Lucas 2:47 - Bíblia

⁴⁷ Ptowrunek-yine, Jesus yijnakotatshine himyeka mturu Jesus himatkalnu tshinanu. Hiyrun-koxa rimyekna wane htshin-hihrexyawakna repomhakjene.

Lucas 2:47 ပူးပေါင်းရင်းမြစ်များ

Mateus 13:54

Waneya Jesus htseruwniywaka poktshi Nazaré tshinikowaka rapokatka. Hyinuwaka hasruklewleta hanjihohnewakapjiya. Waneya ptowruneka himyekahchinikanuta. Waneya repomhakakna: — Hanhe ruchpajya rimatkalnu hiyrunu pixkontshi hetkalurkaka hkamhiywaka?

Mateus 22:33

Waneya hixolune xye jeminixka, rimyekahchinikanutna Jesus hasrujya tshinanna.

Mateus 7:28

Waneya Jesus hali tshinrexinixkalu xyekaka pirana, hixolune yine himyekahchinikanpotutatka rasrukle tshinanu.

Marcos 1:22

Waneya rimyekna yine rasruklewle tshinanu. Klu tshinanu Jesus tsru towutatshri pixka rixa hasrukletna, hi kasruklewaklerune hinanchitkaluru pirana hasruklewatatshine pixka rixa hasrukletna.

Marcos 11:18

Waneya tsru hixikatshinwa sacerdote-ne, kasruklewaklerune hinanchitkaluru pirana hasruklewatatshine yijnakotlu xye. Hyinuwaka hijhaletluna ruylaxyawakapluna Jesus. Klu tshinanu hixolune yine ptowruneka himyekahchinikanuta rasruklewle tshinanu hiyáhoni hpikluna.

Marcos 6:2

Hapnanuxikalur-hohne rixinixka hyinuwaka hasruklewleta hanjihohnewakapjiya. Hixolune yine yijnakotatshine himyekahchinikanutatka. Waneya wanna wan-tshina: — Hanhe rukchijyalu wale xyekaka? Hanhe rukchijyalu rimatkalnu? Hanhe rixa kamhaletlu xye hetkalurkaka?

Lucas 2:18

Waneya ptowrunek-yine wanestsi hajene xye pirana yijnakotatshine himyeka hinotaprajetatshine hinkakle pirana tshinanu.

Lucas 2:46

Waneya map-hohne hiknohinixka rukchikluna Jesus, Hoyakalupji rawakanata. Hoyakalu tokanu hasruklewatatshine hanikajite htuplakanata Jesus. Hyijnakokanatna mturu Jesus, repomhakanatna.

Lucas 4:22

Ptowru neruka halikakni htshinruna Jesus, rukchikhihlenutluna kihleru tokantshi Jesus hinkajyatkana. Wla htshinjekanatluna: — Hi he José tshinkaluru whenni wale?

Lucas 4:32

Rimyekna rasruklewle tshinanu klu tshinanu rasrukna hatatjewa tsru towutatshri pixka rixa hasrukletna.

João 7:15

Waneya judeu-ne himyekpotuta, wla htshinna: — Hanhe ruchpajya xye rimatkalnu. Klu tshinanu hikeklu ruchtotatatka.

João 7:46

Waneya Hoyakalupji hinotatshine wla tshinatkana: — Hikeklu satu yineru hinkaklewata xye jeji pixka.