Lucas 2:11 - Bíblia

¹¹ Xawakni hohne potuko, Belém tshinikowaka, Davi-ni poktshi, hmatuxyatka hixa hiwekkakjerupa. Waleni Tsru Hixikatshriwa Cristo.

Lucas 2:11 ပူးပေါင်းရင်းမြစ်များ

Gênesis 3:15

Himnu, xawakni pkamnitjeropni suxo, pixa koxa hahkanro wala. Hiyrun-koxa himnu piklopichane hahkanro wala hiyrun-koxa suxo klopichaneyma hkamnikakanna, suxo whene hiylajiwutanunyi seyni pixa hachkastsihjixitanru.

Gênesis 49:10

Phuru hi hmahatanu Judá klopichaya hiyrun-koxa hi hmahatanu towutatshri hiklopichaneya hma mapokkanu pchinika Towutatshri Potuko. Waneklu ptowru yineru kajnakolunepa wale yehiya.

Mateus 1:16

Waneya Jacó wuhenetlu José, José honra Maria tshinkaluro hnuru, walakni matkaklu Jesus, walekatkani Cristo tshinkaluru.

Mateus 1:21

Tmatuwhenetanu jejipni. Putakhiwakatanru Jesus, klu tshinanu riwekkakanna rayinetene hkonahektunutanunpatka.

Mateus 16:16

Waneya Pedro hihita: — Pixni Messias-yi, Hoyakalu hiwekatshri whenyi.

Mateus 16:20

Waneya Jesus towutna rasruklene hike hma munkajyawakanuplu Messias rixinri pirana.

Lucas 1:43

Katnohe hita tyanwakaxyawakno Noyakalute hinro tetapyawakno?

Lucas 1:69

Hoyakalu henekatkawu satu hiwekkaklewatatshri, tsru pixkonurutu Tsru Hixikatshriwa Hoyakalu towreru Davi tshinkalurni klopichni.

Lucas 2:26

Waneya runkakkatka Hoyakalu Hiwejikaluruya hi himatshi rupnanu hma metkanu pchiniklu Cristo, Tsru Hixikatshriwa Hoyakalu yokanrerupa.

Lucas 2:4

Hiyáhoni wale tshinanu José tshinkaluru, Galileia tshijne Nazaré poktshi tshinkaluru, ruchpajya waneya pa poktshi nwaka hya Belém tshinikowaka Judeia tshijneya, phuru Davi-ni matuxyawaka poktshi. Wane hyatka José tshinkaluru klu tshinanu Davi-ni klopichni.

João 1:41

André yahapkata himole potuko Simão tshinkaluru nwaka. Waneya wla htshinatkalu: — Wukchikatkalu Messias. (Yokakkalurutka waleni Cristo.)

João 1:45

Filipe hijhatkalu Natanael waneya wla htshinru: — Wukchikatkalu wale yineru Moisés-ni yonyehitanru yonruru piran-yehi hiyrun-koxa Hoyakalu tokanu hinkakletatshine yonyehitanru. Jesus-ni wale, José tshinkaluru whene, Nazaré poktshi hajeru.

João 11:27

Waneya wane ttshina: — Hehe Tsru Hixikatshriwa, nalixyi Messias pixyawaka Hoyakalu whenyi xye tshiji hinatshriyi.

João 20:31

Seyni xyekaka yonatka hixa halixyawakaplu Jesus, Hoyakalu Whene Cristo (Messias) rixyawaka hiyrun-koxa halixinri waneyaphi hiwejinri wale hiwaka tshinanu.

João 4:25

Waneya suxo wla ttshinru: — Nimatlu Messias honukla Cristo tshinkaluru hinanu halikaka. Runiniklunu ptowru potuko ruhle hinkakletanwu.

João 4:42

Wla htshinrona suxo: — Hi pixa ptokanu tsonu tshinanni seyni waleko htokanu wjemyawaka tshinanu walixlu. Wimatlu halikakni Cristo-ni wale ptowru tshijne Hiwekkakatshrini wale.

João 6:69

Hixa halixyi, wmunanhayi Pixni Cristo-yi, Hoyakalu hichpajikatshriyi Potukalyi!

João 7:41

Pimrine wla tshina: — Xyekni Cristo tshinkaluru. Seyni pimrine wla tshina: — Seyni Cristo tshinkaluru hi hetko Galileia tshijne ruchpajini.

Atos 10:36

Xyekni tokantshi Hoyakalu yokanatanru israel-nerune nwaka, kihler-potuko tokantshi ruhlewahchinikanuxyawaka pirana, Jesus Cristo-ya. Xyekni ptowru potuko Tsru Hixikatshriwa.

Atos 13:23

Hiyáhoni Hoyakalu hanikyehitna Israel satu Davi klopichane wanna hiwekkakatshri rixyawakapa, hanu rixa kojiretletna mnukawa, walekni Jesus.

Atos 17:3

Runkaksatna haté rekhitna Cristo hijha hipnaleta wane pnute raluka yotunrexyalu hipuktshi. Wane htshina: — Xye Jesus nunkakletyehixyahi waleni Cristo tshinkaluru.

Atos 2:36

Wale tshinanu rimatankoxluna ptowruneka israel-nerune waleko Jesus cruz rutaklerna, Hoyakalu halikaka hitakatkalu, Tsru Hixikatshriwa hiyrun-koxa Messias rixyawaka.

Atos 5:31

Seyni Hoyakalu hitaklu Jesus hpotukle sreta Tsru Hixikatshriwa rixyawakapa yine hiwekkakatshri rixyawakapa. Renejyawakna judeu-ne rehchinikanuxyawakapna hiyrunu rektunna ruknojyawakapna.

1 Coríntios 15:47

Mitshikananu Adão waleni tshiji hajeru tshiji kamhikolni. Seyni hapkatatatshri Adão waleni Tsru Hixikatshriwa tenhohne hajerni.

Filipenses 2:11

Ptowru yinerunru pejnu hiphujetanru Tsru Hixikatshriwani Jesus Cristo. Hoyakalu Hirtshi himalwuxikolupa.

Filipenses 3:8

Seyni halikak-potu Cristo nkayaxyawakapa tshinanu ptowru potuko hiknokachatkaluru nikahwakatka wale kachrijrutkani kihler-potuko Nutsrukate Cristo Jesus himatyehixikolu. Wale tshinanu namtaklu ptowruka hektutu, malukkotu nikahwaklu Cristo numukata yoptolexyawakapa.

Colossenses 2:6

Hiyáhoni mitshikananu hixa yoptolexyawaklu Tsru Hixikatshriwa Jesus Cristo pixka hixa homkahretanru.

1 João 4:14

Wetlu hiyrunu wuphujtatlu Wuru Hoyakalu yokanatlu Hiwhene xye tshijne hajene hiwekkaklewatatshri rixyawakapa.

1 João 5:1

Ptowru yineru Jesus tshinkaluru Cristo rixyawaka halixatshri, Hoyakalu matkaklerni hiyrunu katukta hamotanru Wuru Hoyakalu ramot-koxlu Hiwhene.