Lucas 22:42 - Bíblia

⁴² Wla htshina hanjihohnereta: — Nuru! Palujinipa putneprikkajinno twu copa salewaktshi yehi. Seyni hi hitako nalujyawaka pkamhanu halikaka.

Lucas 22:42 ပူးပေါင်းရင်းမြစ်များ

Mateus 11:25

Waneya waneklu papko Jesus wan-tshina: — Nimalwutyi, Nuru, tenhohne tshij-koxa Towutatshriyi. Klu tshinanu pyohimatlu xye pirankaka jimatkaleruneya hiyrunu kahchinikanuruneya. Seyni puphujetlu hike mimatkane hetanuya.

Mateus 11:26

Hehe, Nuru, xye pixa palujyawakni.

Mateus 20:22

Jesus wla tshinatkana: — Hixa hi himatlu klukta hanjita. Hixlahe himukata hirrexyalo copa salewaktshi yehi nurinropa? Waneya ruhitluna: — Wumukata.

Mateus 26:39

Waneya pnutejiji hya, hyospaka tshiji rutspakhojita, wla htshina ranjihohnereya: — Nuru! Palujinipa pkochripaxinno twu copa salewaktshi yehiya. Seyni hi hitako nalujyawaka pkamhanu seyni pixako palujyawaka pkamhanu halikaka.

Mateus 26:42

Hiyrunuko pnute hya ranjihohnexyawakapa, wla htshina hanjihohnereta: — Nuru, nma muriknuko pchinro twu copa salewaktshi yehiya hi tumukata hitneprikkakota, palujyawaka pkamhanu.

Mateus 26:44

Hiyáhoni hyatnaka, map-kata rixinri ranjihohnetatnaka, htshinakanaxyawaka pixka htshina hanjihohneretatnaka.

Mateus 6:10

Runanutka pixa ppohirewaxyawaka. Pixa halujyawaka kamhako xye tshijneya, tenhohne rix-kamhalexyawakatka pixka.

Marcos 14:36

Waneya wane htshina hanjihohnereta: — Hirtshi! Nuru! Pixa ptowruko himukatatshriyi. Pkochripaxinno twu copa salewaktshi yehiya. Seyni hi hitako nalujyawaka pkamhanu seyni pixako palujyawaka pkamhanu halikaka.

Lucas 23:34

Waneya Jesus wan-tshina: — Nuru, pamtakahchinikanyehitanru nyi yine hektunu. Klu tshinanu hi rimatna klukta hkamhana. Waneya hiknokkaluru ruknokna rimaxyawakapna katu kayatanru Jesus-ni mkalu.

João 18:11

Seyni Jesus wan-tshina hiykoletlu Pedro: — Pihnanutanru hipaji pyochmakanru pyohlolewapre! Pixlahe hi halukno twu copa salewaktshi yehi Nuru henejyano nuryawaka?

João 4:34

Waneya Jesus wla tshinna: — Nnijitni waleni nyokanatjeru halujyawaka nkamhiywaka hiyrunu nnikaxyawakaplu hkamrure nenejikolu.

João 5:30

Hike numukata kamhaleta hitako nalujyawaka tsonu tshinanu. Hanuruktako Nuru Hoyakalu hikolukanuwnajixno wale nukolukanuwnakaklewaxya. Hiyrun-koxa potukalni nukolukanuwnajixle. Klu tshinanu hi nujhalu hitako nohchinikanu nomkahixyawaka seyni Nuru Hoyakalu nyokanatjeru hihchinikanuko naluk-homkahreta.

João 6:38

Klu tshinanu tenhohne nunya tshiji hi hita nalujyawakako nkamhiywakapa seyni nyokanatjeru halujyawaka nkamhiywakapa halikaka.

Atos 21:14

Hiyáhoni hi wumukata tshipetletlu wale tshinanu wutuk-kojiretletlu waneya wane wtshinru: — Hoyakalu halujyawaka rixkotka.