Lucas 20:17 - Bíblia

¹⁷ Seyni Jesus yopukhatna waneya wla htshinna: — Klunerhe xawaka raluka tshinreta Hoyakalu tokanu yonatkaluru wla htshinini: “Sotlu kpanawaklerune malukkotu rikahwakluna hepixlewatatshri potukni, psolupjiko poyehitatshrini wale.”?

Lucas 20:17 ပူးပေါင်းရင်းမြစ်များ

Mateus 21:42

Waneya Jesus wla tshinna: — Hi he Hoyakalu pirana hexyalu xye pirana? Wla htshina: “Sotlu kpanawaklerune malukkotu rikahwakluna hepixlewatatshri potukni, psolupjiko poyehitatshrini wale. Tsru Hixikatshriwa kamhalerni hiyáhoni kihle potuklu hixa hetanuya.”

Marcos 10:23

Hiyáhoni Jesus sajruruyhaletatka. Waneya wla htshina: — Hi pa yaprenukananru phurune Hoyakalu pohirewaxyawaka hjihlojyawakapna!

Marcos 12:10

Hi he het-yonhatlo Hoyakalu tokanu wla tshinatshri: “Sotlu kpanawaklerune malukkotu rikahwakluna hepixlewatatshri potukni, psolupjiko poyehitatshrini wale.

Marcos 3:5

Waneya Jesus heknojtayehitmakna. Hjihekanuwata hwamonuwata chik-haji rixyawaka tshinanna. Waneya wla htshinru jeji: — Pyosurukkanotanu. Waneya hyosurukkanotatka, ruhlewamyotatka.

Lucas 19:41

Waneya Jerusalém poktshistsi rapojinixka Jesus, rexinixkalu htshiyahata wale poktshi tshinanu.

Lucas 22:37

Klu tshinanu halikaka wane ntshinhi: Xye nopirana, yonatkaluru Hoyakalu tokanuya haluk-hiphujewnaletanu hitayma. Wla htshina yonatkaluru, nopirana: “Hektutu kamhatshine yehi nwanu.” Xye tokantshi yonatkaluru hitayma ruphujewnanu.

Lucas 22:61

Waneya Tsru Hixikatshriwa Jesus heknokyehitlu Pedro. Waneya Pedro hichinkaplu Tsru Hixikatshriwa Jesus tokanu, htshinakanaxyawaklu: “Xawakni hma yanumatkanuklunuwa patlapa, pixa map-kata hi pimathetno ptshinanu.”

Lucas 24:44

Waneya Jesus wan-tshinna: — Nimwakanaxiniwahi nunkakatkahi raluk-hakanhaleta ptowru potuko hita pirana yonatkaluru, Moisés yonreruya, Hoyakalu tokanu hinkakletatshine yonreya hiyrun-koxa Salmos-mta yonatkaluruya hita pirana.

João 15:25

Seyni xye hakanhatka hpoyahokajyawakapa tokantshi yonatkaluru wanna yonre hwatshri, wla tshinatshri: “Rahkanona hike mixkatukno.”

Atos 4:11

Walekatkani Jesus Yonawahlo Potukalu wan-tshinyehita: “Xye Jesus wale honukla sotlu, hixa panawatatshinhi, malukkotu rikahwakluna hepixlewatatshri potukni, psolupjiko poyehitatshrini wale.”

Efésios 2:20

Hixa pantshi sotlu kamhikolu pixkalunhi. Jesus pirana hiphujetatshine nuretkalune hiyrun-koxa Hoyakalu tokanu hinkakletatshine hoho panawaxikatshinhi. Poyehir-hoho panawaxikatshinhi. Hiyrun-koxa Jesus Cristo-kni sotlu hijhakaluru pixkalut-potu, psolupjiko poyehiwkakatshri.

1 Pedro 2:6

Klu tshinanu xye koxa htshina Hoyakalu tokanu yonatkaluru: “Hetanu, Sião tshinikowaka nutakanru sotlu hijhakaluru pixkalut-potu, psolupjiko poyehiwkakatshri. Sotlu nuretkaluru halukalur-potu. Hiyrun-koxa ptowru potuko halixatshri hi hmahijerutanu.”