Lucas 2:10 - Bíblia

¹⁰ Seyni hiwejikaluru Hoyakalu towreru tenhohne hajeru wan-tshinna: — Hi hpikanu. Klu tshinanu hetanu nuna nunkajyawakaphi kihler-pirana poyikowlu potukalu pirana, ptowru yinerunupni.

Lucas 2:10 ပူးပေါင်းရင်းမြစ်များ

Gênesis 12:3

Katukta hihlehchinikanutanyi pixa Hita hihlehchinikanutanna wanna hiyrun-koxa katukta hektuwaka htshinanwakatyi pixa Hit-koxa hektuwaka ntshinanwakatna wanna. Ptowru neruka xye tshiji hajene hihlehchinikanutka pixa tshinanu.

Mateus 14:27

Seyni waneklukawa potuko Jesus wan-tshinna: — Hixkohchinikanuphi, Hitni! Hi hpikanu.

Mateus 28:18

Waneya Jesus hapyehitna rasruklene waneya wane htshinna: — Hita henekka psol-potuko tsru hitakkaluru tenhohneya tshij-koxa.

Mateus 28:5

Waneya hiwejikaluru Hoyakalu towreru tenhohne hajeru wla tshinna suxone: — Hi hpikanu, nimatlu Jesus, cruz hipnapikatshri hijha.

Marcos 1:15

Waneya wla htshina: — Rapokpapkolutatka, Hoyakalu pohirewaxyawaka hi howukchinpatkalu. Hehchinikanutanu, halixanru kihle piranalu potuko hiwekkaklewatatshri pirana.

Marcos 16:15

Waneya wla htshina: — Ptowru tshijne hyanu hinkakanna kihle piranalu potuko hiwekkaklewatatshri pirana ptowru tshijne hajeneka.

Lucas 1:13

Seyni hiwejikaluru Hoyakalu towreru tenhohne hajeru wan-tshinru: — Hi ppikanu, Zacarias. Hoyakalu himatlu panjireru hanjihohneruya. Hiyáhoni phanunro Isabel matuwhenexinyi jejipni. Phiwakatanru xako João.

Lucas 1:19

Waneya hiwejikaluru Hoyakalu towreru tenhohne hajeru wane htshin-hihretlu: — Petanu. Nhiwaka Gabriel, Hoyakalu towrerno. Walekni nyokanatjeru pixa nunkajyawakapa xye pirana kihler-potuko.

Lucas 1:30

Seyni hiwejikaluru Hoyakalu towreru tenhohne hajeru wan-tshinro: — Hi ppikanu, Maria, klu tshinanu kihlehchinikanru Hoyakalu pixa tshinanu.

Lucas 2:11

Xawakni hohne potuko, Belém tshinikowaka, Davi-ni poktshi, hmatuxyatka hixa hiwekkakjerupa. Waleni Tsru Hixikatshriwa Cristo.

Lucas 24:47

Hiyrun-koxa ptowru tshijneko runkaklexikotka hehchinikanru pirana hektuntshi hiknojikowaka pirana, wale hiwakaya. Jerusalém poktshi hyinuwaka hinkaklewlexini.

Lucas 8:1

Waneya wane wkatanu, Jesus ptowru poktshi nwaka hyapa, tsru poktshi hiyrun-koxa mtserutu poktshikaka. Runkaklewakananumta kihler-potuko tokantshi Hoyakalu pohirewaxyawaka pirana. Waleymana rasruklene, doze-na.

Atos 13:32

Hiyáhoni wunkakhi kihler-potuko tokantshi hiwekkaklewatatshri pirana Hoyakalu mitshi hinkaklexyana wutsrukatenni,

Romanos 10:15

Satu hinkaklewatatshri myokanatkonuklunu, hanhe xawaka rixa himukata hinkaklewleta? Wane htshina yonatkaluru: “Hi pa hihlen-jixikananuktana kihle piranalu potuko hiwekkaklewatatshri pirana hihlehchinikanrewatatshri pirana hinkakletatshine!”

Efésios 3:8

Hita mpomujhakotpotno ptowruneka Hoyakalu hayineteneya. Wanepnawaka Hoyakalu henekno xye poyikowlu judeu mixkane nunkajyawaklu kihler-pirana potuko, tsru pohirewnalu honra Cristo henekwu.

Colossenses 1:23

Halikakni hixa halixle hijhalu poyehiru hoho rutajikowaka, hma kowchojikowakanupa hixa halixle. Hi hitneprikkajinwa kahwakachaluya kihle piranalu potuko hiwekkaklewatatshri pirana hyijnakotanrutka xye tshijne psoluka yapiranatatshrini. Hitni Paulo-no xye pirana jinkakletaklerno.