Lucas 22:52 - Bíblia

⁵² Waneya Jesus wan-tshinna tsru hixikatshinwa sacerdote-ne, Hoyakalupji hinotatshine chefe-tene, tsrukakalune judeu-ne koxa hkachpiratjene: — Ha hixa wkata hina yohlolewapikakayma, hahajekakayma koxa hkachixyawakapno? Hatatjewa katshowhurlanohe?

Lucas 22:52 ပူးပေါင်းရင်းမြစ်များ

Mateus 26:47

Jesus yanumakanaxiniwa, satu rasruklene Judas tshinkaluru hapokatka. Waleymalune hixolune tsru hixikatshinwa sacerdote-ne hiyrun-koxa tsrukakalune judeu-ne yokanatanune. Yohlolewapi hiyrunu hahaje ranikna.

Mateus 26:55

Waneklu Jesus wla tshinatkana hkachitjene: — Katshowhurlanohe wkata hina yohlolewapikakayma, hahajekakayma koxa hkachixyawakapno? Ptowru hohneruka Hoyakalupji nasrukjekanaxyahi. Seyni hi hkachitno.

Lucas 22:37

Klu tshinanu halikaka wane ntshinhi: Xye nopirana, yonatkaluru Hoyakalu tokanuya haluk-hiphujewnaletanu hitayma. Wla htshina yonatkaluru, nopirana: “Hektutu kamhatshine yehi nwanu.” Xye tokantshi yonatkaluru hitayma ruphujewnanu.

Lucas 22:4

Judas yatka, riynumsaxyawakapna tsru hixikatshinwa sacerdote-ne hiyrun-koxa Hoyakalupji hinotatshine hanu potu rixa hiphujetletanru Jesus wanna yehiya.

Lucas 22:51

Seyni Jesus hitukjixna, wla htshina: — Hitshi hi wan-hixanu. Waneya hkamruklu hijepi hwakanaxyawaka. Waneya ruhlewata.

Lucas 22:53

Hixayma nwakanata ptowru hohneruka. Hoyakalupji nasrukjekanaxyahi. Seyni hi hkachitno. Seyni xawakni hipapkolutkani Hoyakalu hitshixyawaklu hixa tshinanu. Xawakni pixkontshi mapchahawaka hwatshri papkolni.

João 17:12

Wannayma nwakanaxini xye tshijneya pixa hiwaka himukatleyma nihnanutatkana. Yine penejyano nihnanutatka hi satukna hamha seyni hamhatshri tsonupni tshitshmero yatshripa tsonu. Wan-rixatka hpoyahokajyawakaplu Hoyakalu tokanu yonatkaluru tshinyawaka.

Atos 5:26

Hiyáhoni soldado-ne pohire h-soldado-teneyma Hoyakalupji nwaka hyana. Rawapna nuretkalune seyni hi hipokananu hkachitna klu tshinanu hpikna hixolune sotlujexyawakna wanna soldado-ne.