Lucas 22:2 - Bíblia

² Hiyáhoni tsru hixikatshinwa sacerdote-ne hiyrunu kasruklewaklerune hinanchitkaluru pirana hasruklewatatshine hijhahchinikanuta hanu rixa himukata hiylaletanruna Jesus.

Lucas 22:2 ပူးပေါင်းရင်းမြစ်များ

Mateus 12:14

Hiyáhoni wane ruchpakamxyana fariseu-ne waneya rujhahchinikanutatkana wannakakluko hanu rixa himukata hiylaletluna Jesus.

Mateus 21:38

Seyni rexinixkaluna hitaklucha hislahatshine, riynumsakakna wannakakluko, wla htshinna: “Ha xyekni jitaklewakleru whene. Hayeri wuylateru. Waneyakni ptowruka ruru henejyamkaplu hixanpatka!”

Mateus 26:2

— Hixa himatlu hepi hohne mahatlu Páscoa hohne tshinkaluru waneya Jeji Whene renekko cruz rupniywakpatka.

Marcos 14:1

Waneya hepi hohne mahatatka Páscoa hohne tshinkaluru rexyawakapa. Waleni pão myapjetu nijikolu hohne. Hiyáhoni tsru hixikatshinwa sacerdote-ne hiyrunu kasruklewaklerune hinanchitkaluru pirana hasruklewatatshine hijhahchinikanuta hanu rixa himukata preso hitakletluna Jesus yokwiruyma ruylaxyawakapluna.

Lucas 20:19

Tsru hixikatshinwa sacerdote-ne hiyrun-koxa kasruklewaklerune hinanchitkaluru pirana hasruklewatatshine himatlu Jesus kamnitna yapkaklu piranaya runkakletleru. Raluka kachretmakluna Jesus seyni hpikna yine.

João 11:57

Mitshikananu tsru hixikatshinwa sacerdote-ne hiyrun-koxa fariseu-ne towutna yine, katuktako Jesus yehi himatatshri runkaklewaxinripa, klu tshinanu raluka kachretluna.

Atos 4:27

Klu tshinanu halikaka phuru Herodes hiyrun-koxa Pôncio Pilatos hapatjeta xye poktshiya, judeu-neyma hiyrun-koxa pimri tshijnekaka hkamnixyawakluna Jesus, pnurreru potukalu.