Lucas 23:2 - Bíblia

² Waneya hyinuwaka jihyehretluna, waneya wane htshinyehitluna: — Xye jeji wukchika winerune pupjekakatshri. Hyokchajetna yine phuru César hma wenuxyawakanupna. Hiyrun-koxa wale hima Messias-ni, Pohirtshini.

Lucas 23:2 ပူးပေါင်းရင်းမြစ်များ

Mateus 17:27

Seyni wma jihejyawakanupna nyi yine, hipowha pyanu, pkowtshohtapanu. Waneya mitshikananu pkachrero chima, pkohreknamatanro waneya pukchikanro tiyiro proji prata kamhikolu hixanu wujhawenuxikolu poyaho wenutlexyawaka pso. Waneya tiyiro proji panikanu, pwenutapanru wujhawenuxikolu hita tshinanu hiyrunu pixa tshinanu.

Mateus 22:21

Waneya ruhitluna: — César-ni. Waneya Jesus wla tshina: — Henekanru César kluneruktapni César-nu henekanru hiyrun-koxa kluneruktapni Hoyakalunu waleko henekanru.

Mateus 27:11

Waneya Jesus tsru hixikatshriwa Pilatos tshinkaluru hetanu hyopkaka waneya Pilatos hepomhalu: — Pixlahe judeu-nerune pohiryi? Jesus hihitlu, wla htshinru: — Pixako wan-tshina.

Marcos 12:17

Hiyáhoni Jesus wla tshina: — Henekanru César kluneruktapni César-nu henekanru hiyrun-koxa kluneruktapni Hoyakalunu waleko henekanru. Waneya rimyekna ruhixya tshinanna.

Marcos 15:2

Waneya phuru Pilatos hepomhalu: — Pixlahe judeu-nerune pohiryi? Waneya Jesus hihitlu, wane htshina: — Pixako wan-tshina.

Lucas 23:14

Waneya wla htshinna: — Hixa xye jeji hanikanwakatno, yine himtukahchinikanutatshri phuta. Seyni hixa hetanuko nepomsatlu. Hi satuknako jikolukanuru nukchika xye jeji hjihyehixyalu tshinanu.

Lucas 23:5

Seyni wanna mixkowa yanumletatka, wla htshinna: — Xye komyekahchinikanutna yine. Judeia tshijne psoluka hya rasruklewle. Galileia tshijne hyinuwajya. Xawakni hewi rapokatka.

João 18:29

Hiyáhoni Phuru Pilatos hipji hichpajya waneya repomhana: — Klu tshinanhe hjihyehitlu xye jeji?

João 18:30

Waneya ruhitluna, wla htshinruna: — Hektutu hma kamhaknumka, himka pixa wenekanru.

João 19:12

Hiyáhoni waneklukananuko Pilatos haluk-hicholetmaklu Jesus seyni judeu-ne saplewata, wla htshinruna: — Xye jeji puchoxinipa, hi César himatletlerupatkayi klu tshinanu katukta pohirtshi tshinnawa hkamnitlu César.

Atos 24:13

Hi koxa rumukata hekhiretnona halikakni rixyawaka hjihyehixyanona.

Atos 24:5

Klu tshinanu wukchiklu xye jeji kojwaklewjetatshri rixyawaka, ptowru tshijne hajene judeu-ne hjihekkakjeta. Waleni nazaré-ne mkoje kosekatshri.

Romanos 13:7

Katukta h-deve-tanu hwenutanru. H-deve-xinru xye tshijne tsru hitakkalune hijhawenuyehixikolu, hwenutanru. Hkahwakpiratanna kahwakpiratkalune ptowruneka.