Lucas 2:46 - Bíblia

⁴⁶ Waneya map-hohne hiknohinixka rukchikluna Jesus, Hoyakalupji rawakanata. Hoyakalu tokanu hasruklewatatshine hanikajite htuplakanata Jesus. Hyijnakokanatna mturu Jesus, repomhakanatna.

Lucas 2:46 ပူးပေါင်းရင်းမြစ်များ

Mateus 12:40

Jonas map-hohne, map-yetshno tsro chima nanwaka rawakanata hiyáhoni waneko pixka rixko Yineru Whene map-hohne, map-yetshno tshiji hitokote rawanu.

Mateus 16:21

Wale hohnekananuko Jesus yinuwaka hinkakletna rasruklene Jerusalém rujha yalexyawaka pirana hiyrunu hsalewniywaka hixo pa hixanu tshinanuya pirana tsrukakalune judeu-ne hiyrunu tsru hixikatshinwa sacerdote-ne myoya, kasruklewaklerune hinanchitkaluru pirana hasruklewatatshine myoy-koxa. Hiyrun-koxa ruylatko seyni map-hohne rixinri riwekanutnaka pirana.

Lucas 2:47

Ptowrunek-yine, Jesus yijnakotatshine himyeka mturu Jesus himatkalnu tshinanu. Hiyrun-koxa rimyekna wane htshin-hihrexyawakna repomhakjene.

Lucas 5:17

Waneya pa hohnetnaka Jesus hasrukakanatna. Wane koxa rawakanata satkaka fariseu-ne hiyrun-koxa satkaka yonawahlo yonha kyimakleru Jesus-stsi htuplakanatna. Ptowru poktshi pejnu runyatkana Galileia tshijneya hiyrun-koxa Judeia tshijne hajeneya. Jerusalém poktshi koxa runyatkana. Tsru Hixikatshriwa Hoyakalu himukatle Jesus-ymalu ptowru hahijewaktshi rutskalajyawaka.

João 3:10

Jesus hihitlu, wla htshina: — Hi he israel-nerune hasrukatshrimkayi seyni xyekaka pirana hi pimata?

Atos 5:34

Seyni satu fariseu-ne, Gamaliel hiwakatletatshri, yopkaka wanna hanikajite. Wale, hinanchitkaluru pirana hasruklewatatshrini, ptowru yineru kahwakpirpotutlu. Wale maleka hkochpakjixna nuretkalune pchini tsonu.

1 Timóteo 1:7

Ralukluna Moisés yonreru pirana hasruklewatatshine rixyawakna seyni hi rimatjemnawana klukta htshina. Hi koxa rimatjemlerna pirana runkakletna.