Lucas 24:19 - Bíblia

¹⁹ Waneya wale wan-tshinna: — Kluneru pirana? Waneya wanna wla tshinna: — Jesus-ni Nazaré poktshi hajerni pirana. Walenixkani jejni Hoyakalu tokanu hinkakletatshrini. Hiyrun-koxa ptowrunek-yine hetanuya kpixkonuru hkamrureya, htokanuy-koxa.

Lucas 24:19 ပူးပေါင်းရင်းမြစ်များ

Mateus 21:11

Waneya hixolune rimotsane wla tshina: — Xyekni Jesus, Hoyakalu tokanu hinkakletatshrini Nazaré poktshi Galileia tshijne hajeru.

Marcos 1:24

— Ya! Kluhe pixannatkawu Jesus Nazaré hajeru? Puna pumtukapyawakapwuhe? Nimatyi katyi pixa Potukalyi Hoyakalyi.

Lucas 24:18

Waneya satu, Cleopas tshinkaluru wan-tshinru: — Jerusalém poktshi hajermakyi, seyni pixa tsonu hetko hi himatlu klu rixanatka Jerusalém poktshiya xye hohnekaka.

Lucas 7:16

Waneyakni ptowru neruka pikatka, rimalwutluna Hoyakalu. Wla htshinatkana: — Tsru jinkaklewakleru rakanhayehikakatkawu Hoyakalu. Runa Hoyakalu hayinetene ruchokjixyawakapa.

João 3:2

Waneya hoyetshno Nicodemos yanwakatlu Jesus waneya wane htshinru: — Tsru Hixikatshriwa, wimatyi pixa kasruklewakleryi, Hoyakalu yokanreryi klu tshinanu hike yineru himukata kamhaletlu nyi hiyakolukaka pkamhajereru Hoyakalu mimotsatanune.

João 4:19

Waneya wla ttshina suxo: — Xawakni nimatyi hinamtatshri pirana hinkakletatshrihetkoyi.

João 6:14

Waneya Jesus hiyákole hetakanatatshine wan-tshina: — Xyekni halikaka Hoyakalu tokanu hinkakletatshri xye tshijne hinatshripa.

João 7:52

Waneya wanna hihitlu, wla htshinruna: — Pix-koxlahe Galileia hajeryi? Petjepotutanru Hoyakalu tokanu yonatkaluru klu potu htshina waneya pimatanru satu Hoyakalu tokanu hinkakletatshri wkahwakleru hi Galileia tshijne ruchpajini.

Atos 10:38

Hiyrun-koxa hixa himatlu Jesus Nazaré hajeru pirana. Hoyakalu hipkakhohotlu Jesus Hoyakalu Hiwejikaluru hiyrunu tsru pixkonu reneklu Jesus. Waneya Jesus ptowru sretako hyapakananumta. Kihleru hkamhakananumta Jesus. Rutskalakna ptowruneka tsru kamtshi himwakanatatshine klu tshinanu Jesus-ymalu Hoyakalu.

Atos 2:22

Waneya Pedro pnute hinkakna: — Jejine, israel-nerune, hyijnakotanru xako xye tokantshi: Hixa himatlu xye jeji Jesus Nazaré hajeru, Hoyakalu nurreru rixyawaka. Xye rekhitatkahi Hoyakalu ruyakolekakayma, tsrukaka himyekaklewatatshriyma, Jesus kamhaleru hixa tskalaya.

Atos 7:22

Wale tshinanu Moisés hasrukkatka Egito hajene himatkale hiyrun-koxa tokantshi hiyrunu kamrurtshi tsru himukatatshrini.