona salewnatshine,

Lucas 4:18 ပူးပေါင်းရင်းမြစ်များ

Gênesis 3:15

Himnu, xawakni pkamnitjeropni suxo, pixa koxa hahkanro wala. Hiyrun-koxa himnu piklopichane hahkanro wala hiyrun-koxa suxo klopichaneyma hkamnikakanna, suxo whene hiylajiwutanunyi seyni pixa hachkastsihjixitanru.

Mateus 11:5

Mayhalenekananu hetatka. Myankanekananu yanatka. Hijirhitukanatatshine hitskalhatka. Majnakonekananu jema. Hipnatshine hiwekkakka. Kihle piranalu potuko hiwekkaklewatatshri pirana runkakkatkana hike mwikane.

Mateus 12:18

“Xyetkani ntowreru nuretkaluru, namotleru, wale poyikowkakno. Niwejinri pixkonu nenekanru, Hoyakalu hapnokatlewle hapojinri pirana runkakletanu psol-tshijneyako.

Mateus 12:20

Katsluksu hichtshokatshri hi himlakanu, hiyrun-koxa lamparina mtserumerojijitu hi ruwakanu, hpaklutawa haté hikolukanuwnalu kayaxini potuko.

Mateus 4:16

mapchahawaka hwatshine tsru katalu hetatshinhi; mapchahawaka hwatshine hipuktshi yehi pixkalutu hwatshinhi Hoyakalu hiwekkakle nikotyehitatkahi hohi himrekle pixka.”

Mateus 5:3

— Poyikowatatshinni hike mwikane riwejinri tshinanu, klu tshinanu tenhohne pohirewaxyawaka wannanutkani.

Lucas 4:17

Waneya renekka papel-mta Hoyakalu tokanu hinkakletatshrini Isaías-ni yonre steno. Hkoprakatkalo. Rukchiklu wane htshin-yonhaxyawaka:

Lucas 6:20

Waneya Jesus yopukhatna rasruklene waneya wla htshinatka: — Hixa hike mwikanhi seyni poyikpotukhi. Klu tshinanu Hoyakalu pohirewaxyawaka hixanutkani.

Lucas 7:22

Waneya ruhitatkana. Wla htshinatkana João Batista yokanrene: — Hajewa. Hinkakapanru João xye hetanrukaka hiyrun-koxa hyijnakotanrukaka. Mayhalenekananu hetatka. Myankanekananu yanatka. Hijirhitukanatatshine hitskalhatka. Majnakonekananu jema. Hipnatshine hiwekkakka. Kihle piranalu potuko hiwekkaklewatatshri pirana runkakkatkana hike mwikane.

João 1:41

André yahapkata himole potuko Simão tshinkaluru nwaka. Waneya wla htshinatkalu: — Wukchikatkalu Messias. (Yokakkalurutka waleni Cristo.)

João 12:46

Nuna katalu nixyawaka xye tshijne tshinanupa, mapchahawaka hma wyawakanupa nalixjeru.

João 3:34

Hoyakalu yokanatanru, Hoyakalu tokanu runkakletjeta. Klu tshinanu Hoyakalu hi psotsonujiji Hiwejikaluru reneklu seyni Hiwejikaluru psoluka reneklu.

Atos 10:38

Hiyrun-koxa hixa himatlu Jesus Nazaré hajeru pirana. Hoyakalu hipkakhohotlu Jesus Hoyakalu Hiwejikaluru hiyrunu tsru pixkonu reneklu Jesus. Waneya Jesus ptowru sretako hyapakananumta. Kihleru hkamhakananumta Jesus. Rutskalakna ptowruneka tsru kamtshi himwakanatatshine klu tshinanu Jesus-ymalu Hoyakalu.

Atos 26:18

pumrekhakajyawakna rumukata hichpaklexyawakna mapchahawakaya katalu romkahixyawakapna hiyrunu Satanás towre ruchpajyawakna Hoyakalu romkahixyawakapna. Waneya ralixlena tshinanu rektunna ruknojikona hiyrunu Hoyakalu nuretanune rixyawakapna.”

Atos 4:26

Ptowru tshiji hajene phurune hiyrun-koxa tsrukakalune hapatjetna pa hchinikanurune hkamnixyawakluna Tsru Hixikatshriwa Jesus, Hoyakalu nurreru.”

Atos 4:27

Klu tshinanu halikaka phuru Herodes hiyrun-koxa Pôncio Pilatos hapatjeta xye poktshiya, judeu-neyma hiyrun-koxa pimri tshijnekaka hkamnixyawakluna Jesus, pnurreru potukalu.

Colossenses 1:13

Hoyakalu kochpakwu mapchahawaka kachrewleya waneya ranikatkawu hikeni kaheknanuwlu Hituru ramotleru potuko pohirewaxyawaka wwiywakapa.

Tiago 2:5

Cristo tshinanu nmoletanune nuchinikanune hislahtokanutanno. Hi he Hoyakalu nurrenni wanna hike mwikane xye tshijne hajeruya seyni halixlu tshinanu phurunni hiyrunu Hoyakalu pohirewaxyawaka yoptotatshinepni wanna, runkaklexyana ramotjene?

1 Pedro 2:9

Seyni hixa halixatshinhi Hoyakalu nurrenhi, hineruneko hixyawakapa, Tsru Hixikatshriwa Hoyakalu sacerdote-tenhi, yine potukalunetkahi, Hoyakalunuko hixyawakapa. Hoyakalu nuretatkahi hiphujexyawakaplu rixa hihlehchinikanrexyawakhi, mapchahawaka hichpajyawakapa, wale nwaka katawak-potuko nwaka wwiywakapa htshanixikowaka.