Lucas 24:6 - Bíblia

⁶ Hi hewitkalu seyni riwekatnaka halikaka. Hichinkapanru runkajyapiranhi mitshikananu Galileia tshijne rawakanaxiniwa.

Lucas 24:6 ပူးပေါင်းရင်းမြစ်များ

Mateus 12:40

Jonas map-hohne, map-yetshno tsro chima nanwaka rawakanata hiyáhoni waneko pixka rixko Yineru Whene map-hohne, map-yetshno tshiji hitokote rawanu.

Mateus 16:21

Wale hohnekananuko Jesus yinuwaka hinkakletna rasruklene Jerusalém rujha yalexyawaka pirana hiyrunu hsalewniywaka hixo pa hixanu tshinanuya pirana tsrukakalune judeu-ne hiyrunu tsru hixikatshinwa sacerdote-ne myoya, kasruklewaklerune hinanchitkaluru pirana hasruklewatatshine myoy-koxa. Hiyrun-koxa ruylatko seyni map-hohne rixinri riwekanutnaka pirana.

Mateus 27:63

Waneya wla htshinatkaluna: — Tsru Hixikatshriwa, wuchiniklu wale kyokwirewaklerni riwekakanaxinni wla htshina, Map-hohne hiknohinpatka niwekkako.

Mateus 28:6

Hi hewitkalu seyni riwekatnaka halikaka, htshinyawaka potuko pixka. Wkata hina, hetapyawakaplu rukoluhakanaxyawaka.

Marcos 16:6

Seyni wale wan-tshina: — Hi himyekanu! Nimatlu Jesus Nazaré hajeru cruz hipnapikatshri hijha. Seyni hi hewitkalu, riwekatnaka. Hetanru rukoluhakanaxyawaka.

Marcos 8:31

Waneya Jesus yinuwaka hasrukletna rasruklene, waneya wane htshinna: — Hita Jeji Whene tshinkalurno, nujhalu nsalewnapotuxyawakapa. Nuknokko tsrukakalune judeu-ne yehiya hiyrunu tsru hixikatshinwa sacerdote-ne yehiya, kasruklewaklerune hinanchitkaluru pirana hasruklewatatshine yehiy-koxa. Nuylatko. Seyni map-hohne rixinri niwekanutnaka.

Lucas 24:34

Wane htshinjekanaxyawakna: — Hehe, halikakni, Tsru Hixikatshriwa Jesus hiwekatnaka! Simão tshinkaluru hetlu!

Lucas 24:5

Hpikatkana suxone. Tshiji hyohimhojitna. Waneya jejine mkatshri katajiru hitakatshine, wan-tshinna: — Klu tshinanhe hipnatshri hwawakle hijhiylu hiwekatshri?

Lucas 9:22

— Jeji Whene tshinkaluru hijhalu hsalewniywaka hixo pa hixanu tshinanuya. Nuknokko tsrukakalune judeu-ne hiyrunu tsru hixikatshinwa sacerdote-ne yehiya, kasruklewaklerune hinanchitkaluru pirana hasruklewatatshine yehiy-koxa. Nuylatko. Seyni map-hohne rixinri niwekanutnaka.

Lucas 9:44

— Hi xako hamtakanru xye tokantshi ntshinyahi. Jeji Whene tshinkaluru yine renekko.

Atos 2:24

Seyni Hoyakalu hiwekkakatnaklu Jesus, hipuktshi mixkonu hkochpajyalu Hoyakalu klu tshinanu hipuktshi hi himukata kachretlu Jesus.

2 Tessalonicenses 2:5

Hi he hichiniklu hix-yehi nwakanaxini mitshi xye pirana nunkakatkahi?