Lucas 21:19 - Bíblia

¹⁹ Hpoyehitahchinikanuxinwa hiyáhoni wan-hixatshinhi hiwekanu.

Lucas 21:19 ပူးပေါင်းရင်းမြစ်များ

Mateus 10:22

Ptowru yineru hahnanutanhi hixa hita tshinanu seyni poyehi halixleru haté hmahle papko, riwekanu.

Mateus 24:13

Seyni poyehitahchinikanutatshri haté hmahle papko, riwekanu.

Lucas 8:15

Seyni halikaka kihle tshijiwaka hapoktatajitatshine, wannani potuk-hajirune, kihle hajirune. Hyijnakotluna tokantshi. Romkahitluna hjemlerna. Hmachiretleymana hjiwatanutkana.

Romanos 15:4

Psoluka yonatkaluru potukalu pirana yonatka hixa wasrujikolu tshinanu ruchinikanuwkakwu wkahwakachaxyawakaplu Hoyakalu hihlenu hiyrunu repixlewle. Xye wukchika Hoyakalu tokanu yonatkaluru piranaya.

Romanos 2:7

Hoyakalu heneklewatanu riwejinri hikeklu hohne mnikawnakatupa hanunektako hi hituka kihleru kamhaleta hiyrunu Hoyakalu hpoyikoxyawakna hijhatshine. Hoyakalu honra rumuwkakpiratna hiyrunu riwejinrina mnikawnakatuko hijhatshine.

Romanos 5:3

Hiyrun-koxa wpoyikowata salewaktshi tshinanu klu tshinanu wimatlu salewaktshikni hasruklu yineru kahwakachatatshri rixinripa.

Romanos 5:4

Hoyakalu hikchikhihlenutlu salewaktshi wakotachaxyawaka hiyáhoni Hoyakalu hikchikhihlenreru tshinanu Hoyakalu hihlenu wkahwakanu.

Romanos 8:25

Seyni wma metkanuklunru wkahwakachaleru, wkahwakachatanru.

1 Tessalonicenses 1:3

Hi wutuk-hichinikletlu hixa kamrure hixa halixle tshinanu hiyrunu Cristo hichinijyawaka tshinanu hkamrurewpotuxyawakatka hiyrunu wuchinikjetlu hanu hixa kahwakleta mchiretanutu Wutsrukate Jesus Cristo-ya Wuru Hoyakalu hetanuya.

2 Tessalonicenses 3:5

Hiyrunu wanjitlu Tsru Hixikatshriwa Hoyakalu, hpotukatahchinikanuxyawakaphi Hoyakalu hichiniklewle pixka potuko himwatshinephi, hiyrunu wanjitlu Cristo hapojinri kahwakatshinpotuphi, mchiretanunephi.

Hebreus 10:36

Seyni hijhalu hmachiretannu waneya Hoyakalu halujyawaka hali kamhalexinipa hyoptotanru runkaklexya piranhi.

Hebreus 6:11

Hiyrunu walukpotutlu hixa ptowrunekhi wane pixkalutu potuko hi hituk-kamhaljetanu seyni ptowru Hoyakalu kahwajikolu yoptotatshinephi hmahle potuko.

Hebreus 6:15

Waneya Abraão-ni hmachiretannu tshinanu hyoptotlu Hoyakalu hinkaklexyanri.

Tiago 1:3

Klu tshinanu himatanru xye, halixle yahotalexikolu hiknohinipa htserutahchinikanutanhi yahtaletlewlu hakotachaxyawakapa.

Tiago 1:4

Seyni hi hchiretanu seyni hkahwakachatanru chinikantshi hihletatshri kamrure. Wan-hixatshinephi hike mmahaxikane hixinripa, poyahokakatshinephi. Hike hma mahaxyawakanupa.

2 Pedro 1:6

Waneya himatkaltshi haptowrutanru hislahmanexikolu. Waneya hislahmanexikolu haptowrutanru hkahwakachale. Waneya hkahwakachale haptowrutanru Hoyakalu homkahlu potuko.

Apocalipse 1:9

Hita João-no, hix-molekoxno Cristo tshinanu hiyrunu Hoyakalu pohirewaxyawaka hajer-koxno. Hapakapno ptowru salewaktshi tshinanuya hiyrunu kahwakachaklerno Jesus Cristo tshinanuya. Waneya mar powha hanikajite hwatshijitatshri Patmos tshinikowaka nwakanatatka. Kachitkalurukananno klu tshinanu Hoyakalu tokanu nunkakletjekanata hiyrunu Jesus Cristo pirana hiphujetkaluru nunkakletjekanata.

Apocalipse 13:10

Kachitkalunepa, kachitkalurunepni. Yine nuretkalune hiylatkalunepa pejnu halikaka ruylatkona. Hiyáhoni Hoyakalu nurrene ralixjene haluklu rakotachaxyawakna hiyrunu ralixachaxyawakna.

Apocalipse 14:12

Hiyáhoni Hoyakalu nurrene ralixjene haluklu rakotachaxyawakna, Hoyakalu tokanu yonatkaluru romkahpotuxyawakna hiyrunu Jesus ralixachaxyawakna.

Apocalipse 3:10

Hislahatkalu ntokanu ntowuxyahi, hkahwakachaxyawakap-pirana hiyáhoni hit-koxa hepixanhi hma mexyawakanuplu salexikol-hohne hinatshripa, ptowru tshijne hajene yahoxikolu klu papkopa.