Lucas 23:5 - Bíblia

⁵ Seyni wanna mixkowa yanumletatka, wla htshinna: — Xye komyekahchinikanutna yine. Judeia tshijne psoluka hya rasruklewle. Galileia tshijne hyinuwajya. Xawakni hewi rapokatka.

Lucas 23:5 ပူးပေါင်းရင်းမြစ်များ

Mateus 11:1

Jesus hali towutlexinixkana rasruklene, wane ruchpajya rasruklewaxyawakapa, runkaklewaxyawakapa pa poktshikakaya.

Mateus 2:1

Hmatuxinixka Jesus Belém poktshiya, Judeia tshijne poktshiko, phuru Herodes-klu papko, jejine jimatkalerune tkatshi hichpajyawaka sreta hichpajikatshine Jerusalém poktshi rapokna.

Mateus 27:24

Waneya phuru Pilatos hexinri pnute hi rumukatatka hiyrun-koxa tsru sejirtshi hyinuwakpiratna, honha ranikakjixatka waneya reromyohatka hixolune hetanu. Waneya wla htshina: — Xye jeji hiylaxikowakapa hi hitako ntshinanu seyni hixako htshinanupni.

Mateus 4:23

Waneya Jesus Galileia tshijne psoluka hyapamta, rasruklewjeta hanjihohnewakapjikakaya, kihle piranalu potuko Hoyakalu pohirewaxyawaka pirana runkaklewjeta. Yeyixatshine hiyrun-koxa hahijewnalkaka rutskalaka.

Marcos 1:14

Waneya hkachitkoklunutka João, Jesus Galileia hya. Runkaklewata kihle piranalu potuko Hoyakalu pohirewaxyawaka pirana.

Lucas 11:53

— Waneya wane ruchpakamxinixka Jesus, kasruklewaklerune hinanchitkaluru pirana hasruklewatatshine hiyrun-koxa fariseu-ne yinuwaka tsru jhekantshi kamhaleta. Hixo pirana repomsatluna Jesus.

Lucas 23:23

Seyni wanna hixko rixa saplewlepotuthonukna. Ranjitluna cruz rutajikowakatka. Hiyáhoni wanna tokanu hallirewata.

Lucas 23:6

Waneya hjeminixkalu phuru Pilatos, Galileia tshijne hkochtshejyawakna, repomhana ho Galileia tshijne hajerlahe xye jeji.

João 1:43

Waneya wale prika Jesus hichiniklu Galileia tshijne sreta hyiywakapa. Seyni mitshikananhapka Filipe rukchika waneya wla htshinru: — Pomkahitanno!

João 19:15

Seyni judeu-ne wan-tshin-sapleta: — Puylatanru, puylatanru. Cruz putakanru. Waneya Pilatos wla tshin-hepomhaletna: — Hpohirrahe cruz nutakanu? Waneya tsru hixikatshinwa sacerdote-ne wla tshinru: — César-pkani wpohire.

João 2:11

Wan-rixa yinuwakletlu Caná poktshiya, Galileia tshijne hajeruya Jesus kamhalu mitshikananu hetkaluru hkamhaleru. Ruphujetlu royaknu hiyrunu rasruklene halixatkalu.

João 7:41

Pimrine wla tshina: — Xyekni Cristo tshinkaluru. Seyni pimrine wla tshina: — Seyni Cristo tshinkaluru hi hetko Galileia tshijne ruchpajini.

João 7:52

Waneya wanna hihitlu, wla htshinruna: — Pix-koxlahe Galileia hajeryi? Petjepotutanru Hoyakalu tokanu yonatkaluru klu potu htshina waneya pimatanru satu Hoyakalu tokanu hinkakletatshri wkahwakleru hi Galileia tshijne ruchpajini.

Atos 10:37

Hixa himatlu tokantshi pohitkaluru Judeia tshijne psoluyako hapokatshri Galileia tshijne yinuwajya. João Batista batiza-xyawaklu Jesus waneya hyinuwaka hinkaklewletatka.

Atos 23:10

Waneya hixolune jihekanuwpotutatka waneya soldado-ne pohire kahwaklu hixolune jiknahmanexyawakaplu Paulo wale tshinanu htowutna soldado-ne rawapyawakapluna Paulo hiyrunu htowutna ranijyawakapluna soldado-nepji nwaka.

Atos 5:33

Waneya hjemahchinikanyehitjene jeminiklunru xye pirana hjihekanuwatna hiyáhoni raluk-hiylaletna nuretkalune.

Atos 7:54

Waneya hjihyehitjene yijnakotlu Estêvão. Hjihekanuwpotutna. Raskiyhiyehitluna.

Atos 7:57

Seyni hixolune katshpokajnakopnamta. Hsaplewpotutna pa kaphohotkolutu rixluna Estêvão.