Lucas 4:15 - Bíblia

¹⁵ Rasruklewjekanata wanna hanjihohnewakapjikakaya. Ptowruneka himalwutlu.

Lucas 4:15 ပူးပေါင်းရင်းမြစ်များ

Mateus 13:54

Waneya Jesus htseruwniywaka poktshi Nazaré tshinikowaka rapokatka. Hyinuwaka hasruklewleta hanjihohnewakapjiya. Waneya ptowruneka himyekahchinikanuta. Waneya repomhakakna: — Hanhe ruchpajya rimatkalnu hiyrunu pixkontshi hetkalurkaka hkamhiywaka?

Mateus 4:23

Waneya Jesus Galileia tshijne psoluka hyapamta, rasruklewjeta hanjihohnewakapjikakaya, kihle piranalu potuko Hoyakalu pohirewaxyawaka pirana runkaklewjeta. Yeyixatshine hiyrun-koxa hahijewnalkaka rutskalaka.

Mateus 9:35

Waneya Jesus ptowru poktshikaka hyapa, hanjihohnewakapjikaka rasruklewaxya, kihle piranalu potuko Hoyakalu pohirewaxyawaka pirana runkakletna. Ptowru hixatshri yeyixlu hiyrunu hahijewnalkaka rutskalaka.

Mateus 9:8

Hixo yine hetakanatatshine pikatka. Rimalwutluna Hoyakalu klu tshinanu xye pixkalutu towuwlu renejyawakna yine.

Marcos 1:27

Waneya ptowrunek-yine himyeka. Hiyáhoni repomhakakna, wane htshinna: — Klunerni xye? Klu herotu hasruklewlutkani xye? Tsru hitakkaluruyma kamtshi ruchpakjixa. Hiyrunu kamtshine jemlu htshinyawakna.

Marcos 1:39

Waneya Galileia tshijne psoluka hyapamtatka. Runkaklewakananumta wanna hanjihohnewakapjikakaya. Maleka hyokanatna kamtshine.

Marcos 1:45

Seyni jeji hichpakamtatka hyinuwaka kopalpiranretlu hixo pirana potuko. Hiyáhoni wale tshinanu Jesus hi himukata phujewaka tsru poktshikaka jihloklexyawaka seyni kahnete yine mwiywakanu yehi rawjekanatatka Jesus. Wanepnawaka ptowru sretako hichpajikatshine yanwakjekanatlu.

Lucas 13:10

Satu hapnanuxikalur-hohnetnaka Jesus hasruklewakanata satu hanjihohnewakapjiya.

Lucas 4:16

Waneya Jesus htseruwniywaka poktshi Nazaré tshinikowaka hya. Rixjexyawaka sábado hohne hanjihohnewakapji hjihloka. Waneko hyopkaka rethaxyawakaplu Hoyakalu tokanu potukalu yonatkaluru.