Lucas 3:23 - Bíblia

²³ Waneya Jesus yinuwajinixkalu hkamrure psokaklu trinta mhaletkalu. José whene hikahwakkaluru, José hirutlu Eli.

Lucas 3:23 ပူးပေါင်းရင်းမြစ်များ

Gênesis 41:46

José trinta mhaletkalu Faraó Egito pohire kamrure hyinuwak-kamhaletatka waneya Egito tshijne psoluka hyajetatka José.

Mateus 1:1

Twu hinkakletlu Jesus Cristo hitsrukatene. Jesus Cristo, Davi whene, Davi, Abraão whene.

Mateus 1:16

Waneya Jacó wuhenetlu José, José honra Maria tshinkaluro hnuru, walakni matkaklu Jesus, walekatkani Cristo tshinkaluru.

Mateus 1:6

Jessé wuhenetlu pohirtshi Davi (Israel pohire); Davi wuhenetlu Salomão pohirtshi. Salomão hinrokni Urias tshinkaluru hnunro.

Mateus 13:55

Hi he hahmuna chpatako kamruretakleru José tshinkaluru whenni wale? Hi he Maria tshinkalurokni runro hiyrunu repurune Tiago, José, Simão hiyrunu Judas tshinkalune?

Mateus 4:17

Waneya wane pnute Jesus yinuwaka hinkaklewleta, wla htshinamta: — Hehchinikanutanu hektunu tshinanu klu tshinanu hi howukatkalu tenhohne pohirewaxyawaka!

Marcos 6:3

Hi he hahmuna chpatako kamruretaklerukni wale, Maria tshinkaluro whene? Hi he repurune Tiago, José, Simão hiyrunu Judas tshinkalune? Hi he hewi wimwana repurone? Wan-rixkalukni hike hijhatkalu Jesus.

Lucas 2:48

Waneya runro thanur-koxa rexinrina Jesus, rimyekna. Waneya runro wan-tshinru: — Noturu, klu tshinanhe wane pixwu? Hi he puru, hit-koxa hijhakanatyi? Wkojwakahchinikanpotukanatatka.

Lucas 3:31

Eliaquim hirutlu Meleá, Meleá hirutlu Mená, Mená hirutlu Matatá, Matatá hirutlu Natã, Natã hirutlu Davi,

Lucas 4:22

Ptowru neruka halikakni htshinruna Jesus, rukchikhihlenutluna kihleru tokantshi Jesus hinkajyatkana. Wla htshinjekanatluna: — Hi he José tshinkaluru whenni wale?

João 1:45

Filipe hijhatkalu Natanael waneya wla htshinru: — Wukchikatkalu wale yineru Moisés-ni yonyehitanru yonruru piran-yehi hiyrun-koxa Hoyakalu tokanu hinkakletatshine yonyehitanru. Jesus-ni wale, José tshinkaluru whene, Nazaré poktshi hajeru.

João 6:42

Waneya wla htshinna: — Hi he Jesus tshinkalurni xye, José tshinkaluru whenni, ruru hiyrunu runro wimathetanunni, xye? Hiyáhoni hanhe xawaka rumukata wan-tshinrexnawa tenhohne hichpajikatshrini wale?

Atos 1:1

Teófilo tshinanupni twu yonawahlo, yonawahlo mitshikananu nyonreru, nyonatlu Jesus pirana, ptowruka Jesus kamhanru pirana hiyrunu runkakle pirana psoluka, Jesus hasruklewle yinuwaklekananuko;