Lucas 2:14 - Bíblia

¹⁴ — Himalwutkalurni Hoyakalu tenhohne pnut-tennu hajeru. Kihlehchinikanurune yine xye tshijne hajene, rukchikhihlenrene.

Lucas 2:14 ပူးပေါင်းရင်းမြစ်များ

Mateus 21:9

Waneya kosekamtatshine hiyrunu hapkatamtatshine saplewamta: — Himalwutkalurni Phuru Davi-ni whene! Kihlehchinikanuru hinatshri Tsru Hixikatshriwa pixkonuyma. Himalwutkalurni Hoyakalu tenhohne pnut-tennu hajeru.

Lucas 1:79

Hnikotyehitna mapchahawaka hwatshine, hipuktshistsi hwatshinena; rekhixyawakapwu hatnu hapo hapnanuhchinikankaklewatatshri hapo wyapyawakapa. (Seyokatkani Zacarias chikale.)

Lucas 19:38

Wla htshinna: — Himalwutkalurni Pohirtshi, Tsru Hixikatshriwa hiwaka hinikatshri! Kihle hwachalu rixanu tenhohneya! Tenoya hoyakawaxikowaka!

Lucas 2:13

Waneya waneklukawa potuko hiwejikaluru Hoyakalu towreru tenhohne hajeruymatkana pimrine hiwejikalune tenhohne hajene hixolune Hoyakalu towrene. Hoyakalu himalwutatshine. Wla htshinatkana:

Lucas 2:15

Waneya hixolune hiwejikalune Hoyakalu towrene tenhohne hajene tenhohne yinixka waneya hinotaprajetatshine wla tshinkaka: — Wuya, Belém poktshi wyanu xawakni. Wetapanru tukwala piran-yehi hakanhatshri Tsru Hixikatshriwa Hoyakalu hinkakjixyatkawu.

Lucas 3:22

Waneya Hoyakalu Hiwejikaluru motkokoji pixka rixa wale hohowaka hapokatshri. Waneya waneylu tokantshi tenhohneyalutu wan-tshinatshri: — Pixni noturyi nalukanruyi, wale poyikowkakno.

João 14:27

— Hapnanuhchinikanrewlu hix-yehi nutakanu nuhlehchinikanyehixikolu nenekanhi. Xye tshijne hapnanuhchinikanre phuta pixkalutu hi nenekanhi. Hiyáhoni hi hkojwakahchinikanutanu. Hi hpikanu nyiniklunpatka.

João 17:4

Nuphujetatkayi pixa hewi xye tshijneya. Nnikatatkalu kamrurtshi ptowuxyano nkamhiywakapa.

João 3:16

Hoyakalu psol-tshijneka hajene ramotle tshinanu hyokanatlu hituru satupkalutu ptowru yineru ralixjene hi rupnanna seyni riwekanna hikeklu hohne mnikawnakanepa.

Atos 10:36

Xyekni tokantshi Hoyakalu yokanatanru israel-nerune nwaka, kihler-potuko tokantshi ruhlewahchinikanuxyawaka pirana, Jesus Cristo-ya. Xyekni ptowru potuko Tsru Hixikatshriwa.

Romanos 5:1

Wpowratka, halixlewlu tshinanu hiyrunu hihlehchinikanyehitkalunwu Hoyakaluyma. Tsru Hixikatshriwa Jesus Cristo kamhaleru tshinanu.

Efésios 1:6

Wimalwutanru Hoyakalu renekachale renejya tshinanwu. Ruhlenu renekachale tsru potuko hixa nwaka ruchinikanrexinri wan-rixachata wuchinikanretjeru Jesus tshinanu.

Efésios 1:9

Rimatkakwu Hoyakalu hihchinikanu pirana, mitshikananu yohimakanatkaluru pirana. Waleko ralujyawaka tshinanu wan-rixa klu tshinanu wan-rixahchinikanuta Hoyakalu, Cristo-yma kamrurewatatshrini.

Efésios 2:4

Seyni Hoyakalu hetwamonre tshinanu tsru potuko hiyrun-koxa ruchinijyawakwu tsru potuko.

Efésios 2:7

Hoyakalu wan-rixa rekhixyawakna hiwekatshinepa pa hohnechakananu hinatshripa hi psokananru renekachaxyana retwamonutkal-tshinanna Cristo Jesus-ya.

Filipenses 2:11

Ptowru yinerunru pejnu hiphujetanru Tsru Hixikatshriwani Jesus Cristo. Hoyakalu Hirtshi himalwuxikolupa.

Filipenses 2:13

Klu tshinanu Hoyakalukni hix-yehi kamrurewaxikatshri, halujyawakaplu hiyrun-koxa hkamhiywakaplu wale halujyawakako.

Colossenses 1:20

Hiyáhoni xawakni Hoyakalu nurehchinikanuxnawa ptowru potuko wale nwakako hsatkapkajyawakapa hituru hraha hiyokkaluru tshinanupa. Hoyakalu whene cruz rupniywaka tshinanu Hoyakalu hihlewahchinikanyehitlu ptowru potuko ho tenhohne hajerkaka ho tshiji hajerkaka.

2 Tessalonicenses 2:16

Hiyáhoni xawakni waleko Wutsrukate Jesus Cristo hiyrunu Hoyakalu, Wuru wuchinikjeru hiyrunu hapnanuhchinikanru hikeklu mnikawnakatupa heneklewatatshri hiyrun-koxa kihleru kahwakachalu renekachale tshinanu,

Apocalipse 5:13

Waneya ptowru hiyakotkaluru tenhohne hajeru, tshiji hajeru, tshiji hitokote hajeru, mar powha hwatshri hiyrunu ptowruka wane hajerkaka, njema wla tshinretna: — Himalwuru, kahwakpirlu, hoyaknutshi hiyrunu himukatlu, pohirtshi tuplawakle tuplatatshri tshinanupa hiyrun-koxa Carneiro whene tshinkaluru tshinanupa rixhohnekanaxyawakapni hike rixiniko mnikawnakatupa.”