Lucas 19:47 - Bíblia

⁴⁷ Jesus ptowru hohneruka hasruklewjekanata Hoyakalupjiya. Tsru hixikatshinwa sacerdote-ne, kasruklewaklerune, hinanchitkaluru pirana hasruklewatatshine hiyrun-koxa judeu-ne tsru hixikatshinwa haluk-hiylaletmaklu Jesus.

Lucas 19:47 ပူးပေါင်းရင်းမြစ်များ

Mateus 21:23

Waneya pa hohne Jesus Hoyakalupji jihloka, waneya yine rasrukakanatka pchinika, tsru hixikatshinwa sacerdote-ne, hiyrun-koxa tsrukakalune judeu-ne hapokanwakatlu. Waneya repomhaluna: — Punkakanwu hanhe ruchpajya ptowutjeru xyekaka pkamhiywaka? Kathe henekyi xye tsru hitakkaluru?

Mateus 26:55

Waneklu Jesus wla tshinatkana hkachitjene: — Katshowhurlanohe wkata hina yohlolewapikakayma, hahajekakayma koxa hkachixyawakapno? Ptowru hohneruka Hoyakalupji nasrukjekanaxyahi. Seyni hi hkachitno.

Marcos 11:18

Waneya tsru hixikatshinwa sacerdote-ne, kasruklewaklerune hinanchitkaluru pirana hasruklewatatshine yijnakotlu xye. Hyinuwaka hijhaletluna ruylaxyawakapluna Jesus. Klu tshinanu hixolune yine ptowruneka himyekahchinikanuta rasruklewle tshinanu hiyáhoni hpikluna.

Marcos 12:12

Waneya tsru hixikatshinwa judeu-ne himatlu Jesus kamnitna yapkaklu piranaya runkakletleru. Waneya ralukluna preso rutajyawakluna Jesus. Seyni hpikna hixolune yine. Wale tshinanu ruchotluna. Waneya hyatkana.

Marcos 14:1

Waneya hepi hohne mahatatka Páscoa hohne tshinkaluru rexyawakapa. Waleni pão myapjetu nijikolu hohne. Hiyáhoni tsru hixikatshinwa sacerdote-ne hiyrunu kasruklewaklerune hinanchitkaluru pirana hasruklewatatshine hijhahchinikanuta hanu rixa himukata preso hitakletluna Jesus yokwiruyma ruylaxyawakapluna.

Marcos 14:49

Hixayma nwakanata ptowru hohneruka. Ptowru hohneruka Hoyakalupji nasrukjekanaxyahi. Seyni hi hkachitno. Seyni xye ptowruka hakanha Hoyakalu tokanu tshinyawaka hpoyahokajyawakapa tshinanu.

Lucas 19:48

Seyni hi rukchikluna hanu potu rixa hiylaletanruna. Klu tshinanu ptowrunek-yine haluka jemlepotutlu Jesus tokanu.

Lucas 20:19

Tsru hixikatshinwa sacerdote-ne hiyrun-koxa kasruklewaklerune hinanchitkaluru pirana hasruklewatatshine himatlu Jesus kamnitna yapkaklu piranaya runkakletleru. Raluka kachretmakluna Jesus seyni hpikna yine.

João 10:39

Hiyáhoni wannamka hiyrunukotnaka haluka kachretlu Jesus seyni wanna rasujyatka.

João 18:20

Waneya Jesus wla tshinru: — Ptowruneko hetanu nunkaklewjeta. Ptowru judeu hapatjexyawaka hanjihohnewakapji hiyrunu Hoyakalupji, nunkaklewjekanaxya. Nunkaklewaxyawaka hikeklu nyohimata.

João 7:19

Hi he Moisés-ni henekatkahi yonruru pirana seyni hi satuknako hixa homkahitlu. Hiyáhoni klu hikolukle tshinanhe haluk-hiylaletno?

João 7:44

Satkaka yine kachpiratlu Jesus seyni hi satukna yineru yahot-kachretlu.