Lucas 20:23 - Bíblia

²³ Seyni Jesus himathetahchinikanutna waneya wla htshinna: — Haklu tshinanhe haluk-himlukantaletno?

Lucas 20:23 ပူးပေါင်းရင်းမြစ်များ

Mateus 16:1

Waneya satkaka fariseu-ne hiyrunu satkaka saduceu-ne yanwakatlu Jesus retumhiywakapluna. Ranjitluna satu hetkaluru Hoyakalu pixkonu tshinanuya hkamhiywakapa.

Mateus 22:18

Seyni Jesus himathetna hektu hchinikanu rixyawakna waneya wla htshinna: — Hixachatatshinhi! Haklu tshinanhe haluk-himlukantaletno?

Lucas 20:20

Hiyáhoni hyinuwaka hislahletluna. Hwenutluna satkaka yineru waneya hyokanatluna rumlukanta hepomhalexyawakapluna Jesus. Kihle hchinikanune rixahoxnawana Jesus rumlukanuxyawakna. Wan-hixatshri hkachitko wale tshijne tsrukakalutene renekko.

Lucas 20:22

Hiyáhoni wepomhanyi minanchitkotlahe psoji tiyiro wenejyawaklu César Roma hajeru tsru hixikatshriwa? Ho wenejerhe ho hike?

Lucas 20:24

Hanikanro proji tiyiro. Netanro. Katu yaholunhe kat-hiwaknihe toproji hwatshri? Waneya ruhitluna: — César-ni.

Lucas 5:22

Seyni Jesus himathetahchinikanutna hiyáhoni ruhitna, wane htshinatkana: — Klu tshinanhe wan-hixahchinikanuta xyekaka hektutu hichinikanrethajixyawaka?

Lucas 6:8

Seyni rimatatka Jesus klu ruchinikanretna. Hiyáhoni wale tshinanu wla htshinatkalu jeji hiprihamyotatshri: — Pyopkakanutshi, hewi hixa hanikajiteya potuko pyotunoxini, — htshinru. Waneya hpalnatka jeji, hyotunotatka.

Atos 13:10

Paulo wan-tshinru: — Pixa Satanás whenyi! Pkamnitlu ptowru halikakalutu. Katsepoyyi yokwijrewlu hiyrunu weyawlu. Hi he putukanu Hoyakalu tokanu halikakalutu pkoprotajyawaka weyawlu pikahwajyawaklu?

1 Coríntios 10:9

Hiyrun-koxa hi wyahotanru Tsru Hixikatshriwa Cristo hi wkahwakanru wektunu hma mapnokaxyawakanupa satkakni israel-nerunni pixka. Himnune hiylakanna wannani.

1 Coríntios 3:19

Klu tshinanu yine himatkale reyika Hoyakalu. Hiyáhoni wane htshina Hoyakalu tokanu yonatkaluru mitshikawlur-pirana: “Hoyakalu kachitna jimatkalerune hixacha himatkalewletatshine.”

Efésios 4:14

Hiyáhoni hi mturune pixka wixanu walixinpatkalu Hoyakalu pirana. Mtser-halixlene ruwchiwchikak-honuka hiyrunu pnuko hanikkalunetkani hihchinikanuyna weytshi hasruklewatatshineya. Nyi yokwirewlu hasruklewatatshine walekni hitseklu pixkalutu mtser-halixlene hpupjehapokajyawakapna.

Hebreus 4:13

Hiketkani pa hixanu yohimatkaluru Hoyakalu hetanu. Ptowru potuko hiyakotkaluru hiphujetkaluru, muchyatkotni Hoyakalu yhaleya. Hoyakalu yehi wuphujexinwa hix-yinwu ptowruneka.