Lucas 22:19 - Bíblia

¹⁹ Waneya pão hkochtsheka. Waneya hpoyahnutlu Hoyakalu. Hjiknajrotlu pão waneya rasruklene reneklu. Waneya wla htshina: — Xyeni hatatjewa nomane. Hixa tshinanu renekka. Xye pixkalutu hkamhajetanu hita hichinijikolupa.

Lucas 22:19 ပူးပေါင်းရင်းမြစ်များ

Mateus 14:19

Waneya htuplakjixna ptowruneka peklomta hoho. Waneya Jesus kochtsheklu cinco pão, hepi chim-koxa. Tenhohne hyihata hpoyahnutlu Hoyakalu. Waneya hjiknajrotlu pão. Rasruklene reneklu waneya hixolune yine rapsatna rasruklene.

Mateus 15:36

Waneya hkochtsheklu sete pão hiyrunu chimane. Rali poyahnutlexini, hjiknajrotlu, rasruklene reneklu waneya rasruklene heneksatna hixolune yine.

Lucas 22:17

Waneya copa stono hkochtsheka. Hpoyahnutlu Hoyakalu. Waneya wla htshina: — Xye copa hyoptotanu. Himurkakanu.

Lucas 22:20

Waneyatnaka rali niklexinixkana waneko pixka rixa, copa stono hkochtsheka, waneya wla htshina: — Twu copa stonha nunkakletleru, waleni herotu nohraha piranni. Xye nohraha hixa tshinanu hiyokkalurupa.

Lucas 24:30

Waneya nikawakakwa htuplata. Pão hkochtsheka waneya hpoyahnutlu Hoyakalu pão tshinanu. Waneya hjiknajrotlu pão. Waneya reneksatna.

João 6:23

Waneya wane pchinika pimro kanawkaka Tiberíades poktshi hichpajikatshrokaka hapokastsitlu hixolune mitshi nijyawaklu pão Jesus hali poyahnutlexinixkalu, Hoyakalu mitshi.

João 6:51

Pão hiwekkaklewatatshri, tenhohne hichpajikatshri, hitni. Hiyrun-koxa yineru wale nikatshri pejnu hiwekanu hike rixiniko mnikawnakatupni. Xye pão xye tshijne hiwekle neneklerupa, waleni nohitu.

1 Coríntios 10:16

Copa stono hwatshri wurrerha pirana wuchinijyalu Jesus hipnale hixa tshinanu, wuhlewahchinikanutjeru wpoyahnuthaleru pirana. Xye copa stonha wurini, hi he xawaka Cristo hraha wapikka? Hiyrun-koxa pão wjiknajroxinri wnijinri, hi he Cristo mane wapijikolukatkani wale?

1 Coríntios 10:4

Wanna ptowruneka hirlu walerutu hirkaluru Hoyakalu Hiwejikaluru henejyana. Klu tshinanu sotlu honneha hiwekkaklewatatshri rurhatna, sotlu rimotsatjerna Cristo.

Gálatas 1:4

Cristo henejnawa rupniywaka wektunu tshinanu. Wan-rixa Cristo riwekkajyawakwu xye hektutu hohneya, Hoyakalu, Wuru halujyawaka tshinanu.

Gálatas 4:25

Agar tshinkaluro yapkakletlu himriji Sinai tshinikowaka, Arábia tshijne hwatshri. Halikaka Jerusalém poktshi tyapkakleta Agar. Jerusalém poktshi towretshri Jerusalém hajene ptowruneymako.

Efésios 5:2

Xye chinikantshi ptowru wiwejinri htowuta. Hichinikanuwyehkakanu. Hixa hichinikanuwkakleyehixyawaka pixka rixa Cristo, renejyanawa rupniywaka hixa tshinanu renekachaxnatkawa henekachaluru rixnatkawa hatewa phamluhalo phamluro pixka potuko hixatshritkani Hoyakalu hetanuya hiyrun-koxa henekachaluru hiylatkaluru Hoyakalu hikchikhihlenutanru potuko.

1 Tessalonicenses 5:18

Hpoyahnutanru Hoyakalu ptowru potuko tshinanu. Klu tshinanu xye chinikantshikni Hoyakalu himalujyahi Cristo Jesus-ya.

Tito 2:14

Renejnawa hixa repixyawakapa. Wan-rixa hkochpajyawakapwu ptowru jikolukanuruya ruhlexyawakapwu waleko rayinetene wixyawakapa, jmererunepwu kihleru kamhalu tshinanupa.

1 Pedro 2:24

Cristo, waleko himaneya hahmuna skita hoho ranikhektunutwu. Hipnatshine pixka wixyawakapa hektuntshi tshinanu seyni halikaka wiwekanu kihleru wkamhiywakapa. Wuhletkatka Cristo kotshipjexikolu tshinanuya.