Lucas 3:11 - Bíblia

¹¹ Ruhjekakna, wla htshinjekanatna: — Hepi mkatshri himwatshri henekanru hike mimwakatu. Niktshi himwatshri hapikanru hike mnikkatu.

Lucas 3:11 ပူးပေါင်းရင်းမြစ်များ

Mateus 25:40

— Waneya pohirtshi hihitanna, wla htshinanna: — “Halikakni wane ntshinhi, xyekaka hkamhiniklunna nomolene haté mujhakot-potu tshinanu hkamhinri, nkahwaklu hita tshinanu hkamhalu.

Lucas 11:41

Hiyáhoni xawakni psoji himwaleru xako henekanna hike mwikane. Waneyakni wan-hixinipa ptowruko powrapatka hixa tshinanu.

Lucas 18:22

Waneya hjeminixkalu Jesus xye ptowruka wla htshinatkalu: — Seyni satu pa hixanu pmaha kamhaletawa. Puchankanru ptowruka pimwanru, penekanna ptowruka mahaxikatshine. Wane pixa pohirewnaletanu tenhohneya. Waneya punanu, pomkahitanno hita.

Lucas 19:8

Waneya ptowru yine hetanu hyopkaka Zaqueu tshinkaluru. Waneya wla htshinru Tsru Hixikatshriwa Jesus: — Tsru Hixikatshriwa Jesus, petanu, hanikaji nimwaleru nenekanna hike mwikane. Hiyrun-koxa katuktako pa hixanu ntshowhuxya nyokwijreymalu, quatro kata pnute nsatkajinri.

João 13:29

Klu tshinanu satkaka wanna kahwaklu Jesus hanjikjixlu pa hixanu hmahaxinrina tsru niklu tshinanupa ho tiyiro renekakjixlu hike mwikane, klu tshinanu Judas tshinkaluru honukla hinotjekanatlo tiyiro mapa yehi.

Atos 10:2

Cornélio powra hchinikanuru hiyrunu Hoyakalu homkahitatshri rixyawaka. Wale hiyrun-koxa wanna ptowruneka hipji hajene. Cornélio henekachajetna judeu-ne hike mwikane hiyrun-koxa hanjihohneru ranjijexyalu Hoyakalu.

Atos 10:31

Waneya wane htshina: “Cornélio, Hoyakalu yijnakotatkalu panjihohnere hiyrun-koxa penekachalkaka hike mwikatu tshinanu ruchinikyi Hoyakalu.

Atos 10:4

Cornélio hetpotutlu. Hpikatka. Waneya Cornélio wan-tshinru: — Klunerni, Tsru Hixikatshriwa? Waneya wane htshinru Hoyakalu towreru: — Hoyakalu hoji sreta rapokatka panjihohnere hiyrun-koxa petwamonrekaka. Hoyakalu hichinikyi.

Efésios 4:28

Katshowhurukananu hi wane pnuteko htshowhuwatanutka seyni hkamrurewatanu. Waleko himyoya kihler-kamrurtshi hkamhanu hkayaxyawakapa. Wan-hixatshri himukata hapikletanna mahaxikatshine.

1 Timóteo 6:17

Xye tshijne hwatshine tsru ktiyiroterune wane ntshina hiykolethi. Hi halixkoxikatshinepwahi. Hiyrun-koxa hi tiyiro himat-nikawnatshri hmunanhanu. Seyni halikaka Hoyakalu ptowru potuko wumuwle wenekjeru wmunanhanu.

1 Timóteo 6:18

Ptowutanna kihle rixyawakapna pimrine, phurune hixkakanna kihler-kamrurtshiyma. Ptowutanna jenekaklerune rixyawakna, kapikaklerunepni.

Hebreus 6:10

Klu tshinanu Hoyakalu hi kmayxakahchinikanuklerni. Hi ramtakanru hixa hkamrure hiyrun-koxa hichiniklewle Hoyakalu hiwaka tshinanu, hixa mitshi pimrine Jesus halixatshine potukalune hepixjekanaxini hiyrunu repixjetna haté xawakni tshinanu.

Tiago 1:27

Hoyakalu Hirtshi himalwuxikolu rukchikhihlenreru kihleru potukalu waleni murune hepixikolu hiyrunu hipnahnurutatshrone hepixikolu hsalewnalna tshinanu hiyrun-koxa rimrexinwa powra hchinikanuru xye tshijne hajeruya.

Tiago 2:14

Nomolene Cristo tshinanu, ha halixlu, hanhe rixa hepixletlu satu yineru ralixle hmunanhamka seyni hi kihle kamrurru? Rumukata hiwekkaklephutatkahe yineru wane pixka hixa halixletatshri?

1 João 3:17

Katukta himwalu rejnunkate xye wiwejinri pchinika hepixatshri hiyrunu Cristo tshinanu hmoletanru mahaxikatshri retmaka seyni hi ruchiniklu, wan-hixatshri yineru hi himwalu Hoyakalu hichiniklewle.

1 João 4:20

Satu wane tshininiklunwa: “Namotlu Hoyakalu”, seyni rahnanuxinri Cristo tshinanu hmoletanru, kayloklerni wale. Klu tshinanu katukta hi hamotlu Cristo tshinanu hmoletanru, retler-potuko, hi rumukata hamotletlu Hoyakalu, metkot-potuko.