Lucas 2:34 - Bíblia

³⁴ Waneya Simeão hihlehchinikanutatkana, waneya wane htshinro Jesus hinro: — Xye mturu Hoyakalu nurrerni, ramtakkajyawakanapna hixolunepni hiyrunu riwekkajyawakna hixolune israel-nerune. Xye mturu Hoyakalu hekhirewleni seyni hixolune yine hapatanru.

Lucas 2:34 ပူးပေါင်းရင်းမြစ်များ

Gênesis 14:19

Kihlewaka htshinru Abrão, wla htshinru: “Kihle hchinikanuplu Abrão, htshinyi Tsru Hixikatshriwa Hoyakalu, tenhohne, tshij-koxa towutatshri;

Gênesis 47:7

Waneya José hanikatkalu ruru. Rutakatkalu phuru Faraó hetanuya. Waneya Jacó kihleru pirana htshinanwakatlu phuru Faraó.

Mateus 11:19

Runa Jeji Whene tshinkaluru. Hnika, rura. Seyni hixa wan-tshina: “Haha hetanu, xye jeji tsru nikalu, vinho-ha jirakleru. Jijhawenruklerune hiyrun-koxa hektune rimatleta.” Hiyáhoni yine hetanru Hoyakalu himatkalewle potukalu rixyawaka, Hoyakalu himatkalewle himwatshri kamrure tshinanu.

Mateus 12:46

Hixolune yine runkaklewyehixiniwa Jesus, runro hiyrunu repurune hapokatka. Maleka rawna, raluk-hiynumsaletluna.

Mateus 21:44

[Katupnikta xye sotlu hoho hijrukanuna rumlokanuna. Hiyrun-koxa katupnikta xye sotlu hapokhohotanu, hipahi tsonunapni.]

Mateus 27:63

Waneya wla htshinatkaluna: — Tsru Hixikatshriwa, wuchiniklu wale kyokwirewaklerni riwekakanaxinni wla htshina, Map-hohne hiknohinpatka niwekkako.

Lucas 2:35

Seyni pixa, pyohlotko pihchinikanu hatatjewa yohlolewapi pyohloxiko. Hoyakalu nuretatkalu hixolune yine hchinikanu, hichinikanretjetanru yohimatkaluru, hiphujetatshripa.

João 3:20

Ptowru yineru hektutu kamhatshri hahnanutlu katawaka hiyáhoni rasujyaluna katalu hike mexyawakanuplu hkamhalerna hektutu.

João 5:18

Hiyáhoni tsrukakalune judeu-ne hijha hiylaletlu wane yohnika, hi hapnanuxikalur-hohne hma kahwakpiraxyawakanu tshinanu tsonni seyni Hoyakalu pixka rixnawakwa tshinanni. Klu tshinanu wale wan-tshina, Hoyakalu potuko hima ruruta.

Atos 13:45

Seyni retkoklunutkana judeu-ne hixolune yine hapatjetatka wanna hahxapotutna Paulo-ne. Waneya judeu-ne heyiklu Paulo-ne raluk-hiknokletluna Paulo hinkakle.

Atos 17:6

Seyni hi rukchikatkana Paulo, Silas wale tshinanu ranikluna Jasão tshinkaluru hiyrunu pimrine Hoyakalu halixatshine tsru poktshi chefe-tene nwaka. Wane htshin-sapletna: — Nyi yine psol-tshijneka himtukatshinetka hiyrunu xawakni wkata runna.

Atos 24:5

Klu tshinanu wukchiklu xye jeji kojwaklewjetatshri rixyawaka, ptowru tshijne hajene judeu-ne hjihekkakjeta. Waleni nazaré-ne mkoje kosekatshri.

Atos 28:22

Seyni waluka jemletlu pihchinikanu klu tshinanu wimata ptowru sreta hajene pnu pejnu htshinanwakatyina pixa hiyrunu pixa pixka hixatshine.

Atos 4:26

Ptowru tshiji hajene phurune hiyrun-koxa tsrukakalune hapatjetna pa hchinikanurune hkamnixyawakluna Tsru Hixikatshriwa Jesus, Hoyakalu nurreru.”

Atos 6:7

Hiyáhoni Hoyakalu tokanu mixkowatatka. Rixolewnatkana Cristo halixatshine Jerusalém poktshiya. Hiyrun-koxa hixo sacerdote-ne homkahitlu halixlewlu.

Romanos 9:32

Haklu tshinanhe wan-rixna? Klu tshinanu hi halixlu hmunanhatkana hpotukaxyawakna seyni rujhaluna Hoyakalu yhaleya hpotukaxnawakwana Moisés yonreru pirana romkahre tshinanu phutna. Hiyáhoni rutspetluna sotlu hitspetkaluru pixka.

1 Coríntios 1:23

Seyni hixa wunkakletjetlu Cristo cruz hitakkalurutka pirana. Xye piranak-koxa judeu-ne hitspekaka hiyrun-koxa judeu mixkane mahchinikannutshi pirana rikahwakluna hiwekkaklewatatshri pirana.

Hebreus 7:1

Melquisedeque tshinkaluru Salém tshinikowaka poktshi pohire hiyrun-koxa Hoyakalu ten-potu hajeru Sacerdote-tetkani. Abraão-ni mitshi hiylakaklu nwaka ruchpajinnixka pohiruneyma xye Melquisedeque yoptotapniru mitshi. Kihlewaka htshinanwakatniri Abraão-ni.

Hebreus 7:7

Halikakpotni, kihle hwachalepyi tshinrewatatshri potu, yohnik-himukatatshriwani wale.

1 Pedro 4:14

Cristo hiwaka tshinanu heyikkoklunu, himuwatatshinephi. Klu tshinanu Hoyakalu Hiwejikaluru hiyrunu royaknu hix-yehi rawatka.