Lucas 21:12 - Bíblia

¹² — Seyni xye ptowruka hnapu, preso hitakko, hsalewnakakko. Hanjihohnewakapjikaka hajene henekko, hjemahchinikanyehitko waneya preso hiknokko. Tsru hixikatshinwa hiyrunu tsrukakalune nwaka hanikko hita hiwaka tshinanu.

Lucas 21:12 ပူးပေါင်းရင်းမြစ်များ

Mateus 22:6

Pimrine kachitanna phuru towrenni, hkotshipjetatkana, ruylatanatkana towrertshinni.

Mateus 24:8

Xyekaka mturu tshino yinuwakle pixkalutni.

Lucas 21:11

Hix-poktshi hiyolikanu. Natshipni. Yeyixlukakapni. Hetkalurkaka himyekaklewatatshripni, tsru hetkalurkakapni tenhohneya.

João 15:20

Hi hamtakanru tokantshi ntshinyatkahi. Xyekni wale: “Towrertshi hi htowutjeru yohnik-himukatatshrini wale”. Hiyáhoni hita hsalexinixka, hix-koxa hsaletanna yine. Hita ntshinyawaka rimrexinna waneya hixa tshinyawaka koxa rimretanna.

João 15:21

Hiyáhoni xyekaka ptowruka hkamhinna hixa, nhiwakaymalunhi tshinanu. Xye hkamhanna klu tshinanu hi rimatluna nyokanatjeru.

Atos 22:30

Waneya soldado-ne pohire haluk-himatletlu halikaka klu tshinanni hjihyehitluna judeu-ne. Hiyáhoni wale prika htowutna tsru hixikatshinwa sacerdote-ne hiyrunu tsrukakalune judeu-ne ptowruneka rapatjexyawakna. Waneya hkochpirokatkalu rostuxikolu waneya wanna hoji sreta ranikatkaluna Paulo.

Atos 5:40

Hiyáhoni htomhatkana nuretkalune waneya rali kotshipjerexinna ruykotna Jesus hiwaka hma munkaklexyawakanpatkana waneya ruchotatkana.

Atos 8:3

Seyni Saulo hijhalu Cristo halixatshine hapatjetatshine hnikaxyawakna. Papji pejnu hjihloka, hkochtshekna jejine, suxon-koxa waneya kapna ruknokanatkana.

Atos 9:4

Saulo yawnamtatka tshiji. Hyijnakotlu satu tokantshi wane htshinjeru: — Saulo, Saulo, haklu tshinanhe pkamnitno?

1 Pedro 2:13

Hyijnakotanru ptowru tokantshi htowuxikolu pirana, yine towuxikolu Tsru Hixikatshriwa Cristo homkahlu tshinanu, towutatshri ho tsru phuru, ptowru yokanatatshriko,

Apocalipse 2:10

Hi hpikanru salewaktshi hix-yehi hapokatshripa. Hjemanu! Halikaka tsru kamtshi Satanás satkaka hixa preso rutakjixanu hyahoxikowakapa. Dez hohne pejnu hsaletko. Seyni hi hihrokahchinikanutanu yahmaklu hipnanu. Waneyapa phuru hitakjetanru pixkalutu sahyi nenekanhi hiweklu heneklewatatshri.