Lucas 2:27 - Bíblia

²⁷ Waneya Hoyakalupji hyatka Simeão tshinkaluru. Klu tshinanu Hoyakalu Hiwejikaluru yokanatlu. Waneyatka tsrune hanikatkalu mturu Jesus, Hoyakalupji, Moisés yokanre hkamhiywakapna mturu tshinanu.

Lucas 2:27 ပူးပေါင်းရင်းမြစ်များ

Mateus 4:1

Waneyakni Hoyakalu Hiwejikaluru haniklu Jesus kahnete poktshiri tsru kamtshi Satanás yahotalexyawakaplu Jesus.

Lucas 2:22

Waneya rapokpapkoluxinixka runkajikowakpatkana tsrune powralune rixyawakatkana, Moisés yonreru pirana pixka potuko rixa homkahrexyawakpatkana, waneya ranikatkaluna mturu Jesus Jerusalém poktshi nwaka. Tsru Hixikatshriwa Hoyakalu renejikowakpatka.

Lucas 2:28

Waneya Simeão tshinkaluru kanpukatkalu mturu. Hpoyahnutlu Hoyakalu mturu tshinanu. Wla htshinatka:

Lucas 2:41

Ptowru mhaleko Jesus hinro ruru yaper-koxa Jerusalém poktshi hyana poyikowaxikalur-hohne Páscoa tshinkaluru tshinanu.

Lucas 2:48

Waneya runro thanur-koxa rexinrina Jesus, rimyekna. Waneya runro wan-tshinru: — Noturu, klu tshinanhe wane pixwu? Hi he puru, hit-koxa hijhakanatyi? Wkojwakahchinikanpotukanatatka.

Lucas 2:51

Waneya Jesus hya runro, ruru yaholeyma. Nazaré poktshi nwaka hyana. Jesus yijnakotna. Seyni Jesus hinro xye pirankaka ptowruka tuchinikanreta tohchinikanuya.

Lucas 4:1

Jesus Jordão wenne rali hichpaklexinixka, katsepoyatkalu Hoyakalu Hiwejikaluru. Waneya Hoyakalu Hiwejikaluru hanikkotlu Jesus kahnete poktshiri hyiywakpatka.

Atos 10:19

Seyni Pedro hichinikanretakanaxiniwalu Hoyakalu pixkonu tshinanu retleru, Hoyakalu Hiwejikaluru wan-tshinru: — Hetanu, mapa jejine hijhayi.

Atos 11:12

Waneya Hoyakalu Hiwejikaluru towutno nyiywakhapkapatka wannayma hike npikanu. Hiyrunu nyi seis jejine Cristo halixatshine hitaymatka hita hapakatka. Waneya Cornélio-pji wjihlokatka.

Atos 16:7

Mísia tshijne hjihlokpiraxinixkana, Bitínia sretamka hyapiratna seyni Hoyakalu Hiwejikaluru hi hitshitna.

Atos 8:29

Waneya Hoyakalu Hiwejikaluru wan-tshinru Filipe: — Pyanwakatanru, pomkahitanro twu carro.

Gálatas 4:4

Rapokhohnepotuxinixka Hoyakalu yokanatlu hituru, suxo hmatuxyatka Moisés yonreru homkahitatshrotkani.

Apocalipse 1:10

Tsru Hixikatshriwa Cristo hohnerni, Hoyakalu Hiwejikaluru hepixamtno. Tsru plama njema. Notji sreta ruchpaktokanuxya. Kowi hima pixka htshina.

Apocalipse 17:3

Waneya niwejinri ranijyatkano kahnete poktshiri yehi. Waneya wane nexyalo sato suxo kmatsyiru serolu hoho tuplatatshro. Hixo hiwaktshi, Hoyakalu heyikleru wale hoho yonatka. Sete jiwurutu hiyrunu dez hwalutu.