Lucas 24:36 - Bíblia

³⁶ Waneya wane htshinakanatawana, xye piranaya, Jesus wanna hanikajite hyopkakatka. Waneya wane htshinna: — Kihle hchinikanuphi.

Lucas 24:36 ပူးပေါင်းရင်းမြစ်များ

Mateus 10:13

Waneya kihle yoptole hixkoklunupa, hanjitanru Hoyakalu kihle hwachle rixkajikowakapna. Seyni hma yoptohihlenutjene rixinna, Hoyakalu hanjixya kihle hwachle rixinrina hkonanna.

Marcos 16:14

Waneya Jesus hapkata hakanhayehletna onze rasruklene. Hnikakanatna. Waneya wale hijretna hmalixlenna tshinanu hiyrunu hchikhajna tshinanna. Klu tshinanu hi ralixtokanutna pimrine Jesus hiwekatshri hetatshine.

Lucas 10:5

Satu pantshi hjihlojinipa, mitshikananhapka wla htshinanna pantshi hajene: “Kihlephi xyepji hwatshine.”

João 14:27

— Hapnanuhchinikanrewlu hix-yehi nutakanu nuhlehchinikanyehixikolu nenekanhi. Xye tshijne hapnanuhchinikanre phuta pixkalutu hi nenekanhi. Hiyáhoni hi hkojwakahchinikanutanu. Hi hpikanu nyiniklunpatka.

João 16:33

Xyekaka pirana nunkakatkahi kihle hchinikanurunephi hita tshinanu. Xye tshijne salewnikatshinephi. Seyni kihle hchinikanurunephi klu tshinanu xye tshijne namtakakatka.

João 20:26

Waneya pa semana hiknohinixka, wanepjitnakna Jesus hasruklene Tomé-yma. Waneya yáholu hiphaptokaka hichyaluru potuko, Jesus jihlokatka wanna hanikajite hyopkakatka, waneya wla htshinna: — Kihle hchinikanuphi.

Atos 1:3

Rali hipnalexinixka Jesus, riwekatnaka waneya quarenta hohne pejnu tsonu rimwatkana hnurrene hiwekatshriko rixyawakatka, hiyrunu rekhipotutna hiwekatshri rixyawakatka. Wane pchinika Jesus hiynumsatna hnurrene Hoyakalu pohirewaxyawaka pirana.

1 Coríntios 15:5

Waneya Pedro tshinkaluru hetlu waneya pimrine riyanjerene koxa doze hetlu.

1 Coríntios 15:7

Waneya Tiago tshinkaluru hetlu. Waneya ptowruneka Hoyakalu nurrene hetlu.

2 Tessalonicenses 3:16

Hiyáhoni xawakni nanjitlu Wutsrukate Jesus Cristo wapnanuhchinikankakjeru ptowru hohneruka rapnanuhchinikankajyawakaphi ptowru potuko tshinanuya. Wutsrukate hixayma rawjetanu.

Apocalipse 1:4

Hita, João-no, nyonanwakatna Sete, Cristo halixatshine hapatjewaka, Ásia tshijne hajene. Kihle hchinikanurunephi hiyrunu kihle hwachalu henejikowakapa Hoyakaluya hwahohnekanatatshri, xawakni hohne hwatshrini, mitshikawni hiyrunu wale pnut-hohne hwatshrip-koxni. Hiyrunu Hoyakalu tuplaprestsi hwatshine sete hiwejikalune tshinanuya koxa.