Lucas 3:1 - Bíblia

¹ Quinze mhale pchinika hpohirewna romano-neru pohire Tibério tshinkaluru. Waneklukananuko koxa Pôncio Pilatos tshinkaluru towutjekanatlu Judeia tshijne. Herodes tshinkaluru towutjekanatlu Galileia tshijne hiyrun-koxa Herodes mole Filipe tshinkaluru Itureia tshinikowaka hiyrunu Traconites tshinikowak-koxa htowutjekanata. Lisânias tshinkaluru towutjekanatlu Abilene tshinikowaka.

Lucas 3:1 ပူးပေါင်းရင်းမြစ်များ

Gênesis 49:10

Phuru hi hmahatanu Judá klopichaya hiyrun-koxa hi hmahatanu towutatshri hiklopichaneya hma mapokkanu pchinika Towutatshri Potuko. Waneklu ptowru yineru kajnakolunepa wale yehiya.

Mateus 14:1

Waneya phuru Herodes, Galileia tshijne pohire, hjemyehitlu Jesus kamhajekanatanru pirana,

Mateus 14:3

Wane htshina klu tshinanu Herodes preso rutakjixniru João-ni, rostukjixniri waneya preso rutakniru Herodes repuru Filipe hnunrotakanatanro Herodias tshinkaluro tshinanu.

Mateus 14:6

Seyni Herodes hohneru tshinanu Herodias tshinkaluro hchitsho hahsata wanna hanikajite waneya Herodes hikchikhihlenupotutlo.

Mateus 22:17

Hiyáhoni punkakanwu, pkahwaklu minanchitkotlahe psoji tiyiro wenejyawaklu César Roma hajeru tsru hixikatshriwa? Ho wenejerhe ho hike?

Mateus 27:2

Rostutluna Jesus, waneya ranikluna Phuru Pilatos renejyawakapluna.

Marcos 6:17

Klu tshinanu Herodes mitshi kachikjixniru João-ni. Rostukjixniri, preso rutakjixniru, Herodes repuru Filipe hnunrotakanatanro Herodias tshinkaluro tshinanu.

Marcos 6:21

Waneya Herodias himukaxinri hohne, Herodes hohneru tshinanu tsru niklu hkamha tsrukakalune, soldado-ne chefe-tene, hiyrun-koxa tsru hitakkalune Galileia hajene tshinanu.

Lucas 13:31

Waneya waneklu satkaka fariseu-ne yanwakatlu Jesus. Wla htshinruna: — Hewi pasujinixka klu tshinanu phuru Herodes haluk-hiylaletyi.

Lucas 2:1

Waneya waneklu papko phuru Augusto tshinkaluru towutlewjekanata ptowru tshijne hajeneko rutakhiwakaxikowakapna rutakyahojikowakapna yine.

Lucas 23:24

Waneya phuru Pilatos, Jesus ruylakjixa, ranjixyawakna yine pixka.

Lucas 3:19

Seyni rapatlu phuru Herodes klu tshinanu hhanunrotlo himole Filipe tshinkaluru hnunro, Herodias tshinkaluro. Hiyrun-koxa rapatlu phuru Herodes pimri hixoluru hektutu hkamhaleru tshinanu.

Lucas 9:7

Waneya phuru Herodes, Galileia tshijne pohire, himatyehitlu Jesus kamhajekanatanru pirana. Waneya hkojwakahchinikanutatka Herodes klu tshinanu satkaka wan-tshinakanata: — João Batista-ni hetko hiwekatnaka.

Atos 23:26

“Hita, Cláudio Lísias-no, yonanwakatyi kchinikanuru governador Félix. Nalikyi.

Atos 24:27

Waneya hepi mhale hiknohinixka Pórcio Festo tshinkaluru Félix kachrijru hjihlokatka, Cesareia poktshi htowuxyawakatka. Seyni Félix himretawalu Paulo preso-ya klu tshinanu raluka poyikowkakletna judeu-nerune.

Atos 26:30

Waneya rali wan-tshinrexinixkalu xye pirana, Phuru Agripa, Festo, Berenice hiyrunu wannaymalune ptowruneka palnatka.

Atos 4:27

Klu tshinanu halikaka phuru Herodes hiyrun-koxa Pôncio Pilatos hapatjeta xye poktshiya, judeu-neyma hiyrun-koxa pimri tshijnekaka hkamnixyawakluna Jesus, pnurreru potukalu.