Lucas 24:39 - Bíblia

³⁹ Hetamyotanno hiyrun-koxa nojixi. Hitakni. Hkamrukanno, himathexyawakapno. Klu tshinanu samentshi hi kahitlu, hi kahaplu. Hixa hi hetno wane nixyawaka.

Lucas 24:39 ပူးပေါင်းရင်းမြစ်များ

Lucas 23:46

Jesus hipokananu saplewatatka: — Nuru, pimyo nutaklu niwejinri. Waneya rali wan-tshinretatka rupnanatka.

Lucas 24:38

Seyni wale wan-tshinna: — Klu tshinanhe hkojwakahchinikanuta? Kluneru tshinan-koxhe wan-hixahchinikanhajita?

Lucas 24:40

Rali wan-tshinretatka, rekhitna himyo, hijix-koxa.

João 20:20

Rali wan-tshinretatka, rekhitna himyo, hikwansat-koxa. Waneya hpoyikowpotutna rasruklene Tsru Hixikatshriwa rexyawakna.

João 20:25

Hiyáhoni pimrine hasruklene wla tshinru: — Wetatkalu Tsru Hixikatshriwa. Seyni Tomé wan-tshinna: — Nma metkanuklunuplu prego yohloxyawaka marca-te himyo hiyrunu nomyoji nma yochmakkanuklunuplu prego yohloxyawaka hiyrun-koxa nomyo nma yochmakkanuklunuplu hikwansata yohloxikolu, hi nalixanru.

João 20:27

Waneya Jesus wla tshinru Tomé: — Pimyoji nomyo putakanu, petamyotanno. Pomyokanu, nokwansata pyochmakanru. Hi malixakletupyi seyni halixatshripyi.

Atos 1:3

Rali hipnalexinixka Jesus, riwekatnaka waneya quarenta hohne pejnu tsonu rimwatkana hnurrene hiwekatshriko rixyawakatka, hiyrunu rekhipotutna hiwekatshri rixyawakatka. Wane pchinika Jesus hiynumsatna hnurrene Hoyakalu pohirewaxyawaka pirana.

1 Tessalonicenses 5:23

Waleko Hoyakalu hihlewahchinikanrewlu wenekjeru Hoyakalu pixkalune hixkakanhi ptowru chinikantshiya. Nanjitlu Hoyakalu rinoxyawakapwu hixa psoluka wiwejinri, wihchinikanu, wimanen-koxa ptowru hikoluklu hiyrun-koxa ptowru jihyehixikoluya rapojinpotukananuko Wutsrukate Jesus Cristo.

Hebreus 12:9

Klu tshinanu wuru saletkoxwu seyni wanepnawaka wkahwakpiratatkalu. Hiyáhoni wane yohnik-wixa yijnak-tokanretanru Wuru Hoyakalu hiwejikalune kamhatshri, wiwejyawakapa.

1 João 1:1

Tokantshi hiweklu heneklewatatshri wyonanwakathi, xye tshijne yinuwajinikananuko hwatshri pirana. Xye tokantshi wyijnakotatka hiyrunu wetlu wiyhaleya. Wi potuko wexyalu, wutyaklu wimyoya.