Lucas 2:9 - Bíblia

⁹ Satu hiwejikaluru Hoyakalu towreru tenhohne hajeru serpikatka wanna nwaka. Waneya Hoyakalu pixkonu hatnu nikotyehitatkana. Waneya hpikpotuthonukatkana.

Lucas 2:9 ပူးပေါင်းရင်းမြစ်များ

Mateus 1:20

Seyni wane ruchinikanretakanatawa satu hiwejikaluru Tsru Hixikatshriwa Hoyakalu towreru tenhohne hajeru hakanhayehitlu José rupnawleya. Waneya wane htshinru: — José, Davi whene, hi pkojwakahchinikanutanu Maria pipji panijyawakapa, phanunro tixyawakapa. Klu tshinanu Hoyakalu Hiwejikaluru tshinanu tmichiwata.

Lucas 1:28

Hiyáhoni hiwejikaluru Hoyakalu towreru tenhohne hajeru hapyehitlo wla htshinatkalo: — Hali, pixa Hoyakalu nurreroyi Tsru Hixikatshriwa Hoyakalu pixaymalu.

Lucas 2:8

Wale poktshistsi campo-te koxa rawna hinotaprayetshnotatshine.

Lucas 24:4

Hiyáhoni hkojwakahchinikanutna. Chinpotukawa hepi jejine katajiru mkatshri hitakatshine hakanhayehitna wannastsi hyopkakna.

João 12:41

Isaías-ni xyekaka tokantshi htshina mitshi Jesus hoyaknu rexini mitshi waneya wale pirana runkakletatka.

Atos 12:7

Waneya chinpotukawa rakanhayehitlu Pedro satu hiwejikaluru Hoyakalu towreru tenhohne hichpajikatshri katalu hatatlu preso hruko. Waneya Pedro-thana rutpeta hiwejikaluru Hoyakalu towreru tenhohne hichpajikatshri. Hkomyeklu. Waneya wane htshina: — Wuya chinpotu pyotunotanu. Waneya yomuwatsa hijrukatka himyo hwatsakanatatshri.

Atos 27:23

Klu tshinanu xye yetshno satu hiwejikaluru Hoyakalu towreru tenhohne hajeru hapyehitno, walenutkano wale nkamrurewaxya.

Atos 5:19

Seyni wale yetshno potuko satu hiwejikaluru Hoyakalu towreru tenhohne hajeru kotpukatkalu preso hiphaptotkaka waneya ranikna nuretkalune maleka waneya wane htshina:

2 Coríntios 3:18

Ptowrunekwu hixa muchyahojitkanwu wuphujetlu Tsru Hixikatshriwa Hoyakalu hoyaknu hatajnu hanihapi pixka. Wekhitlu waleko royaknu hatajnu. Tsru Hixikatshriwa Hoyakalu ruchpajya xye hoyaknutshi, Hoyakalu Hiwejikalurukni. Tsru Hixikatshriwa Hoyakalu pixka rixkakwu. Hiyáhoni hoyakawaxikaluru hatajnu pnuteko hyakananumta.

2 Coríntios 4:6

Hoyakalu wla tshina: “Mapchahawak-yehi katalupni.” Wane potuko hixa hatawnaletatka halikaka pirana wihchinikanuya. Xyekni renejyawu himatkaltshi hatajnu Hoyakalu hoyaknu himatyehixikowakapa, yotshyahatatshri Cristo hojiya.

1 Timóteo 3:16

Tsru mimat-hinkakletkotu waleni potuknutshi hchinikanu piranni klu tshinanu: “Jesus hiphujewna yineru mane rixnawa seyni riwejinriya potukalni. Hiwejikalune Hoyakalu towrene tenhohne hajene hetatkalu. Ruphujtatka psol-tshijneya. Xye tshijne halixlerni. Ranikka tenhohne.”

Hebreus 12:21

Tsru piklu potuko retna yine wale hetatshine haté Moisés koxa wla htshinatka: “Npikpotuta. Nutataka.”

Apocalipse 18:1

Waneya wane wkatanu netlu satu hiwejikaluru Hoyakalu towreru tenhohne hajeru, tenhohne hichpajikatshri. Tsru himukatlu himwatshrini hiyrunu royaknu hatatlu tshiji.

Apocalipse 20:11

Waneya netlu satu pohirtshi tuplawakle tsru potuko. Klatlu. Hoyakalu wane tuplatatshri koxa neta. Tshiji hiyrunu tenhohne wale hetanu rasujyatka. Hiyáhoni tshiji hiyrunu malehohnewaka hi rukchijika hanukta hya. Hike hetatnaklu.