17 Ptowru yineru hahnanutanhi hixa, hita tshinanu.
Ptowru yineru hahnanutanhi hixa hita tshinanu seyni poyehi halixleru haté hmahle papko, riwekanu.
— Seyni xye ptowruka hnapu, hsalewnakakko, hiylatko, ptowru tshijne hajene hahnanutanhi hita tshinanu.
— Poyikowatatshinephi hixa, pimrine hapaxiniklunhi, ho pimrine saletkajiniklunhi ho hma mixyawakanu hweyawyehixiniklunna, nomkahitjene hixyawaka tshinanu.
Hixako hirune preso hitakanhi. Hiyrunu himolene pirana haté himolene potuk-koxa hiyrunu himatletanune preso hitakjixanhi. Satkaka hixa hiylajixko.
Seyni hi pa jiwutsakna hamhini.
— Poyikowatatshinhi yahmaklu xye papko hahnanutkalunhi, malukkonhi heyikkalunhi hiyrun-koxa ptowru hektutu tshinanwakatkalunhi klu tshinanu homkahitlu Cristo, Jeji Whene tshinikatshriwa.
Xye tshijne hajeneymalune hixkamka waneyamka hamotko hixa wannanu pixka. Seyni xye tshijne hajeneymalune hma mixyawakanu tshinanni, hiyrunu nurethi xye tshijne hajene hmixyawakanu tshinanu, xye tshijne hajene hahnanuthi.
Hiyáhoni xyekaka ptowruka hkamhinna hixa, nhiwakaymalunhi tshinanu. Xye hkamhanna klu tshinanu hi rimatluna nyokanatjeru.
Pixa tokanu nunkakatkana seyni xye tshijne hajene hahnanutna klu tshinanu hi xye tshijne hajenetkani, hita xye tshijne hajeru nmixyawakanu pixka.
Xye tshijne hajene hi himukata hahnanutlethi hixa, seyni hita rahnanutna klu tshinanu hkamrurna phujewaka nutaklu rimathexikowaka hektutni hkamrurna.
Hitako hekhitanru Saulo ptowruka hsalewninripa Hita hiwaka tshinanu.
Hiyáhoni kihle hchinikanno hihroklukaka tshinanu, hektuntshi, mahaxikalurkaka, kojwawaktshikaka, xyekaka salewaktshi Cristo tshinanni. Klu tshinanu nuhrojini halikaka kpixkonno.
Klu tshinanu wiwekka pchinika jhamlewaka wwahnapuwakata Jesus pirana tshinanu Jesus hiwekle koxa hiphujetkalurupni wimane himat-hipnatshri hetanuya.
Klu tshinanu wunkakle pirana hi hixako wipiranni; wunkakle Jesus Cristo Tsru Hixikatshriwa piranni hiyrunu hixa towrertshinwu Jesus tshinanu wunkaklewjeta.
Klu tshinanu hixa henekka xye halukkaluru Cristo tshinanupa seyni hi koxa wale tsonu halixyawakapni seyni wale hikolukle tshinan-koxa hsalewnakakko.
Cristo hiwaka tshinanu heyikkoklunu, himuwatatshinephi. Klu tshinanu Hoyakalu Hiwejikaluru hiyrunu royaknu hix-yehi rawatka.
Kahwakaklerunhi, ptowru salewaktshi hakotatshinhi. Nhiwaka himalwuxikolu tshinanu hkamrurewata hiyrunu hi hihrokatka.
