Lucas 23:34 - Bíblia

³⁴ Waneya Jesus wan-tshina: — Nuru, pamtakahchinikanyehitanru nyi yine hektunu. Klu tshinanu hi rimatna klukta hkamhana. Waneya hiknokkaluru ruknokna rimaxyawakapna katu kayatanru Jesus-ni mkalu.

Lucas 23:34 ပူးပေါင်းရင်းမြစ်များ

Gênesis 50:17

Wla htshinakjixatkawu wtshinyawakapyi mitshi: “Nanjityi pamtakahchinikanyehixyawakapna pimolene hektunu, hkamhiyatkayina mitshi.” Hiyáhoni wanjityi puru Hoyakalute towrerune hektunu puknokyehixinwu. Waneya wanna tokanu hjeminixka José htshiyahatatka.

Mateus 11:25

Waneya waneklu papko Jesus wan-tshina: — Nimalwutyi, Nuru, tenhohne tshij-koxa Towutatshriyi. Klu tshinanu pyohimatlu xye pirankaka jimatkaleruneya hiyrunu kahchinikanuruneya. Seyni puphujetlu hike mimatkane hetanuya.

Mateus 11:26

Hehe, Nuru, xye pixa palujyawakni.

Mateus 5:44

Seyni hita wan-tshinyi: Hichinikanna hkamnitjene. Hanjihohneyehitanna hsaletjene.

Marcos 15:24

Waneya cruz rutakluna. Waneya himkalu hkanipretna wannakakluko. Hiknokkaluru ruknokna soldado-ne rimaxyawakapna katu kayatanru Jesus-ni mkalu.

Lucas 22:42

Wla htshina hanjihohnereta: — Nuru! Palujinipa putneprikkajinno twu copa salewaktshi yehi. Seyni hi hitako nalujyawaka pkamhanu halikaka.

João 17:9

— Nanjihohneta wanna tshinanu, hi xye tshijne hajene tshinanu nanjihohneta. Seyni nanjihohneyehitna yine penejyano klu tshinanu pixanunni wanna.

João 19:11

Seyni Jesus hihitlu, wla htshina: — Hike ptowuta pixa hita tshinanu Hoyakalu menekkanuklunyi. Wale tshinanu hita nsamyokjeru pixa pnute hektuwatatka.

Atos 16:28

Seyni Paulo saplewata: — Hike hektutu pixinwa, hixa ptowrunekwu hewi.

Atos 3:17

Seyni xawakni, nomolene, nimatlu hixa hiyrunu hixa tsrukakalutene wan-hixlu Jesus hma mimatkan-tshinanna.

Atos 7:60

Waneya hyoptsojitamta Estêvão. Tsru saple rixa. Wane htshin-sapleta Estêvão: — Tsru Hixikatshriwa Hoyakalu, hi papnokatanna nyi jejine hmajnakonuna tshinanu! Waneya rali wan-tshinretatka rupnanatka.

Romanos 12:14

Hoyakalu hanjitanu kihleru hixa hapnokatjene tshinanu. Hihlewahchinikanyehitanna, hi hkamakatanna.

1 Coríntios 2:8

Hi satukna xye tshiji hajeru tsrukakalune himatlu xye pirana. Klu tshinanu rimatkamkaluna hi koxa cruz rutakanruna ptowru potuko Hixikatshriwa.

1 Coríntios 4:12

Wkamrurewpotuta. Wimyoko wkamrurewaxya. Yanhakkalunwu seyni wuhlewahchinikanyehlewata. Wyotnejetkamka seyni wakotachatlu.

1 Timóteo 1:13

Mitshikananu hektutu ntshinanwakjekanatlu Cristo. Nkamnijekanatlu ptowru pejnu hektutu nkamhanwakjekanatlu. Seyni Hoyakalu hiknokatkalu nektunu nma mimathetjekanatanutu. Wane nixjekanata malixkatu nixjekanaxiniwa.

1 Pedro 3:9

Hi hektutuyma papnutanru hektutu pkamhikjeru. Hiyrun-koxa hi yanhakluyma papnutanru yanhaklu. Seyni halikaka kihlewaka hanjiyehitanna. Klu tshinanu himatanru htshanixkoklunu, htshanixka kihlewaka hyoptoxyawakapa.