Lucas 24:44 - Bíblia

⁴⁴ Waneya Jesus wan-tshinna: — Nimwakanaxiniwahi nunkakatkahi raluk-hakanhaleta ptowru potuko hita pirana yonatkaluru, Moisés yonreruya, Hoyakalu tokanu hinkakletatshine yonreya hiyrun-koxa Salmos-mta yonatkaluruya hita pirana.

Lucas 24:44 ပူးပေါင်းရင်းမြစ်များ

Gênesis 14:18

Waneya Melquisedeque, Salém poktshi pohire, haniklu pão, vinho-ha koxa; xyekni Tsru Hixikatshriwa Hoyakalu sacerdote-te.

Gênesis 22:18

Hiyrun-koxa piklopichane tshinanu kihlewaka ntshinanwakatanna ptowruneruka tshij-hoho hwatshine hihlehchinikanutko klu tshinanu ntokanu pomkahitatka.

Gênesis 3:15

Himnu, xawakni pkamnitjeropni suxo, pixa koxa hahkanro wala. Hiyrun-koxa himnu piklopichane hahkanro wala hiyrun-koxa suxo klopichaneyma hkamnikakanna, suxo whene hiylajiwutanunyi seyni pixa hachkastsihjixitanru.

Gênesis 49:10

Phuru hi hmahatanu Judá klopichaya hiyrun-koxa hi hmahatanu towutatshri hiklopichaneya hma mapokkanu pchinika Towutatshri Potuko. Waneklu ptowru yineru kajnakolunepa wale yehiya.

Mateus 1:22

Xye ptowruka wan-hixa, hpoyahokajyawakaplu ptowruka htshinyawaka Tsru Hixikatshriwa Hoyakalu, Hoyakalu tokanu hinkakletatshriya Isaías-ni tshinkalurni, wla htshina:

Mateus 16:21

Wale hohnekananuko Jesus yinuwaka hinkakletna rasruklene Jerusalém rujha yalexyawaka pirana hiyrunu hsalewniywaka hixo pa hixanu tshinanuya pirana tsrukakalune judeu-ne hiyrunu tsru hixikatshinwa sacerdote-ne myoya, kasruklewaklerune hinanchitkaluru pirana hasruklewatatshine myoy-koxa. Hiyrun-koxa ruylatko seyni map-hohne rixinri riwekanutnaka pirana.

Mateus 26:54

Seyni wan-rixini hanhe xawaka rixa poyahokakletanu Hoyakalu tokanu tshinyawaka rujhalu wan-rixyawakapa yonatkaluru tshinyawaka pixka?

Mateus 26:56

Seyni xye ptowruka hakanha Hoyakalu tokanu hinkakletatshinni yonreru tshinyawaka hpoyahokajyawakapa tshinanu. Waneya rasruklene ptowruneka hichotatkalu, rasukatkana.

Marcos 9:31

klu tshinanu rasrukna rasruklene, wla htshinna: — Jeji Whene tshinkaluru yine renekko. Wanna hiylatanru seyni map-hohne rixinri riwekanutnaka.

Lucas 21:22

Klu tshinanu waneklu papkopa hapnokatlu hohnepatkani, rakanhiywakapa ptowru potuka yonatkaluru Hoyakalu piranaya.

Lucas 22:37

Klu tshinanu halikaka wane ntshinhi: Xye nopirana, yonatkaluru Hoyakalu tokanuya haluk-hiphujewnaletanu hitayma. Wla htshina yonatkaluru, nopirana: “Hektutu kamhatshine yehi nwanu.” Xye tokantshi yonatkaluru hitayma ruphujewnanu.

Lucas 24:46

Waneya wane htshina: — Hyonpiranatka Messias tshinkaluru haluka salewnaleta seyni map-hohne rixinripa riwekanutnaka hipnatshine tskalaya.

Lucas 9:22

— Jeji Whene tshinkaluru hijhalu hsalewniywaka hixo pa hixanu tshinanuya. Nuknokko tsrukakalune judeu-ne hiyrunu tsru hixikatshinwa sacerdote-ne yehiya, kasruklewaklerune hinanchitkaluru pirana hasruklewatatshine yehiy-koxa. Nuylatko. Seyni map-hohne rixinri niwekanutnaka.

Lucas 9:44

— Hi xako hamtakanru xye tokantshi ntshinyahi. Jeji Whene tshinkaluru yine renekko.

João 3:14

Moisés popriwaka yopkaklu hahaje waleptaji hoho rutaklu himnu bronze kamhikolu hiyáhoni waneko pixka raluk-hixletko Jeji Whene tshinkaluru teno rutakko.

João 5:39

Hethapotjetlu Hoyakalu tokanu yonatkaluru, hanu htshina. Klu tshinanu hixa kahwaklu wale yonatkaluru tshinanu hikchikanru hiweklu hikeklu hohne mnikawnakatu. Haha walekni hiphujtatlu kat-potno hita.

João 5:46

Klu tshinanu Moisés-ni halixkamka waneya hit-koxmaka halixanutka. Klu tshinanu nopirana yonatatshrini wale.

Atos 13:33

wale renekatkawu hixa, wutsrukatenni whenenwu Hoyakalu hiwekkajinixkalu Jesus. Wane potuko htshina yonawahleta Hoyakalu pirana yonatkaluru hepi rixinri Salmo: “Pixni Noturyi. Xawakni nwuhenetyi.”

Atos 13:40

Xakoka! Hislahinwa hma makanhayehixyawakanuphi Hoyakalu tokanu hinkakletatshine hinkajyatkawu mitshi:

Atos 2:27

Klu tshinanu hi puknokachamtanno hipuktshi yehiya. Hi koxa puchochatanru palukleru potukalu rujpahachaxyawakapa.

Atos 3:18

Seyni Hoyakalu kamhalu wale runkaklewjixanru ptowruneka Hoyakalu tokanu hinkakletatshine namaya, Messias hijhalu hsalewniywaka.

Atos 7:37

Xyekni Moisés wan-tshinatkana israel-nerune: “Hoyakalu yokanatanru satu Hoyakalu tokanu hinkakletatshri hita pixka hixatshripni Hoyakalu yokanatanrupni. Hixako himolepni wale.”

Hebreus 10:1

Moisés yonre hi ruphujetpotutlu ptowru pirana kihleru halikakalutu, hinatshripa pirana. Hiyrunu Moisés yonreru pirana hi Hoyakalu yehi hwatshri potuk-piranni seyni wale mayawle pixkalutu tsonutkani. Klu tshinanu ptowru mhal-kakako wale pixkalutu henekachlukaka hiylatkaluru renekjeta yine tshinanu. Hi rutuka henekachalu kamhaljetna seyni wanepnawaka hi hpotukatkatkana wanna yine Hoyakalu hijhatshinemka.

Hebreus 3:5

Halikaka Moisés-ni kihle kamrureru pantshi hajeru kamrurtshi tshinanu seyni towrertshi ptowutkolu pixka rixa. Hiyáhoni ruphujetlu hinkakletkaluru hinatshripa pirankaka.

Hebreus 7:1

Melquisedeque tshinkaluru Salém tshinikowaka poktshi pohire hiyrun-koxa Hoyakalu ten-potu hajeru Sacerdote-tetkani. Abraão-ni mitshi hiylakaklu nwaka ruchpajinnixka pohiruneyma xye Melquisedeque yoptotapniru mitshi. Kihlewaka htshinanwakatniri Abraão-ni.

Hebreus 9:8

Xye hasruklu hkochtsheka Hoyakalu Hiwejikaluru rekhipotuxyawakapwu Hoyakalupji hiputre hruko hwaka pchinika, hi kyapawaklewalu Hoyakalu hwiywak-potuko hjihlojyawakapna yine.

1 Pedro 1:11

Rujha himatjemletluna kluneru piranni xye hiyrunu rujha himatletluna hiklu rakanhanu xye pirana. Klu tshinanu Cristo Hiwejikaluru mitshi wanna hitokote hwatshri runkakna mitshi Cristo mapokatuwa pirana, Cristo saletle hinatshripa pirana hiyrunu hsaletle wane pnutepa ruphujexikolupa pirana.

Apocalipse 19:10

Waneya Hoyakalu towreru tenhohne hajerumka nyoptsojityehita nimalwuxyawakaplu seyni wale wan-tshinno: — Hike, hi wane pixanu! Hit-honra pixje kamrurewatatshrino, Hoyakalu towreru, pmoletanune Cristo tshinanu, Jesus hiphujetatshineymalutno. Hiyáhoni Hoyakalu himalwutanu halikaka! Klu tshinanu halikaka pirana Jesus hiphujetleru pirana, Hoyakalu tokanu hinkakletatshine mixkotjeru.