Lucas 2:25 - Bíblia

²⁵ Jerusalém poktshi rawakanata satu jeji Simeão tshinkaluru. Waleni jeji potukalu, kchinikanuru hike mixkatuwa. Israel-nerune hiwekkakatshripa kahwakatshrini. Hoyakalu Hiwejikaluru waleymalu.

Lucas 2:25 ပူးပေါင်းရင်းမြစ်များ

Gênesis 6:9

Xawakni Noé piranapni: Noé jeji kihlerni, maylokletni waneklu papko. Noé Hoyakaluyma yana.

Marcos 15:43

waneya rutshpokpiraxini rapokatka José, Arimateia hajeru. Wale yineru hijhakalurni, tsru jemahchinikankakatshine yehi hajerni. Hiyrunu Hoyakalu pohirewaxyawaka kahwakatshrini. Htseruwahchinikanumta ranjixyawakaplu phuru Pilatos Jesus mane renejikowakapa.

Lucas 1:41

Wane tixatka. Isabel jem-haliklexinixkalo Maria, mturu Isabel nanwaka hajeru ruptekapa. Hoyakalu Hiwejikaluru pixkonu himwatkalo.

Lucas 1:6

Hiyrun-koxa powrahchinikanurunni wanna hepi Hoyakalu hetanuya. Kajnákona Tsru Hixikatshriwa Hoyakalu hiykolukaka. Hi psojikna hpupjexyana.

Lucas 1:67

Waneya mturu hiru, Zacarias tshinkaluru, katsepoylu Hoyakalu Hiwejikaluru hiyáhoni runkakletlu mapokatuwa pirana, waneya wane htshina:

Lucas 2:38

Waneya waneklukawa potuko tapoka. Waneya tyinuwaka poyahnutletlu Hoyakalu mturu tshinanu hiyrun-koxa tyinuwaka hinkakletletlu mturu pirana ptowrunek-yine Jerusalém poktshi hicho towutlexikowakpatka pirana kahwaka hakanhaletatshineya yehiya.

Lucas 23:51

Wale honra hi hehe htshinatkana pimrine repirene hijhahchinikanutatshineya Jesus jihyehixikolu piranaya. José tshinkaluru Arimateia tshinikowaka hajerni, judeu poktshi. Hiyrunu Hoyakalu pohirewaxyawaka kahwakatshrini, wale koxa.

Atos 10:2

Cornélio powra hchinikanuru hiyrunu Hoyakalu homkahitatshri rixyawaka. Wale hiyrun-koxa wanna ptowruneka hipji hajene. Cornélio henekachajetna judeu-ne hike mwikane hiyrun-koxa hanjihohneru ranjijexyalu Hoyakalu.

Atos 10:22

Waneya wanna wan-tshina: — Soldado-ne pohire Cornélio yokanatwu. Cornélio jeji kihle hchinikanuru, Hoyakalu kahwakpiratatshri, kihle piranyehiru ptowruneko judeu yehiya. Satu hiwejikaluru Hoyakalu towreru tenhohne hajeru towutlu Cornélio rawapakjixyawakyi Cornélio-pji pyiywakapa pyijnaktokanuxyawaklu.

Atos 2:5

Jerusalém poktshi rawakanatna judeu-ne Hoyakalu hamotatshine ptowru tshijnekaka hichpajikatshine.

Atos 24:16

Wale tshinanu psol-hohneruka kihleru nyahot-kamhaleta Hoyakalu hetanuya, yine hetanuya koxa.

2 Pedro 1:21

Klu tshinanu tokantshi hiphujetkaluru mitshikawluru, hi yineru halujyawaka tshinanni. Seyni halikaka jejine, Hoyakalu nurrene hinkakletlu Hoyakalu Hiwejikaluru hinkajyatkana tokanu.