Lucas 22:22 - Bíblia

²² Klu tshinanu Jeji Whene tshinkaluru halikaka hipnanu Hoyakalu hixahchinikanuxyawaka pixka. Seyni hektu potlu wale jeji, Jeji Whene tshinkaluru kamnitatshri!

Lucas 22:22 ပူးပေါင်းရင်းမြစ်များ

Gênesis 3:15

Himnu, xawakni pkamnitjeropni suxo, pixa koxa hahkanro wala. Hiyrun-koxa himnu piklopichane hahkanro wala hiyrun-koxa suxo klopichaneyma hkamnikakanna, suxo whene hiylajiwutanunyi seyni pixa hachkastsihjixitanru.

Mateus 26:24

Jeji Whene tshinkaluru halikaka hipnanu Hoyakalu hixahchinikanuxyawaka pixka. Seyni hektu potlu wale jeji, Jeji Whene tshinkaluru kamnitatshri. Kihle potlu wale jeji hma matuxyawakanutka.

Mateus 27:5

Hiyáhoni Judas hiknokatkalo proji tiyiro Hoyakalupjiya waneya ruchpakatka. Wane pnute rostuplaxnanwa.

Marcos 14:21

Klu tshinanu Jeji Whene tshinkaluru halikaka hipnanu Hoyakalu tokanu tshinyawaka pixka. Seyni hektu potlu wale jeji, Jeji Whene tshinkaluru kamnitatshri. Kihle potlu wale jeji hma matuxyawakanutka.

Lucas 22:23

Waneya hyinuwaka hepomhakakletna wannakakluko, kathe xawaka kamnitanru?

Lucas 24:46

Waneya wane htshina: — Hyonpiranatka Messias tshinkaluru haluka salewnaleta seyni map-hohne rixinripa riwekanutnaka hipnatshine tskalaya.

João 17:12

Wannayma nwakanaxini xye tshijneya pixa hiwaka himukatleyma nihnanutatkana. Yine penejyano nihnanutatka hi satukna hamha seyni hamhatshri tsonupni tshitshmero yatshripa tsonu. Wan-rixatka hpoyahokajyawakaplu Hoyakalu tokanu yonatkaluru tshinyawaka.

Atos 10:42

Hyokanatwu yin-yehiya wunkaklexyawakaplu, wuphujtaxyawakaplu Jesus-kni, Hoyakalu hitakanru towutatshri rixyawakapa hiwekatshineya, hipnatshineya koxa.

Atos 17:31

Hiyáhoni Hoyakalu hitaklu wale hohne psol-tshijneka rapnokaxikolupa hpotuknuyma. Mitshikawako Hoyakalu nuretlu satu jeji xye kamrurtshi hkamhiywakapa. Hiyáhoni Hoyakalu ptowru yineru rekhita hnurreruko rixyawaka klu tshinanu Hoyakalu yotunkaklu hipuktshiya.

Atos 2:23

Seyni Hoyakalu waleko ralujyawaka tshinanu Jesus renekhi hixa myoya. Waneya hixako hiylatlu. Jejine hektune cruz hiylaxyalu Jesus hixako tshinanu.

1 Pedro 1:11

Rujha himatjemletluna kluneru piranni xye hiyrunu rujha himatletluna hiklu rakanhanu xye pirana. Klu tshinanu Cristo Hiwejikaluru mitshi wanna hitokote hwatshri runkakna mitshi Cristo mapokatuwa pirana, Cristo saletle hinatshripa pirana hiyrunu hsaletle wane pnutepa ruphujexikolupa pirana.

2 Pedro 2:3

Tokantshi yokwirewatatshriyma rujhaluna pa hixanu hkayaxyawakapna hixa tshinanuya, wanna tsonu hichinijnawakwa tshinanu. Hoyakalu mitshikawako ralpokotatkalu rapnokaxikolupna seyni xawakni rapnokaxikolna hi howukatka. Hiyrunu ramhiywakapna hi malpokotkatutkani.