Lucas 24:27 - Bíblia

²⁷ Waneya hyinuwaka hinkakletna Hoyakalu tokanu yonatkaluru pirana, Moisés yonreru hiyrun-koxa Hoyakalu tokanu hinkakletatshine yonrekananuko runkakna wane htshinakanaxyawakna waleko hipirana.

Lucas 24:27 ပူးပေါင်းရင်းမြစ်များ

Gênesis 12:3

Katukta hihlehchinikanutanyi pixa Hita hihlehchinikanutanna wanna hiyrun-koxa katukta hektuwaka htshinanwakatyi pixa Hit-koxa hektuwaka ntshinanwakatna wanna. Ptowru neruka xye tshiji hajene hihlehchinikanutka pixa tshinanu.

Gênesis 22:18

Hiyrun-koxa piklopichane tshinanu kihlewaka ntshinanwakatanna ptowruneruka tshij-hoho hwatshine hihlehchinikanutko klu tshinanu ntokanu pomkahitatka.

Gênesis 26:4

Piklopichane nixolewkakanu katahirine tenhohne hajene pejnu nixkakanna hiyrun-koxa nyi tshijnekaka ptowruka nenekanna. Ptowru tshijne hajene hepixko pixa klopichane tshinanupa.

Gênesis 3:15

Himnu, xawakni pkamnitjeropni suxo, pixa koxa hahkanro wala. Hiyrun-koxa himnu piklopichane hahkanro wala hiyrun-koxa suxo klopichaneyma hkamnikakanna, suxo whene hiylajiwutanunyi seyni pixa hachkastsihjixitanru.

Gênesis 49:10

Phuru hi hmahatanu Judá klopichaya hiyrun-koxa hi hmahatanu towutatshri hiklopichaneya hma mapokkanu pchinika Towutatshri Potuko. Waneklu ptowru yineru kajnakolunepa wale yehiya.

Marcos 4:34

Yapkaklu minjeyma hi runkakna Jesus. Seyni rasruklene tsonu runkakpotutatka.

Lucas 24:25

Waneya Jesus wan-tshinna: — Ha, mimatjemkanhi. Hi kahchinikanhi halixhapkaxyawaka ptowru potuko pirana Hoyakalu tokanu hinkakletatshine tshinjekanaxyawakhi!

Lucas 24:44

Waneya Jesus wan-tshinna: — Nimwakanaxiniwahi nunkakatkahi raluk-hakanhaleta ptowru potuko hita pirana yonatkaluru, Moisés yonreruya, Hoyakalu tokanu hinkakletatshine yonreya hiyrun-koxa Salmos-mta yonatkaluruya hita pirana.

João 1:45

Filipe hijhatkalu Natanael waneya wla htshinru: — Wukchikatkalu wale yineru Moisés-ni yonyehitanru yonruru piran-yehi hiyrun-koxa Hoyakalu tokanu hinkakletatshine yonyehitanru. Jesus-ni wale, José tshinkaluru whene, Nazaré poktshi hajeru.

João 12:41

Isaías-ni xyekaka tokantshi htshina mitshi Jesus hoyaknu rexini mitshi waneya wale pirana runkakletatka.

João 5:37

Nuru Hoyakalu nyokanatjeru walekni hiphujtatno hita. Seyni hix-yinhi hikeklu jematkalu htokanu hiyrun-koxa hikeklu hetatkalu himane.

João 5:39

Hethapotjetlu Hoyakalu tokanu yonatkaluru, hanu htshina. Klu tshinanu hixa kahwaklu wale yonatkaluru tshinanu hikchikanru hiweklu hikeklu hohne mnikawnakatu. Haha walekni hiphujtatlu kat-potno hita.

Atos 10:43

Ptowruneka Hoyakalu tokanu hinkakletatshine hiphujtatlu Jesus pirana, satkaka yineru Jesus hiwaka hmunanhiywakapa ruknojikowakapa rektunna.

Atos 3:18

Seyni Hoyakalu kamhalu wale runkaklewjixanru ptowruneka Hoyakalu tokanu hinkakletatshine namaya, Messias hijhalu hsalewniywaka.

Atos 3:22

Klu tshinanu Moisés-ni wan-tshinatka: “Tsru Hixikatshriwa Hoyakalu yokanatanru hixa tshinanu satu Hoyakalu tokanu hinkakletatshri, hita pixka rixanu pimolene ruchpajini. Hyijnakotanru xako wale ptowruko runkajyahi.

Atos 3:24

Ptowruneka Hoyakalu tokanu hinkakletatshine Samuel-ni klukananuko haté hapkatatatshine ptowruneka hinkakletpiranatlu wale pirana, hinkaklewatatshine runkakletpiranatluna xye hohnekaka pirana.

Atos 7:37

Xyekni Moisés wan-tshinatkana israel-nerune: “Hoyakalu yokanatanru satu Hoyakalu tokanu hinkakletatshri hita pixka hixatshripni Hoyakalu yokanatanrupni. Hixako himolepni wale.”

Atos 8:35

Hiyáhoni Filipe yinuwaka hinkakletlu. Xye pirana yonatkaluruko hyinuwaka hihle hinkaklepotutlu kihler-potuko tokantshi hiwekkaklewatatshri Jesus pirana runkaklu.

Apocalipse 19:10

Waneya Hoyakalu towreru tenhohne hajerumka nyoptsojityehita nimalwuxyawakaplu seyni wale wan-tshinno: — Hike, hi wane pixanu! Hit-honra pixje kamrurewatatshrino, Hoyakalu towreru, pmoletanune Cristo tshinanu, Jesus hiphujetatshineymalutno. Hiyáhoni Hoyakalu himalwutanu halikaka! Klu tshinanu halikaka pirana Jesus hiphujetleru pirana, Hoyakalu tokanu hinkakletatshine mixkotjeru.