Lucas 18:32 - Bíblia

³² Klu tshinanu judeu mixkane renekko. Reyikko, rapnokatko, rutskahjetko.

Lucas 18:32 ပူးပေါင်းရင်းမြစ်များ

Mateus 16:21

Wale hohnekananuko Jesus yinuwaka hinkakletna rasruklene Jerusalém rujha yalexyawaka pirana hiyrunu hsalewniywaka hixo pa hixanu tshinanuya pirana tsrukakalune judeu-ne hiyrunu tsru hixikatshinwa sacerdote-ne myoya, kasruklewaklerune hinanchitkaluru pirana hasruklewatatshine myoy-koxa. Hiyrun-koxa ruylatko seyni map-hohne rixinri riwekanutnaka pirana.

Mateus 20:19

judeu mixkane renekko waneya reyikko, hkotshipjetko, ruylatko. Waneya map-hohne rixinri riwekanutnaka.

Mateus 22:6

Pimrine kachitanna phuru towrenni, hkotshipjetatkana, ruylatanatkana towrertshinni.

Mateus 26:67

Waneya rutskahahojitlu Jesus, rutsojtakluna. Pimrin-koxa himpaklu.

Mateus 27:2

Rostutluna Jesus, waneya ranikluna Phuru Pilatos renejyawakapluna.

Marcos 14:65

Waneya satkaka yineru yinuwaka hitskahjeretlu. Ruchyahojitluna. Rutsojtakluna waneya wla htshinruna: — Pmetanutu punkakletanu kathe hiylakyi. Hiyrunu rinotjen-koxa kachitlu, rutsojtakluna.

Marcos 15:1

Waneya yetshpotukawa rapatjetna judeu-ne tsrukakalune, tsru hixikatshinwa sacerdote-ne, hiyrun-koxa kasruklewaklerune hinanchitkaluru pirana hasruklewatatshine. Rapatjehchinikanutna ptowruneka judeu chefe-teneyma. Rostutluna Jesus, waneya ranikluna phuru Pilatos renejyawakapluna.

Lucas 18:33

Hkotshipjetko waneya ruylatko. Waneya map-hohne rixinri riwekanutnaka.

Lucas 23:1

Waneya hpalnatkana wanna ptowruneka, waneya phuru Pilatos tshinkaluru nwaka ranikluna Jesus.

Lucas 23:11

Waneya phuru Herodes, soldado-neyma heyiklu. Rapnokatluna. Waneya mkatshri kihler-potuko hmakatluna Jesus. Wan-hixatshriko phuru Pilatos nwaka ranikluna hiyrunukotnaka.

Lucas 23:35

Retakanatluna Jesus. Tsrukakalune judeu-ne wannaymalune koxa heyiklu, wla htshinna: — Pimrine riwekkaka, rumukaxinipa riwekkajinwa wale nanuko, halikaka Messias tshinkaluru rixinpakni, Hoyakalu nurreru.

João 18:22

Seyni wane htshininixka satu soldado Jesus-stsi hwatshri himpakhojitlu Jesus. Waneya soldado wla tshinru Jesus: — Wanerhe ptshin-hihretlu tsru sacerdote?

João 18:28

Waneya judeu-ne haniklu Jesus. Caifás yehi ruchpajyana phurupji ranikluna. Yetshpotukawa. Judeu-ne hi haluka jihlokletlu phurupji hma pitshoxnawakanupwana Páscoa hohne nikle rumukata niklexyawakapna.

João 18:30

Waneya ruhitluna, wla htshinruna: — Hektutu hma kamhaknumka, himka pixa wenekanru.

João 18:32

Wan-rixluna Jesus hpoyahokajyawakapa htshinyawaka rixa hipnalexyawakapa salewaktshiyma.

João 18:35

Seyni Phuru Pilatos wla tshinru: — Ha, judeu-nerlahe pkahwakno hita? Pineruneko hiyrunu tsru hixikatshinwa sacerdote-ne hita hsamyokyina. Kluhe pkamha pixa?

Atos 2:23

Seyni Hoyakalu waleko ralujyawaka tshinanu Jesus renekhi hixa myoya. Waneya hixako hiylatlu. Jejine hektune cruz hiylaxyalu Jesus hixako tshinanu.

Atos 3:13

Wutsrukatenni Hoyakalute, Abraão-ni, Isaque-ni, Jacó-ni Hoyakalute, walekni tsru hitakkaluru reneklu htowreru Jesus. Seyni hixa nomolenhi hkamnitlu Jesus hiyrunu Jesus Pilatos tshinkaluru hoji sreta rawakanaxini, Pilatos kaspukpiratmaklu Jesus seyni hixa nomolenhi hi hinanchitlu.