Lucas 22:32 - Bíblia

³² Seyni nanjihohneyehityi palixle hma mahaxyawakanupa. Pehchinikanuxinpatka pmixkowkakahchinikanutanna xako Hita tshinanu pmoletanune.

Lucas 22:32 ပူးပေါင်းရင်းမြစ်များ

Mateus 18:3

Waneya wla htshina: — Halikaka ntshinhi, mturune pixka hma mixkanuklunu, hikeklu hohne tenhohne pohirewaxyawaka hjihlokanu.

Mateus 26:75

Waneya Pedro hichinikaplu Jesus tokanu htshinakanaxyawaklu: “Hma yanumatkanuklunuwa patlapa, pixa map-kata hi pimathetno ptshinanu.” Hiyáhoni kahnete hya, tsru wamontshiyma htshiyahpotuthonukatka.

Marcos 14:72

Waneklukawa patlapa yanumatatnaka. Waneya Pedro hichinikaplu Jesus tokanu htshinakanaxyawaklu: “Hepi kata hma yanumatkanuklunuwa patlapa, pixa map-kata hi pimathetno ptshinanu.” Hiyáhoni Pedro kaheknanuwahchinikanutatka waneya hyinuwaka tshiyahlepotuta.

Marcos 16:7

Xawakni hyanu. Pedro, pimrine rasruklen-koxa hinkakanu xye pirana: “Wale kosekamtanhi hixa Galileia tshijne. Wane hexinri htshinyahi pixka.”

Lucas 8:13

Sotlu hanikajite hiknokkalune wannani tokantshi jematshine. Tokantshi hjeminixkana hyoptotmakluna tsru rumuwleymana. Seyni hi waneyna hitskina wanna. Hiyáhoni pchini tsonu halixatshinepni. Runinipa yahtaletlewlu ramtakanruna tokantshi hjemlerna.

João 14:19

Pchini tsonu yine xye tshijne hajene hi hetanutnakno. Seyni hixa hetanutnakno. Klu tshinanu niwekanutnaka hita hiyáhoni hix-koxa hiwekanu.

Atos 3:19

Hiyáhoni hehchinikanutanu xako, hyokmakahchinikanutanu waneya hiknojiko hektunu.

Romanos 8:32

Hoyakalu hi tshipetawheneta seyni hyokanatlu hixa ptowrunekwu tshinanu. Hiyáhoni hi he Jesus-yma renekanunwu ptowru potuko?

Romanos 8:34

Kathe xawaka jihyehitwu? Hikeni, klu tshinanu Cristo Jesus hipnapatka waneya riwekatka hipnatshine tskalaya. Hiyáhoni xawakni Hoyakalu potukle sreta rawa, hixa tshinanu Hoyakalu ranjita hipokananu.

2 Timóteo 2:18

Wanna pupjexyalu halikak-potuk-tokantshi. Klu tshinanu wanna wan-tshina hiwejikol-hohne hima hiknohatka. Hiyáhoni pimrine rumtuk-halixletna.

Tito 1:1

Hita, Paulo-no, Hoyakalu towrerno. Jesus Cristo nurrerno. Hoyakalu nurrene halixlepa tshinanu nyokanatka. Hiyrun-koxa nyokanatka Hoyakalu halukanru homkahixikolu himathexikowakapa halikakalutu tokantshi tshinanu.

Hebreus 12:15

Xako, hi satukna hicho homkahretanru Hoyakalu hihlenu wuhletjeru. Klu tshinanu wma momkahitkanuklunru rumukata hakanhaletanu hixa hitokoteya katshwu hchinikan-menu hixa kojwakatshripa, hixolunepnimka yinepni himtukahchinikanutatshripa.

Hebreus 7:25

Hiyáhoni rumukata hiwekkaklepotutna yine, wale yapatshine pejnu Hoyakalu nwaka yatshinepa. Klu tshinanu riwekhohnekanata ranjijexyawakaplu Hoyakalu wanna tshinanupa.

1 Pedro 1:1

Hita Pedro-no Jesus Cristo nurrerno. Twu yonawahlo judeu-ne mwachatkane tshinanupa. Ponto tshijne yatshine tshinanu, Galácia tshijne yatshine tshinanu, Capadócia tshijne yatshine tshinanu, Ásia tshinikowaka yatshine tshinanu, Bitínia tshinikowaka yatshine tshinanu.

1 Pedro 1:13

Hiyáhoni xawakni hihchinikanu halpokotanu. Hiyokahchinikanutatshinephi. Hoyakalu hihlenu kahwakatshinephi haté nikawnahohnexinipa. Xye henekko Jesus hiphujewnini hohnepa.

1 Pedro 1:5

Hislahkalunhi Hoyakalu himukatleyma halixlu tshinanu, hiweklu hkayaxyawaka. Rekhipotuxikolupa hiweklu, hnikawnahohnexinpatka h-marca-xikolu.

2 Pedro 3:14

Hiyáhoni nuchinikanune, xyekaka hapokatshripa kahwakatshine tshinanu jmererunephi. Kihlehchinikanurunephi Cristo-ya, hi psojikna hektuntshiyma hikchikko, hike mixkanephi.

1 João 2:19

Hix-yehi ruchpakamxyana seyni hi wepirene rixjekanatna klu tshinanu wepirene rixkamkana hi ruchotatkawuna. Seyni ruchotatkawuna rimathetkanna halikaka wepirene hmixyawakanna.