Lucas 21:34 - Bíblia

³⁴ Jesus wan-tshina: — Hislahinwa! Hi hyokwixinwa tsru nikluyma ho himriya ho xye hiwejinri kojwakle tshinanuya. Hma mimyejyawakanupa himnanhakanatatshine pixka rakanhinpatka xyekaka.

Lucas 21:34 ပူးပေါင်းရင်းမြစ်များ

Gênesis 19:32

Hiyáhoni xawakni vinho-ha katsh-halu wutanru wuru waneya wumumkanru wuru wepixyawakaplu hiklopicha hma nikawniywakanupa.

Gênesis 19:35

Waneya wale yetshno koxa katsh-halu rututluna rurna. Waneya hepúrotshi palnatka tumumkalu. Seyni tsru hi himatlu tumumjiywaklu waneya wale yehi tpalniya hi rimatatka.

Gênesis 27:14

Hiyáhoni hyatka pratshine ranijyalo runro. Waneya runro nikalhitujpa ponikolu ruru hannaleru potuko tkamhatka.

Mateus 13:22

Waneya hitataji kona yehi hapoktatajitatshine wanna Hoyakalu tokanu jematshine pixkalune seyni kojwawaktshi xye hohne hajeru tshinanu ho pohirewnalu yokwire hakanhinipa, hkakmokannatkalu hiyáhoni hi hjiwatanatkana.

Marcos 13:9

— Wane ntshinhi ptowru potuka hmuphujewnaknukawa klu tshinanu preso hitakko, hjemahchinikanyehitko hiyrunu hanjihohnewakapjikaka hkotshipjexiko. Tsru hixikatshinwa hiyrunu tsrukakalune nwaka hanikko hita hiwaka tshinanu halikaka pirana hpohixyawakapa.

Marcos 4:19

Seyni kojwakahchinikanrukaka, ho pohirewnalu, ho poyikowlukaka xye hohne hexikaluru mixkowpotuta waneya xekoyaka hkakmokannatkalu. Hiyáhoni hi hjiwatanatkana.

Lucas 10:41

Waneya Tsru Hixikatshriwa Jesus wan-tshinro: — Marta, Marta, kojwakahchinikanutatshroyi, mimatahichinikanuwatkátoyi hixo pa hixanu tshinanu.

Lucas 12:40

Hix-koxa kakonutanu klu tshinanu Jeji Whene tshinkaluru hinanu hma kakonuxinri papko.

Lucas 17:3

Hixanuko hislahinwa! Pimwastsireru hektuwaxini punkakanru jikolukanuru rixyawaka. Rehchinikanuxinipa hamtakahchinikanuxinri rektunu.

Lucas 21:35

Klu tshinanu ptowrunek-yine xye tshijne hajene hkachitanu hitseklu pixkalutu.

Lucas 21:8

Waneya Jesus hihitna, wla htshina: — Xakoka hike yokwijetanhi. Klu tshinanu hixo hiphujewnanu hita hiwakaya wla tshinatshripa, “Hita Cristo-no”, ho, “rapokpapkolutatka”. Seyni wan-tshinatshri hi homkahitanru xako.

Lucas 8:14

Kona yehi hapoktatajitatshine, wanna Hoyakalu tokanu jematshine pixkalune. Seyni kojwakahchinikanrukaka, ho pohirewnalu, ho poyikowlukaka xye hohne hexikaluru mixkowpotuta waneya xekoyaka hkakmokannatkalu. Hiyáhoni hi hjiwatanatkana.

1 Coríntios 5:11

Seyni xawakni nyonanwakathi hi hepiretanru moltshi tshinkaluru Cristo tshinanu kapoklewakleru rixini ho ksotanuholu rixini ho mayawletshicha kkahwakpirakleru rixini ho jejnuhimakleru rixini ho jimekleru rixini ho katshowhuru rixini. Wan-hixatshriyma hi hnikanu.

1 Coríntios 6:10

Hi katshowhuruneko, hi ksotanuholuneko, hi jimekleruneko, hi jejnuhimakleruneko, hi ktshowhuwakleruneko, hi hyoptotanruna Hoyakalu pohirewaxyawaka.

Gálatas 5:20

mayawletshicha kahwakpiraxikolu, kahontshiwlu, jhekantshi, kamnirewlu, hejnuhimlu, hahxalu, himtuwaktshi, hihjekaklu, kotspalahchinikanrewlu, pnuko hasruklewlu hasruklewatatshri,

Filipenses 4:6

Hikeko hkojwakahchinikanuxinwa seyni ptowru potuko hanjihohneru hanjixinriya poyahnutleyma hinkakanru Hoyakalu hanjitanrukaka.

Hebreus 12:15

Xako, hi satukna hicho homkahretanru Hoyakalu hihlenu wuhletjeru. Klu tshinanu wma momkahitkanuklunru rumukata hakanhaletanu hixa hitokoteya katshwu hchinikan-menu hixa kojwakatshripa, hixolunepnimka yinepni himtukahchinikanutatshripa.

2 Pedro 3:10

Klu tshinanu Tsru Hixikatshriwa Cristo hininri hohnepa hapokanu, katshowhuru hapokle pixka rixa hapokletanu. Waneklu papkopa tenhohne herutkotka tsru sejirtshiymapa. Xye hohne hikamrurewleru hiprahkanu tsru hameru tshinanu. Xye tshiji hiyrun-koxa ptowru kamhakaluru, xye tshiji hwatshri, nikawnanu.

2 Pedro 3:14

Hiyáhoni nuchinikanune, xyekaka hapokatshripa kahwakatshine tshinanu jmererunephi. Kihlehchinikanurunephi Cristo-ya, hi psojikna hektuntshiyma hikchikko, hike mixkanephi.

Apocalipse 3:3

Hiyáhoni hichinikanretanru htshinikolu hyoptoleru, hjemleru. Wale pirana xako homkahpotutanu hehchinikanutanu. Klu tshinanu hma muslahiknuklunwa chinpotu napyehitanhi, katshowhuru hapokle pixka. Hi himatanu klu hora-ko napyehitanhi.