Lucas 18:7 - Bíblia

⁷ Hiyáhoni hi he xawaka Hoyakalu hapnuyehitanna rayinetene hnurrene, hohohne hoyetshno koxa ranjitjene? Himka repixhapkatanna.

Lucas 18:7 ပူးပေါင်းရင်းမြစ်များ

Mateus 24:22

Seyni Hoyakalu hma masatkanumkalu salewnikolu papkopa, hikemka hiwekanu. Seyni Hoyakalu nuretanune tshinanu, hmasatanru salewaktshiklu papkopa.

Mateus 24:24

Klu tshinanu hixolune Messias minjene hiyrun-koxa Hoyakalu tokanu hinkakletatshine minjene hakanhanu hiyakolukaka hiyrunu himyekaklewatatshri kamhatshine hyokwijexyawakapna yine. Rumukatkamka haté Hoyakalu nurrene hyokwijetanu.

Mateus 7:11

Hixa hektutu kkamhaklerunhi himata kihleru henekawheneta hiyáhoni wane yohnik-rixa heneklewleta Hirtshi tenhohne hajeru ranjitjeru.

Lucas 11:13

Hixa hektutu kkamhaklerunhi himata kihleru henekawheneta hiyáhoni wane yohnik-rixa heneklewleta Hirtshi tenhohne hajeru, Hoyakalu Hiwejikaluru ranjitjeru.

Lucas 2:37

Waneklu papko oitenta e quatro mhalekananro. Hi tuchpaka Hoyakalupjiya. Seyni hohohne, hoyetshno koxa hi tutuk-himalwuretlu Hoyakalu tohajirewleyma hanjihohneruya.

Lucas 21:28

Hyinuwaka hakanhalexini xyekaka, poyehi yopkaklephi. Teno hyihatanu klu tshinanu chinpotukawa hiwekkakkotka.

Romanos 8:33

Kathe xawaka himukata kahekletna Hoyakalu nurrene? Hikeni klu tshinanu Hoyakalukni potukatatkana.

Colossenses 3:12

Hoyakalu hayinetenetkahi. Hihchinikanunetkahi. Hnurethi walenuko hixyawakpatka. Hiyáhoni hixa hijhalu hyochmajnawakwa hetwamonrewluya, hichiniklewluya, mturu hixnawakwa, mchiretannutshi, kahwakachluya.

1 Tessalonicenses 3:10

Ptowru hohneruka hohohne, hoyetshno koxa wanjipotutlu Hoyakalu wumukata hetlepotuxyawakhi wtseruxyawakaplu halixle hmahaxinri.

2 Tessalonicenses 1:6

Klu tshinanu Hoyakalu honra kihler-potuko rixanru. Hiyáhoni hixa saletjene salewaktshi renekanna Hoyakalu, rumlujikolupna.

1 Timóteo 5:5

Xawakni halikaka hipnahnurutatshro pirana hapaluchatatshro potu, Hoyakalu munanhatshro tixini, tma mutuk-hanjiretkanuklunru Hoyakalu hiyrun-koxa tanjihohnejexini hoyetshno, hohohne koxa.

2 Timóteo 1:3

Nimalwutlu Hoyakalu, htowre kamhatshrino nutsrukatenni pixka. Powra hchinikanurno. Hoyetshno, hohi koxa hi nutuk-hichinikanretletyi pixa nanjihohnereya.

2 Timóteo 2:10

Hiyáhoni nakotachatlu ptowru potuko Hoyakalunerune nuretkalune tshinanu. Wane nixjeta rumukata hiwekkakletkona Jesus Cristo-ya hiyrun-koxa rumukata Hoyakalu yehi hwalexyawakapna hikeklu hohne mnikawnakatupa.

Tito 1:1

Hita, Paulo-no, Hoyakalu towrerno. Jesus Cristo nurrerno. Hoyakalu nurrene halixlepa tshinanu nyokanatka. Hiyrun-koxa nyokanatka Hoyakalu halukanru homkahixikolu himathexikowakapa halikakalutu tokantshi tshinanu.

1 Pedro 1:1

Hita Pedro-no Jesus Cristo nurrerno. Twu yonawahlo judeu-ne mwachatkane tshinanupa. Ponto tshijne yatshine tshinanu, Galácia tshijne yatshine tshinanu, Capadócia tshijne yatshine tshinanu, Ásia tshinikowaka yatshine tshinanu, Bitínia tshinikowaka yatshine tshinanu.

2 Pedro 3:9

Satkaka yineru kahwaklu Tsru Hixikatshriwa Hoyakalu hi haluka kamhaletatkalu htshinyawaka pixka. Seyni hike. Kchinikanurni wale. Klu tshinanu hi raluklu ramhiywakamkapa yineru hi satuknako, seyni walemka haluklu ptowru yineru rehchinikanuxyawakapa.

Apocalipse 18:20

Hiyáhoni xawakni himuwatanu tenhohne hwatshinhi, Hoyakalunerune, nuretkalunhi hiyrunu Hoyakalu tokanu hinkakletatshinhi. Klu tshinanu Hoyakalu hapnokatlu wale tsru poktshi, rixjekanaxyawakhi tsru poktshi pixka rixlu.

Apocalipse 6:10

Tsru tokanuyma hsaplewatna, wla tshinatshine: — Ha, Tsru Hixikatshriwa Hoyakalu, potuka hchinikanuru, halikakalutu hi pchini hohnehe mahata xawakni pjihyehixyawakapna xye tshijne hajene hiyrunu papnuyehixyawakaplu wihraha hkochpaklerna?

Apocalipse 7:15

Wale tshinanu Hoyakalu tuplawakle yoptowaka sreta rawna. Hoyakalu towre hkamhajetna Hoyakalupjiya hohi, hoyetshno. Pohirtshi tuplawakle tuplatatshri wannayma hwanu.