Lucas 22:3 - Bíblia

³ Waneyakni tsru kamtshi Satanás jihloklu Judas tshinkaluru. Hyokle hiwakni Iscariotes. Judas tshinkalur-honra satu doze Jesus hasrukleru.

Lucas 22:3 ပူးပေါင်းရင်းမြစ်များ

Mateus 10:4

Wane koxlu Simão Zelote tshinkaluru hiyrunu Judas Iscariotes tshinkaluru, Jesus kamnitjerupa.

Mateus 26:23

Jesus hihitna: — Nkamnitjerukni hitayma pão yotshmota prato-ya.

Mateus 4:10

Waneya Jesus wan-tshinru: — Pyanutka Satanás! Wane htshina hinkakleta Hoyakalu tokanu potukalu yonatkaluru: “Tsru Hixikatshriwa Hoyakalu Poyakalute tsonu pimalwutanu hiyrun-koxa wale tsonu pomkahitanu.”

Lucas 22:21

Seyni hetanu! Hewitkalu nkamnitjerupa! Hitayma hewi nikjexikowaka rawa.

Lucas 6:16

Judas, Tiago tshinkaluru whene; Judas Iscariotes tshinkaluru, Jesus kamnitjerupa.

João 12:6

Seyni wane htshina hi hike mwikane ruchinijyawaka tshinanni seyni katshowhuru rixyawaka tshinanu wane htshina. Klu tshinanu k-saco-ne maplu, tiyiro mapa ranikjeta hiyrunu rawjetlo tiyiro wane hitakjetkaluro. Wale tshinanu, wane htshinatka.

João 13:18

Seyni hi hixa ptowruneka nkochtsheka wane ntshinini. Klu tshinanu nimatna nnurrene hanu hixatshinetkani. Hoyakalu tokanu yonatkaluru tshinyawaka hpoyahokajyawakapa tshinanni. Wla htshina yonatkaluru: “Hitayma nijittshi nikatshri pnut-hohne hkamnitanno.”

João 13:2

Jesus hiyrunu rasruklene hali nikletatka. Kamtshi koxa hali hitakahchinikanretatkalu Simão whene, Judas Iscariotes tshinkaluru, Jesus rekhixyawakapa hkamnitjeneya.

Atos 5:3

Waneya Pedro wan-tshinru: — Ananias, haklu tshinanhe pitshitlu Satanás htowuxyawakyi pihchinikanuya pweyawyehixyawaklu Hoyakalu Hiwejikaluru pumutujyawaklu psoji tshiji wenru?