Lucas 21:8 - Bíblia

⁸ Waneya Jesus hihitna, wla htshina: — Xakoka hike yokwijetanhi. Klu tshinanu hixo hiphujewnanu hita hiwakaya wla tshinatshripa, “Hita Cristo-no”, ho, “rapokpapkolutatka”. Seyni wan-tshinatshri hi homkahitanru xako.

Lucas 21:8 ပူးပေါင်းရင်းမြစ်များ

Mateus 24:11

Hoyakalu tokanu hinkakletatshine yahole hakanhanu, hixolune yine hyokwijetanna.

Mateus 3:2

Wane htshinamta: — Hehchinikanutanu hektunu tshinanu klu tshinanu hi howukatkalu tenhohne pohirewaxyawaka!

Mateus 4:17

Waneya wane pnute Jesus yinuwaka hinkaklewleta, wla htshinamta: — Hehchinikanutanu hektunu tshinanu klu tshinanu hi howukatkalu tenhohne pohirewaxyawaka!

Lucas 17:23

Wla htshininiphina: “Hetanu, wanetkalu” ho “Hewiru”. Hi wane hyanu. Hi homkahitanna.

Lucas 21:7

Waneya repomhatkaluna Jesus, wla htshinna: — Kasruklewakleru, hikluhe wan-rixanu? Klunerhe rakaxrikletanu rekhixyawakaplu xye ptowru potuko hakanhapiraxinpatka?

Lucas 21:9

Hjeminiplu hiylakaklu ho pa tshijnekaka yahotkakle pirana hi hpikanu. Klu tshinanu xye ptowruko hakanhanu seyni hi hnikawnalepnitshi.

João 5:43

Nuru Hoyakalu hiwaka nunya seyni hi haluka yoptoletno. Seyni satuko waleko hhiwaka runikmaka walemka halikaka hyoptohihlenutanu.

João 8:24

Hiyáhoni wane ntshinatkahi, hixannu hektunuko hipnanutka. Klu tshinanu halikakni hmalixkanuklunno hixannu hektunuko hipnanutka.

João 8:28

Waneya Jesus wla tshinna: — Hixa teno hitajinpatkalu Jeji Whene tshinkaluru, waneya halikaka himatanu waleno, hita. Hiyrun-koxa himatanu hike nkamha hitako nohchinikanu halukanru. Seyni Nuru Hoyakalu hasrujyano pirana tsonu nyanumaxya.

1 Coríntios 6:9

Hi he himatlu hektutu kamhatshri hi Hoyakalu pohirewaxyawaka hyoptotanu? Hi hyokwijexinwa. Hi kapoklewakleruneko, hi mayawletshicha homkahitatshineko, hi jimopatakleruneko, hi suxonkaklu yamankakjetatshineko, hi jejineko perepnakakjetatshineko.

Efésios 5:6

Xako hike yineru yokwijetanhi tokantshi mal-himaluya. Klu tshinanu xyekaka ntshinakanatanru kamhatshine Hoyakalu hapnokatanna wanna hektuwaka kamhatshine.

2 Tessalonicenses 2:3

Hike yineru xako yokwijetanhi satkaka pirana tshinanu. Klu tshinanu hi rumukata hapoklehohneta Cristo hapojinri hohne Hoyakalu hiknokatshinetka hixolune yine makanhaknuklunuwa hiyrun-koxa jeji tsru hektunuru makanhaknuklunuwa, hamhikowaka hwatshri.

2 Timóteo 3:13

Seyni jejine hektu hchinikanune, kyokwirewaklerune hektutu pnut-potu hkamhanna. Hyokwirewatanna hiyrunu hyokwitkona.

1 João 4:1

Nuchinikanune, hi ptowru hiwejikaluru tshinikatshriwa halixanu seyni hyahothapkatanru himathexyawakaplu ho Hoyakaluymalutlahe ho hike. Klu tshinanu hixo Hoyakalu pirana hinkakletatshinemka xye tshijne hakanhiyatka.

2 João 1:7

Klu tshinanu hixo yokwijrewpiratatshine xye tshijne hiphujewniyatka. Hi ruphujetluna Jesus Cristo kahituru potuko rixa hapoklexyawakatkalu xye tshijne. Wan-hixatshri yokwijrewpiratatshrini hiyrunu Cristo kamnitjerni.

Apocalipse 1:3

Kihle hchinikanurunephi xye yonha hethatatshinepa. Kihle hchinikanurunephi xye hinkaklu pirana hinatshripa pirana hiphujetatshri jematshinepa, xye yonatkaluru pirana homkahitatshinepa, kihle hchinikanurunephi. Klu tshinanu hi howukchini xye ptowruka hix-yehi hakanhini.

Apocalipse 12:9

Hiyáhoni Tsru Kamtshi dragão tsru kananu, wale honukla himnu hitsruka, Tsru Kaylokleru tshinkaluru, Satanás hiwakatletatshri, ptowru tshijne hajene yokwijetatshri, tenhohne malekate ruknojika. Tshij-hoho ruknokkatka wale hiyrun-koxa hmaklutene kamtshine waleyma ruknokatkana.