Lucas 23:41 - Bíblia

⁴¹ Seyni hix-hepwu halikaka wane potuko wixka. Klu tshinanu wkamrure hapnute pixkalutu potuko wyoptota. Seyni xye hike hektutu hkamha.

Lucas 23:41 ပူးပေါင်းရင်းမြစ်များ

Mateus 27:19

Waneya phuru Pilatos jihyehixikowaka htuplakanaxiniwa, wale hnunro yonawahlo yokananwakatlu, wla tshinatshri: — Petachatanru xye jeji hike mixkatu klu tshinanu xye yetshno nsalewnapotuta nupnawleya wale tshinanu.

Mateus 27:24

Waneya phuru Pilatos hexinri pnute hi rumukatatka hiyrun-koxa tsru sejirtshi hyinuwakpiratna, honha ranikakjixatka waneya reromyohatka hixolune hetanu. Waneya wla htshina: — Xye jeji hiylaxikowakapa hi hitako ntshinanu seyni hixako htshinanupni.

Mateus 27:4

Waneya wla htshina Judas: — Hektuwaka kamhatshrino hita! Klu tshinanu hike mixkatuko nenekna hkamnitjene. Seyni wanna wan-tshinru: — Seyni hike wix-hixa. Waleni pixako ptshinanni.

Mateus 27:54

Waneya romano-neru soldado-ne pohire hiyrun-koxa Jesus hislahatshine waleymalune tshiji hiyolikle hiyrunu ptowru hiknohatshri rexinixkaluna, rimyekahchinikanutna, waneya wla htshinna: — Halikakni xye jeji honnira Hoyakalu whene.

Lucas 23:40

Seyni satu hiykotlu, wane htshinru: — Hi he Hoyakalu ppika? Hixa ptowrunekwu hapnokatkalunwu pixkakaklunwu.

Lucas 23:42

Waneya wane htshina: — Jesus, puchinikanunno hitni, ppohirewaxyawaka papojinipa.

1 Tessalonicenses 2:10

Hixa hiphujtatwu hiyrunu Hoyakalu hiphujtatwu wixjexyawaka pirana hixa Cristo halixatshinhi yehi wwakanaxini, hike mixkanwu potukalunwu, mukolukanuwnakanwu hix-yehiya.

Tiago 4:7

Hiyáhoni Hoyakalu hyijnakotanu. Hi hitshitanru kamtshi waneya hix-yehi rasujini.

1 Pedro 1:19

Seyni hanjitka Cristo hrahaya, kwenur-potuko. Carneiro whene psojikna hektuntshi machretu pixkalutni Cristo.

1 Pedro 2:23

Hektutu htshinatkaluna seyni hi ruhitatka. Hsalewninimkatka seyni hi rujha hapnuretna. Seyni halikaka Hoyakalu, hetamayxaklerewatatshri potukalu hmunanhatka.