Lucas 19:21 - Bíblia

²¹ Klu tshinanu npikyi, pix-honra jeji menekachalewakletyi. Pwiya pma kamhanutuko. Mutakatúkoyi hamlu.”

Lucas 19:21 ပူးပေါင်းရင်းမြစ်များ

Lucas 19:20

Waneya satu hinatnaka, wla htshina: “Nutsrukate, xyetkani ouro proji penekamxyano, satupkalutu. Nimretlo, mkatshri sama npoyitlo.

Lucas 19:22

— Waneya wla htshinru: “Hektutu towrertshiyi. Pixako ptokanuko nukolukkakanunyi. Pimatnohe jeji menekachalewakletu nixyawaka? Nma kamhanutuko nimwiywaka hiyrun-koxa mutakkatukno hamyawaka?

Romanos 8:15

Klu tshinanu Hiwejikaluru honra Hoyakalu henekanwu, hi jhamleholune rixkakanwu. Seyni Hoyakalu Hiwejikaluru wan-hixkakwu Hoyakalu whenene wixyawaka. Hiyáhoni Hoyakalu Hiwejikaluru pixkonu tshinanuya hipokananu wane wtshinanu: Hirtshi! Nuru!

Romanos 8:7

Hiyáhoni waleko ralujyawaka kamhatshri Hoyakalu hkamnita. Klu tshinanu wan-hixatshri hi yijnakotlu Hoyakalu yonreru. Halikaka wan-hixatshri hi himukata homkahretlu Hoyakalu.

2 Timóteo 1:7

Klu tshinanu Hoyakalu Hiwejikaluru renejyawu Hoyakalu, hi jhamleholu hchinikanni. Seyni halikaka Hoyakalu Hiwejikaluru pixkontshi renejyawu, pimrine wuchinijyawaka, hixko hchinikanu rixkakwu.

Tiago 2:10

Klu tshinanu katuktako homkahixinri Moisés yonreru ptowruka seyni pa towutlujijipka tsonu tshinanu hpupjexini waneyakni yonruru pirana ptowruka pupjexikatshrini wale.

1 João 4:18

Hamotkaklu hwiywaka hi rawa hamlehonutshi. Hamlehonutshi salewaktshi hikahwaklu seyni halikak-potu hamotlewlu hakaklu hamlehonutshi. Jhamleholu hi kihleylu hamotlewlu.

Judas 1:15

Runanu rukolujyawakapna ptowru yine. Rapnokaxyawakapna wane hanikajite hwatshine Hoyakalu malixkane, hkamrurna ptowruka Hoyakalu mukchikhihlenutanutu tshinanu. Hiyrunu rapnokaxyawakapna hektuwaka kamhatshine, Hoyakalu malukkane htokanna ptowruka, hektuwaka htshinanwakaxyawakluna Hoyakalu tshinanu.