Lucas 20:38 - Bíblia

³⁸ Wale hekhitlu Hoyakalu hiwekatshine Hoyakalutni seyni hi miwekkanepa Hoyakalutni. Klu tshinanu ptowrunek-yine hiweka wale tshinanu.

Lucas 20:38 ပူးပေါင်းရင်းမြစ်များ

Mateus 22:32

Abraão-ni Hoyakalutno, Isaque-ni Hoyakalutno, Jacó-ni Hoyakalut-koxno. Hoyakalu hiwekatshine Hoyakalutni seyni hi miwekkanepa Hoyakalutni.

Marcos 12:27

Hoyakalu hiwekatshine Hoyakalutni seyni hi miwekkanepa Hoyakalutni. Hixa psol-potuka pupjexya!

Lucas 20:39

Waneya satkaka kasruklewaklerune hinanchitkaluru pirana hasruklewatatshine wan-tshina: — Wane potuko ptshina, Kasruklewakleru!

João 14:19

Pchini tsonu yine xye tshijne hajene hi hetanutnakno. Seyni hixa hetanutnakno. Klu tshinanu niwekanutnaka hita hiyáhoni hix-koxa hiwekanu.

João 6:57

Nuru Hoyakalu hiwekatshri yokanaxyawakno pixka hiyrunu Nuru Hoyakalu himukatle tshinanu niwejyawaka pixka, waneko pixka rixa ptowru yineru hita nikatshri pejnu. Hita tshinanuko riwekanu.

2 Coríntios 13:4

Klu tshinanu yáholu cruz ruylaxika Cristo ruhrokahotko tshinanu seyni xawakni riweka Hoyakalu pixkonu tshinanu. Waneko pixka wix-kox-hixa. Hixa wale hihrokahoxikoluymalunwu seyni pa hchinikanurunwu waleyma wiweka Hoyakalu pixkonu tshinanu, wepixyawakaphi tshinanu.

2 Coríntios 6:16

Hanhe xawaka rumukata pixkakaklu hixleta Hoyakalupji mayawletshichayma malixkane munanhaleru? Klu tshinanu hixakni Hoyakalu Hiwejikalurupjiwu. Klu tshinanu Hoyakalu potuko hali wan-tshinretatka: “Wanna hitokote nwanu, wanna nyanini. Royakalutepnona. Wannapni nayinetene.”

Hebreus 11:16

Seyni hike, wanna halukatkalu pa tshijneko kihlewaka potuko, tenhohne hwatshri tshijne. Hiyáhoni Hoyakalu hi patewata Royakalutna htshinikowaka. Klu tshinanu Hoyakalu halpokohnaputna satu poktshi wanna tshinanupa.

Apocalipse 22:1

Hiyrun-koxa Hoyakalu towreru tenhohne hajeru hekhitno wenu Honha Hiweklu Heneklewatatshri hiwakatletatshri. Xye wenha katajha potuko, garrafa pixka. Hoyakalu hiyrunu Carneiro Whene Tshinkaluru tuplaxyawaka ruchpajyatka wale wenu.