Lucas 3:8 - Bíblia

⁸ Hekhixinwa hehchinikanutatshinhi hixyawaka kihleru kamhatshinhi hixyawaka. Hi hyinuwaka wla tshinkakletanu hixkakluko: “Hixni Abraão-ni klopichanwu.” Klu tshinanu nunkakhi Hoyakalu himukata hakanhakakletanru Abraão-ni klopichane xyekaka sotluya!

Lucas 3:8 ပူးပေါင်းရင်းမြစ်များ

Mateus 21:43

Hiyáhoni wane ntshinhi: — Hoyakalu pohirewaxyawaka hixa hkonka, waneya pa neru renekko Hoyakalu halujyawaka kamhatshinepa.

Mateus 3:8

Hkamhanru xako kihleru himaxikowakapa hehchinikanutatka.

Mateus 3:9

Seyni hi hkahwakanu hixa himukata hihlerexnawa wane htshinamxyawaka: “Abraão-kni wutsrukate”; klu tshinanu nunkakhi Hoyakalu himukata haté xyekaka sotlu kamhalexyalu Abraão klopichane.

Lucas 13:25

— Kapjiru palnanu, hiphapto ruchyatanu. Waneya hixa hiphapto maleka sreta hwanu, hiphaptomka hitpetanu wla htshinreyma: “Tsru Hixikatshriwa, pjihlokkakanwu.” Seyni wale hihitanhi, wla htshinanhi: “Hi nimathi hanu sretakta hichpajikatshinhi.”

Lucas 13:26

Waneya hixa wla tshinanu: “Hixa pixayma mitshi nikatshinwu. Wipoktshi mitshi pasruklewaxya.”

Lucas 14:9

Waneya hyanwakaxinipyi htshanixjeru waneya wla htshininipyi: “Penek-tuplawakletanru xye.” Waneyakni patewatatshrinapyi ppalnanatka tuplawaka hapkatlutu ptuplatanutka.

Lucas 19:40

Waneya Jesus wla tshinna: — Halikaka wane ntshinhi, nyi potshke hixinipa seyni sotlune saplewatanu.

Lucas 19:9

Waneya Jesus wla tshinru: — Xawakniko hiweklu jihlokatkalu xyepji. Klu tshinanu Abraão-ni when-koxni wale.

Lucas 5:21

Waneya fariseu-ne hiyrun-koxa kasruklewaklerune hinanchitkaluru pirana hasruklewatatshine yinuwaka hijhahchinikanretna waneya wla htshinatkana: — Katnihe xye jeji hektuwaka htshinanwakatlu Hoyakalu? Katu tsonhe himukata hiknokhektunutlu yineru? Satupkalu Hoyakalu tsonu.

João 8:33

Waneya ruhitluna, wla htshinruna: — Hix-honra Abraão-ni klopichwu. Hikeklu hohne satu yineru towrertshi hixkakwu. Hiyáhoni hanhe pumukata wan-tshinretwu, hichotkalune wixyawakapa?

João 8:39

Waneya ruhitatkaluna Jesus, wla htshinruna: — Abraão-ni honra wurni. Waneya Jesus, wla htshinna: — Abraão-ni whenene hixkamka, Abraão-ni hixjekanaxyawaka pixka hixanumka hixa.

Atos 26:20

Seyni Damasco poktshi hajene hapka nunkaklexyalu xye pirana waneya Jerusalém poktshiya wane pnute Judeia tshijne psoluyaka haté judeu mixkane tskalaya nunkaklexyalu. Nunkakna rehchinikanuxinripna rektunna tshinanu Hoyakalu yehi hsatojinripna hiyrunu hkamhiywakapluna kamrurtshikaka rekhixnawakapwana rehchinikanutatkana.

Romanos 4:16

Hiyáhoni Hoyakalu hinkakletlu halixatshine tshinanu. Wan-rixa Hoyakalu rimaxikowaka Hoyakalu hinkakletanru renekachatanna Abraão-ni klopichane ptowrun-potuka, hi Moisés yonreru pirana homkahitatshine tshinanu tsonu seyni ptowru yineru pejnu halixatshri Abraão-ni pixka hixa halixletatshri tshinanni. Klu tshinanu Abraão-ni wuruta hixa halixatshinwu ptowrunekwu.

Romanos 9:7

Hiyrun-koxa hi ptowru Abraão-ni klopichane halikaka Hoyakalu whenene hixnawa klu tshinanu Hoyakalu wan-tshinru Abraão-ni: “Piklopichane potuko Isaque klopichanepni ntshina hinkaklexyawakatkayi pixka.”

Filipenses 1:11

Waneya hixa hiwejinri katsepopatkalu ptowru chinikantshi kihleru, Jesus Cristo tsonu hakanikleru, ralixkoxikolupa hiyrunu rimalwuxikolupa Hoyakalu.