Lucas 20:21 - Bíblia

²¹ Waneya repomhatkaluna, wla htshinna: — Kasruklewakleru, wimatyi pixa halikaka pirana ptshinjeta, pasrukjetkoxna. Hiyrun-koxa hi yine hixachatatshineko yokwityi seyni pasrukle halikakalutu Hoyakalu halujyawaka pirana.

Lucas 20:21 ပူးပေါင်းရင်းမြစ်များ

Mateus 22:16

Fariseu-ne hasruklene hyokananwakatluna Jesus Herodes-neyma. Waneya repomhaluna Jesus: — Kasruklewakleru, wimatyi pixa halikaka pirana ptshinjeta, pasrukjetkoxna. Hiyrun-koxa hi yine hixachatatshineko yokwityi seyni pasrukle halikakalutu Hoyakalu halujyawaka pirana.

Marcos 12:14

Rapokna waneya wla htshinna: — Kasruklewakleru, wimatyi pixa halikaka pirana ptshinjeta, pasrukjetkoxna. Hiyrun-koxa hi yine hixachatatshineko yokwityi seyni pasrukle halikakalutu Hoyakalu halujyawaka pirana. Hiyáhoni punkakanwu, pkahwaklu minanchitkotlahe psoji tiyiro wenejyawaklu César Roma hajeru tsru hixikatshriwa? Ho wenejerhe ho hike?

Lucas 20:20

Hiyáhoni hyinuwaka hislahletluna. Hwenutluna satkaka yineru waneya hyokanatluna rumlukanta hepomhalexyawakapluna Jesus. Kihle hchinikanune rixahoxnawana Jesus rumlukanuxyawakna. Wan-hixatshri hkachitko wale tshijne tsrukakalutene renekko.

Lucas 20:22

Hiyáhoni wepomhanyi minanchitkotlahe psoji tiyiro wenejyawaklu César Roma hajeru tsru hixikatshriwa? Ho wenejerhe ho hike?

João 3:2

Waneya hoyetshno Nicodemos yanwakatlu Jesus waneya wane htshinru: — Tsru Hixikatshriwa, wimatyi pixa kasruklewakleryi, Hoyakalu yokanreryi klu tshinanu hike yineru himukata kamhaletlu nyi hiyakolukaka pkamhajereru Hoyakalu mimotsatanune.

2 Coríntios 2:17

Klu tshinanu hi hixolune Cristo pirana hinkakletatshine yahole pixka wixa, hkayle tsonu hichinikanretatshine pixka hi wixa. Seyni wyokanatjerni Hoyakalu hiyáhoni wunkaklewaxini mayloklene pixkalunwu, Hoyakalu hetanu halikakalutu pirana wunkakleta Cristo-yma wixle tshinanu.

Gálatas 1:10

Kathe xawaka nkahwakpirata? Ho yine ho Hoyakalu? Ho nujhalhe xawaka yine himalwuxyawakno? Klu tshinanu yinemka nuhlewahchinikankajini, hi Cristo towrerno.

Gálatas 2:6

Wanna kosekatshine kahwakkalune wane ntshina klu tshinanu hitaya hi hijhakalurni klu hixatshinekta hixakanata, Hoyakalu honra hi kahwakpiratlu yineru hixahoxyawaka. Wane ntshina hiyrunukotnaka wanna kosekatshine, hapatjehchinikanutatshine hike hchinikanu reneknona.